ޤާނޫނުތައް ނެގެހެއްޓުމަށް މި ސަރުކާރުން އަބަދުވެސް މަސައްކަތް ކުރާނެކަމަށް ރައީސުލްޖުމްހޫރިއްޔާ އަބްދުﷲ ޔާމީން ވިދާޅުވެއްޖެ އެވެ.
ބައިނަލްއަޤުވާމީ ޑިމޮކްރެސީ ދުވަހާއި ގުޅޭގޮތުން ރައީސް އަބްދުﷲ ޔާމީނާއި ހަވާލާދެއްވައި، ރައީސް އޮފީހުގެ ރަސްމީ ޓުވިޓަރ އެކައުންޓުގައި ބުނެފައިވަނީ، "ރާއްޖޭގެ ޑިމޮކްރެސީ އާއި ޤާނޫނުތައް ނެގެހެއްޓުމަށް މި ސަރުކާރުން އަބަދުވެސް މަސައްތަކްކުރާނެ" ކަމަށެވެ. އިތުރު އެއްވެސް އެއްޗެއް ރައީސް ޔާމީނާއި ހަވާލާދީ އެ ޓުވީޓްގައި ހާމަކޮށްފައެއް ނުވެއެވެ.
"This administration will continue to work towards upholding democratic principles and the laws of the nation" - President Yameen pic.twitter.com/GrzQNKxSML
— Presidency Maldives (@presidencymv) September 15, 2017
ޑިމޮކްރެސީ ނަގަހައްޓާނެކަމަށް ރައީސް ޔާމީން ވިދާޅުވިއިރު، އެމަނިކުފާނުގެ ސަރުކާރުގައި ޑިމޮކްރެސީ މަރާލާފައިވާކަމަށް އިދިކޮޅު ފަރާތްތަކުންނާއި، ބޭރުގެ ޖަމިއްޔާ ޖަމާއަތްތަކުންނާއި، ބޭރުގެ ބޮޑެތި ބައެއް ޤައުމުތަކުން ގެންދަނީ ތުހުމަތުކުރަމުންނެވެ. އެގޮތުން މިހާރު ރާއްޖޭގައި ޑިމޮކްރެސީގެ އެއްވެސް މިންވަރެއް ނެތްކަމަށް އެ ފަރާތްތަކުން ތުހުމަތުކުރެއެވެ.