ފައިސާ ޗާފު ނުކުރާނެ ކަމަށް ވައުދުވެގެން އައި ސަރުކާރުން ޗާޕު ކޮށްގެން އަންގާރަ ދުވަހު ނެރުނު 20ރ. އާއި 100ރ ގެ އައު ނޫޓުގައި ސޮއި ކުރައްވާފައި ވަނީ މުނައްވަރު
ގަވަރުނަރު އަޙްމަދު މުނައްވަރު ސޮއިކުރައްވާފައިވާ މި ނޫޓުތައް ދައުރުވާން ފެށި ނަމަވެސް، މިހާރު ބޭނުންކުރަމުންދާ ނޫޓުތައް ވެސް ސައްހަ ފައިސާގެ ގޮތުގައި ބޭނުންކުރެވޭ. 100ރ. އައު ނޫޓު އެންމެ ފަހުން ޗާޕް ކޮށްގެން ގެނެސްފައިވަނީ 7 ޖުލައި 2024 ގައި.
100 ރުފިޔާގެ އާ ނޫޓު މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބާޒާރަށް ނެރެފި. | އެމްއެމްއޭ
ފައިސާ ޗާފު ނުކުރާނެ ކަމަށް ވައުދުވެގެން އައި ސަރުކާރުން އަލަށް ޗާފު ކޮށްގެން ގެނައި 20ރ. އާއި 100ރ. ގެ ނޫޓު ބާޒާރަށް އަންގާރަ ދުވަހު ނެރުނު އިރު އައު ފައިސާ ގައި ސޮއި ކުރައްވާފައިވަނީ ގަވަރުނަރު އަހްމަދު މުނައްވަރު އެވެ.
މޯލްޑިވްސް މަނިޓަރީ އޮތޯރިޓީން 20ރ. އަދި 100ރ. އައު ޗާޕުގެ ނޫޓުތައް ފެބުރުވަރީ މަހުގެ 17 ވަނަ ދުވަހުން ފެށިގެން ދައުރުކުރުމަށް ބާޒާރަށް ނެރެފައިވާ ކަމަށް ވަނީ ބުނެފަ އެވެ.
އެމްއެމްއޭ އިން ބުނީ ފައިސާ ޗާޕު ކުރީ އިގްތިސާދުގައި ނަގުދު ފައިސާ އަށް އަލަށް އުފެދޭ ޑިމާންޑް ފުއްދުމަށާއި ބައުވެ ހަލާކުވެގެން ނަގާ ނޫޓުތަކުގެ ބަދަލުގައި އައު ނޫޓުތައް ތައާރުފް ކުރުމަށް ކަމުގަ އެވެ.
މޯލްޑިވްސް މަނިޓަރީ އޮތޯރިޓީން ބުނީ 100 ރުފިޔާގެ އައު ޗާޕުގެ ނޫޓު ފެބުރުވަރީ 2 ވަނަ ދުވަހު އޮތޯރިޓީ އަށް ގެނެވުނު ކަމަށާއި 20 ރުފިޔާގެ އައު ޗާޕުގެ ނޫޓު ފެބުރުވަރީ 15 ވަނަ ދުވަހު އޮތޯރިޓީ އަށް ގެނެސްފައިވާ ކަމަށެވެ.
ފެބުރުވަރީ 17 ވަނަ ދުވަހުން ފެށިގެން މި ދެ ނޫޓުވެސް ދައުރުވާ ފައިސާގެ ތެރެއަށް ދޫކުރުމަށް ހަމަޖެހިފައިވެއެވެ.
20ރ. ގެ އައު ޗާޕުގެ ދެފުށުގައި ދިވެހި ރުފިޔާގެ ނިޝާން އަލަށް ހިމަނާފައިވާއިރު އަލަށް ނެރުނު ނޫޓުތަކުގައި ސޮއި ކުރައްވާފައިވަނީ މޯލްޑިވްސް މަނިޓަރީ އޮތޯރިޓީ އަށް ރައީސް މުއިއްޒު އިސްކުރެއްވި ގަވަރުނަރު އަލްފާޟިލް އަޙްމަދު މުނައްވަރު އެވެ.
100ރ. އައު ނޫޓު އެންމެ ފަހުން ޗާޕް ކޮށްގެން ގެނެސްފައިވަނީ 7 ޖުލައި 2024 ގަ އެވެ.
މޯލްޑިވްސް މަނިޓަރީ އޮތޯރިޓީން ބުނީ މިހާރު ދައުރުވަމުންދާ 20ރ. އާއި 100ރ. ނޫޓުވެސް އައު ޗާޕާއި އެކު ދައުރުވަމުން ދާނެ ކަމަށެވެ.
އައު ޗާޕުގެ ނޫޓުތަކުގައިވާ ތާރީޚަކީ 31 ޖުލައި 2025، 6 ޞަފަރު 1447 ކަމަށް މޯލްޑިވްސް މަނިޓަރީ އޮތޯރިޓީން ހާމަކުރެ އެވެ.
