ސަލާމަތީ ބާރުތަކުގެ ބެލުމުގެ ދަށުން ހޯމަ ދުވަހު، 2 ލޮރީ އެއްގައި އެމްއެމްއޭ އަށް ވެއްދީ ކޯއްޗެއްކަމެއް ނޭނގެ: މީޑިއާ އެންޑް ކޮމިއުނިކޭޝަން މެނޭޖަރ
މީޑިއާ ތަކުން އެމްއެމްއޭ އަށް ދެ ކޮންޓެއިނަރުގެ ފައިސާ ވެއްދި ވާހަކަ ރިޕޯޓްކުރި ފަހުން، އެމްއެމްއޭ އިން ނެރުނު ބަޔާނެއްގައި ބުނީ، އެ އޮތޯރިޓީން ނެރެފައިވާ ރަން ދިހަފަހެއް ނޫޓު ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން ހޯމަ ދުވަހު އައު ސްޓޮކެއް އެ އޮތޯރިޓީއަށް ގެނެސްފައިވާ ކަމަށް.
ސަލާމަތީ ބާރުތަކުގެ ބެލުމުގެ ދަށުން، ހޯމަ ދުވަހު ހެނދުނު އެމްއެމްއޭ އަށް ފައިސާ ވައްދަނީ | ރާއްޖެ އެމްވީ
ހޯމަ ދުވަހުގެ ހެނދުނު ސަލާމަތީ ބާރުތަކުގެ ބެލުމުގެ ދަށުން ވެލާނާ އިންޓަނޭޝަނަލް އެއަރޕޯޓުން ނެރެގެން މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ވެއްދި ދެ ލޮރީގައި ހުރީ ކޯއްޗެއްކަން ނޭނގޭ ކަމަށް، އެމްއެމްއޭ ގެ މީޑިއާ އެންޑް ކޮމިއުނިކޭޝަން ޔުނިޓްގެ މެނޭޖަރ އަހްމަދު ސާއިފް ވިދާޅުވެއްޖެ އެވެ.
ހޯމަ ދުވަހު ހެނދުނު މީޑިއާ ގައި ދައުރުވި ބައެއް ވީޑިއޯ ތަކުން ފެންނަނީ ވެލާނާ އިންޓަނޭޝަނަލް އެއަރޕޯޓުން ނިކުތް ދެ ލޮރީ އެއް އެމްއެންޑީއެފް އަދި ފުލުހުންގެ ބެލުމުގެ ދަށުން މަރުކަޒީ ބޭންކް، އެމްއެމްއޭ އަށް ވަންނަ ތަނެވެ. މައުލޫމާތު ލިބިފައިވާ ގޮތުން އެއަރޕޯޓުން ނެރެގެން އެމްއެމްއޭ އަށް ވެއްދީ 2 ކޮންޓެރިނަރުގެ ފައިސާ އެވެ. ދެ ލޮރީ އެއްގައި ބޮޑު ދެ ކޮންޓޭނަރުގެ ފައިސާ އެމްއެމްއޭ އަށް ވައްދާ މަންޒަރު ގިނަ އަދަދެއްގެ ބަޔަކަށް ވަނީ ފެނިފަ އެވެ.
ދެ ކޮންޓޭނަރުގެ ގިނަ އަދަދެއްގެ ފައިސާ އެމްއެމްއޭ އަށް ވައްދައިފި
މިކަމާ ގުޅިގެން ރާއްޖެ އެމްވީ އިން އެމްއެމްއޭގެ މީޑިއާ އޮފިސަރު އަދި އެ އިދާރާގެ މީޑިއާ އެންޑް ކޮމިއުނިކޭޝަން ޔުނިޓްގެ މެނޭޖަރ އަހްމަދު ސާއިފް އަށް ގުޅުއްވުމުން ވިދާޅުވީ، މީޑިއާ ގައި ދައުރުވަމުންދާ ވީޑިއޯ އިން ފެންނަ ދެ ޕިކަޕުގައި އެމްއެމްއޭ އަށް ވެއްދީ ކޯއްޗެއްކަން ނޭނގޭ ކަމުގަ އެވެ. އަދި ދެ ލޮރީ އެއްގައި ހޯމަ ދުވަހު އެމްއެމްއޭ އަށް ފައިސާ ވެއްދިކަން އެނގިފަ ނުވާކަމަށެވެ. ނަމަވެސް އެމްއެމްއޭ އަށް ގެންނަ ފައިސާ އާ ގުޅޭ މައުލޫމާތު އެ އިދާރާގެ ވެބްސައިޓުން ފެންނާނެކަމަށެވެ.
މީޑިއާ ތަކުން އެމްއެމްއޭ އަށް ދެ ކޮންޓެއިނަރުގެ ފައިސާ ވެއްދި ވާހަކަ ރިޕޯޓްކުރި ފަހުން، އެމްއެމްއޭ އިން ނެރުނު ބަޔާނެއްގައި ބުނީ، އެ އޮތޯރިޓީން ނެރެފައިވާ ރަން ދިހަފަހެއް ނޫޓު ސީރީޒްގެ ނޫޓުތަކުގެ ތެރެއިން 100 ރުފިޔާގެ ނޫޓުގެ ސްޓޮކް މަދުވުމުގެ ސަބަބުން ހޯމަ ދުވަހު އައު ސްޓޮކެއް އެ އޮތޯރިޓީއަށް ގެނެސްފައިވާ ކަމަށެވެ. އެމްއެމްއޭ އިން ބުނީ، އަލަށް ނެރޭ ނޫޓާއެކު މިހާރު ބޭނުންކުރަމުންދާ 100 ރުފިޔާގެ ނޫޓުވެސް ދައުރުވަމުންދާނެ ކަމަށެވެ. މިދިޔަ އަހަރުގެ ކުރީކޮޅުވެސް އެމްއެމްއޭ އިން ވަނީ 100 ރުފިޔާގެ އައު ނޫޓުތަކެއް ޗާޕުކޮށްގެން ގެނެސްފަ އެވެ.
