ދޯންޏެއްގައި ރޯވުން: އަނިޔާވި 5 މީހުންނަށް ދަނީ ފަރުވާ ދެމުން
14 ފެބުރުއަރީ 2026 | ހޮނިހިރު 14:15މި ހާދިސާގެ މައުލޫމާތު ލިބުމާއެކު އެމްއެންޑީއެފްގެ ފަޔަރ ފައިޓަރުންނާއި ފުލުހުން އެ ސަރަހައްދުގައި ހަރަކާތްތެރިވެފައިވާއިރު، އަނިޔާވި މީހުން ވަނީ ފަރުވާއަށް މާލެ ގެނެސްފަ.
މަސް ދޯންޏެއްގައި އަލިފާނުގެ ހާދިސާ އެއް ހިނގުން | ސޯޝަލް މީޑިއާ
15 މީހުންނާއި އެކު ދަތުރު ކުރި މަސްދޯންޏެއްގައި ރޯވި ހާދިސާގައި އަނިޔާވީ 5 މީހުންނަށް ކަމަށް ފުލުހުން ބުނެފި އެވެ.
ފުލުހުން ބުނީ އަނިޔާވެފައިވާ މީހުންގެ ތެރޭގައި ހިމެނެނީ 2 ދިވެހިންނާއި 3 ބިދޭސީ އިން ކަމަށެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނެފައި ވަނީ ކުރުނބާ މޯލްޑިވްސް ރިސޯޓް ކައިރިން މަސް ދޯންޏެއްގައި އަލިފާން ރޯވެފައި ވާ ކަމުގެ މައުލޫމާތު ހޮނިހިރު ދުވަހު އެ އިދާރާ އަށް ލިބިފައިވާ ކަމަށެވެ. އެ ހާދިސާގެ މައުލޫމާތު ލިބުނީ ހޮނިހިރު ދުވަހުގެ 14:54 ގައި ކަމަށް ވެސް އެ އިދާރާ އިން ވަނީ ބުނެފަ އެވެ.
މި ހާދިސާ އާއި ގުޅިގެން ފުލުހުންވަނީ އެ ސަރަހައްދުގައި ހަރަކާތްތެރިވެފަ އެވެ. އަދި އަނިޔާވި މީހުން މާލެ ގެނެސްފައި ވަނީ ކުރުނބާ މޯލްޑިވްސްގެ އުޅަނދެއްގައި 03:30 ހާ އިރު ކަމަށް ފުލުހުން ވަނީ ބުނެފަ އެވެ.
މި ހާދިސާ އާއި ގުޅިގެން އެމްއެންޑީއެފް އިން ބުނީ ދޫނިދޫ ކައިރިން ދަތުރުކުރަމުންދިޔަ މަސްދޯންޏެއްގައި އަލިފާން ރޯވެގެން އެމްއެއެންޑީއެފް މާލޭ އޭރިއާ ކޮމާންޑް، ހުޅުމާލެ ފަޔަރ ސްޓޭޝަނުން ހަރަކާތްތެރިވެފައިވާ ކަމަށެވެ.
