ސްރީލަންކާ ގެ ސަބީނާ ޔޫސުފް މިސިޒް ވޯލްޑް 2025 ދެވަނަ ރަނަރަޕް ހޯދައިފި

ދުނިޔޭގެ ފެންވަރުގައި ބާއްވާ އެންމެ ޝަރަފުވެރި އެއް މުބާރާތް ކަމަށްވާ 41 ވަނަ މިސިޒް ވޯލްޑް ޕޭޖަންޓުގައި، ސްރީލަންކާގެ ސަބީނާ ޔޫސުފް ދެވަނަ ރަނަރަޕްގެ މަގާމު ހޯދައިފި އެވެ.

މި މުބާރާތުގެ ގަދަ ތިން ވަނައިގެ ތެރޭގައި ހިމެނުމުގެ އިތުރުން، ސަބީނާ ވަނީ "މިސިޒް ފޮޓޯޖެނިކް" ގެ ސަބް-ޓައިޓަލް ކާމިޔާބުކޮށް، މުބާރާތުގެ ގަދަ 20 ބައިވެރިންގެ ތެރޭގައި ވެސް ހިމެނިފަ އެވެ. 

މިސިސް ވޯލްޑް 2025 ގެ ތާޖު ތައިލެންޑުގެ ޗަނިތާ ސީޑަކެޓް ކްރޭތޯން ކާމިޔާބުކުރި އިރު، ފުރަތަމަ ރަނަރަޕްގެ މަގާމު ހޯދާފައި ވަނީ އެމެރިކާގެ ޕޭޖް އީވިންގް އެވެ.

މި މުބާރާތުގެ ގްރޭންޑް ފިނާލޭ ބާއްވާފައި ވަނީ ޖެނުއަރީ މަހުގެ 29 ވަނަ ދުވަހު އެމެރިކާގެ ނެވާޑާގެ ލާސް ވޭގަސް ގައެވެ. މި ޝަރަފުވެރި ލަގަބަށް ވާދަކުރުމަށްޓަކައި ދުނިޔޭގެ 60 އަށްވުރެ ގިނަ ގައުމުން ބައިވެރިން މި މުބާރާތުގައި ބައިވެރިވި އެވެ.