ހުޅުމާލޭގެ މަގުތަކުން ހިޔާ ލިބޭ ގަސްތައް ކަނޑާ، ގަސް ނުއިންދާ މައްސަލަ ބޮޑުވެއްޖެ
އެޗްޑީސީން ހުޅުމާލޭ ފުރަތަމަ ފިޔަވަހީގައި ހުރި ފިތުރޯނު ގަސްތައް ކަނޑާތީ ގިނަ ބަޔަކު ދަނީ އެކަމުގެ ކަންބޮޑުވުން ފާޅު ކުރަމުން. 2023 ވަނަ އަހަރުގެ މެއި މަހުގެ ތެރޭގައި ވެސް ހުޅުމާލޭގެ މަގުތަކަށް ގެއްލުން ލިބޭތީ، ފިތުރޯނު ގަސްތައް ނަގައި، ހިޔާ ލިބޭނެ އެހެން ގަސްތައް އިންދުމުގެ މަސައްކަތް ކުރަމުންދާ ކަމަށް އެޗްޑީސީން ބުނެފައިވޭ. ނަމަވެސް ހިޔާ ބޮޑެތި ގަސްތައް ނުއިންދާ ކަމަށް ގިނަ ބަޔަކު ބުނޭ.
ހުޅުމާލެ ފިތުރޯނު މަގުން ގަސް ކަނޑަނީ | ރާއްޖެއެމްވީ
ހުޅުމާލޭގެ މަގުތަކުން ހިޔާ ލިބޭ ގަސްތައް ކަނޑާ، ގަސް ނުއިންދާ މައްސަލަ ބޮޑުވެއްޖެ އެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ހުޅުމާލޭ ފުރަތަމަ ފިޔަވަހީގައި ހުރި ފިތުރޯނު ގަސްތައް ކަނޑާތީ ގިނަ ބަޔަކު ދަނީ އެކަމުގެ ކަންބޮޑުވުން ފާޅު ކުރަމުންނެވެ. 2023 ވަނަ އަހަރުގެ މެއި މަހުގެ ތެރޭގައި ވެސް ހުޅުމާލޭގެ މަގުތަކަށް ގެއްލުން ލިބޭތީ ކަމަށް ބުނެ، ފިތުރޯނު ގަސްތައް ނަގައި، ހިޔާ ލިބޭނެ އެހެން ގަސްތައް އިންދުމުގެ މަސައްކަތް ކުރަމުންދާ ކަމަށް އެޗްޑީސީން ބުނެފައިވެ އެވެ.
ނަމަވެސް އެކަން މަގުމަތިން ފެންނަން ނެތް ކަމަށާއި، ހިޔާ ބޮޑެތި ގަސްތައް ނުއިންދާ ކަމަށް ގިނަ ބަޔަކު ބުނެ އެވެ.
މީގެ ކުރިން ހުޅުމާލޭގެ ފިތުރޯނު މަގު، ފިތުރޯނު ގަސްތަކުން ހިޔާވެފައި އޮތް ނަމަވެސް އެޗްޑީސީގެ މިއަމަލުގެ ސަބަބުން ހުޅުމާލެ ހިތް ފަސޭހަކަން މިހާރު އެކުއެކީގައި ގެއްލިފައިވާ ކަމަށް ބައެއް މީހުން ބުނެފައިވެ އެވެ.
މި މައްސަލައާ ގުޅިގެން އެޗްޑީސީން ބުނީ، މި ދުވަސްވަރު ބައެއް ފިތުރޯނު ގަސްތައް ކަނޑަމުންދާ ކަމަށާއި، އެ މަސައްކަތް ކުރަނީ ގަސް އަލުން އިންދާ ގޮތަށް ކަމަށެވެ. އަދި މިހާރު އެމަސައްކަތް ކުރަނީ ކޮންސްޓްރަކްޝަން މަސައްކަތް ކުރުމަށް ދަތިވާތީ ކަމަށް އެޗްޑީސީން ބުނެ އެވެ.
ގަސް ކަނޑާ މަައްސަލައާ ގުޅިގެން އެޗްޑީސީ އަށް ވަނީ ފާޑު ކިޔުން އަމާޒުވެފަ އެވެ. މިއީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅުގެ ތެރެއިން، ފަސް މިލިއަން ގަސް އިންދިމުގެ ސިޔާސަތުގެ ދަށުން އެޗްޑީސީން ކުރަމުންދާ މަސައްކަތެއްތޯ ބައެއް މީހުން ސުވާލު އުފައްދާފައިވެ އެވެ.
