އޮސްޓްރޭލިއާގެ ހުރިހާ ސްޓޭޓެއްގައި ތައުލީމު އުގެނުމުގެ ހައްގު ގާނޫނީގޮތުން ކަށަވަރުކުރުމަށް ކުރާ މަސައްކަތްތައް އިތުރަށް ރަނގަޅު ކުރަންޖެހޭ ކަމަށް ރާއްޖެ އިން ބުނެފި
އޮސްޓްރޭލިއާގެ ސްޓޭޓްތަކުގައި ޖެންޑަރ ބޭސްޑް ވައިލެންސްގެ މައްސަލަތައް ތަހުގީގުކޮށް އިންސާފު ހޯދައިދިނުމަށް ވަނީ ލަފާދީފައި.
ޔުވިރސަލް ޕީރިއޮޑިކް ރިވިއު ގެ 51 ވަނަ ބައްދަލުވުމުގައި ރާއްޖޭގެ ފަރާތުން ވާހަކަ ދައްކަނީ. | ޖެނީވާ ގައި ހުންނަ ރާއްޖޭގެ މިޝަން
އޮސްޓްރޭލިއާގެ ހުރިހާ ސްޓޭޓެއްގައި ތައުލީމު އުގެނުމުގެ ހައްގު ގާނޫނީގޮތުން ކަށަވަރުކުރުމަށް ކުރާ މަސައްކަތްތައް އިތުރަށް ރަނގަޅު ކުރަން ރާއްޖެ އިން އޮސްޓްރޭލިއާ އަށް ގޮވާލައިފި އެވެ.
ޖެނީވައިގައި ކުރިއަށްދާ ޔުނިވަރސަލް ޕީރިއޮޑިކް ރިވިއު (ޔޫޕީއާރު) ގެ 51 ވަނަ ބައްދަލުވުމުގައި ހޯމަ ދުވަހު ރާއްޖެ އިން ވަނީ އޮސްޓްރޭލިއާ އިން އިންސާނީ ހައްގުތަކުގެ ރޮނގުން ރަނގަޅު ކުރަން ޖެހޭ އެހެން އިތުރު ކަންކަން ވެސް ފާހަގަ ކޮށްފަ އެވެ.
ޔޫ.ޕީ.އާރު.ގެ 51 ވަނަ ބައްދަލުވުމުގައި، އޮސްޓްރޭލިއާ އިން ޖިންސީ ހަމަހަމަކަން ގާއިމުކުރުމަށާއި އަންހެނުން ބާރުވެރިކުރުވުމަށް ކުރަމުންދާ މަސައްކަތްތަކަށް ދިވެހިރާއްޖެ އިން މަރުހަބާ ކިޔާ ކަމަށް ވެސް ބުނެފައިވެ އެވެ.
މީގެ އިތުރުން، އޮސްޓްރޭލިއާގެ ހުރިހާ ސްޓޭޓެއްގައި ތައުލީމު އުގެނުމުގެ ހައްގު ގާނޫނީގޮތުން ކަށަވަރުކުރުމަށް ކުރާ މަސައްކަތްތައް އިތުރަށް ވަރުގަދަކުރުމުގެ އިތުރުން، ވަކި ޖިންސަކަށް ވީތީ ކުރިމަތިވާ އަނިޔާ ނުވަތަ "ޖެންޑަރ ބޭސްޑް ވައިލެންސް" ގެ މައްސަލަތައް ހަރުދަނާކަމާއެކު ތަހުގީގުކޮށް، އެފަދަ އަނިޔާ ލިބޭ ފަރާތްތަކަށް އިންސާފާއި ބަދަލު ހޯދައިދިނުމަށް ދިވެހިރާއްޖެ އިން ވަނީ އޮސްޓްރޭލިއާ އަށް ލަފާދީފައެވެ.
