މުޒާހަރާތައް ހުއްޓާ ނުލާ ކުރިއަށް ގެންގޮސް ދައުލަތުގެ ތަންތަން ހިފުމަށް އީރާނުގެ ރައްޔިތުންނަށް ޓްރަމްޕް ގޮވާލައްވައިފި
މުޒާހަރާ ކުރާ މީހުންނަށް އެމެރިކާގެ އެހީތެރިކަން ފޯރުކޮށްދެއްވާނެ ކަމުގެ ޔަގީންކަން ޓްރަމްޕް ވަނީ ދެއްވާފަ.
މެރިން ވަން ރިޔާސީ ހެލިކޮޕްޓަރަށް އެރުމުގެ ކުރިން ރައީސް ޑޮނަލްޑް ޓްރަމްޕް ނޫސްވެރިންނާ ވާހަކަ ދައްކަވަނީ - ޖޫން 24، 2025 | ގެޓީ އިމޭޖަސް
އެމެރިކާގެ ރައީސް ޑޮނަލްޑް ޓްރަމްޕް، އީރާނުގެ ރައްޔިތުން ކުރަމުންދާ މުޒާހަރާތައް ހުއްޓާނުލައި ކުރިއަށް ގެންދިއުމަށާއި ދައުލަތުގެ ތަންތަން ހިފުމަށް އަންގާރަ ދުވަހު ގޮވާލައްވައިފި އެވެ.
އަދި އެހީތެރިކަން ފޯރުކޮށްދެއްވާނެ ކަމުގެ ޔަގީންކަން ވަނީ ދެއްވާފަ އެވެ. ނަމަވެސް، އެކަމާ ގުޅޭ އެއްވެސް ތަފްސީލެއް އޭނާ ހާމަކުރައްވާފައެއް ނުވެ އެވެ.
ޓްރޫތު ސޯޝަލްގައި ކުރެއްވި ޕޯސްޓެއްގައި ޓްރަމްޕް ވިދާޅުވީ، އީރާނުގެ ދެކެ ލޯބިވާ އެ ގައުމުގެ ރައްޔިތުން ހުއްޓާ ނުލާ މުޒާހަރާތައް ކުރިއަށް ގެންދިއުމަށާއި ދައުލަތުގެ ދައުލަތުގެ މުއައްސަސާތައް އެމީހުންގެ ބާރުގެ ދަށަށް ގެނައުމަށެވެ.
"އެހީތެރިކަން މި އަންނަނީ،" ކަމަށް ޓްރަމްޕް ވިދާޅުވި އެވެ.
މީގެ އިތުރުން، މުޒާހަރާގެ ބައިވެރިން "މާނަ އެއް ނެތް ގޮތުގައި މެރުން" ހުއްޓާލަންދެން، އީރާނުގެ ސަރުކާރުގެ އޮފިޝަލުންނާއެކު ބާއްވަން ހަމަޖެހިފައިވާ ހުރިހާ ބައްދަލުވުންތަކެއް ކެންސަލް ކުރައްވާފައިވާ ކަމަށްވެސް ރައީސް ޓްރަމްޕް ހާމަކުރެއްވި އެވެ.
މަސްދަރު: ރޮއިޓާސް
