ޓްރަމްޕް ގެ އިންޒާރު ކިއުބާ އަށް: "ވަގުތު ފާއިތު ނުވަނީސް ޑީލު ހަދާ"
ޓްރަމްޕް އިންޒާރު ދެއްވި ގޮތުގައި، ވެނެޒުއޭލާ އިން ކިއުބާ އަށް ފޮނުވަމުންދާ ތެލާއި ފައިސާގެ އެހީތެރިކަން މިހާރު ވަނީ ހުއްޓުވާފަ.
އެމެރިކާގެ އާ ރައީސް ޑޮނަލްޑް ޓްރަމްޕްގެ ހުވައި ކުރެއްވުމުގެ ރަސްމިއްޔާތުގެ ޓީވީ ބްރޯޑްކާސްޓް ކިއުބާއިން ބަލަނީ، 20 ޖެނުއަރީ 2017 | ގެޓީ އިމޭޖަސް
އެމެރިކާގެ ރައީސް ޑޮނަލްޑް ޓްރަމްޕް، ކިއުބާ އަށް އިންޒާރު ދެއްވަމުން، އެއްބަސްވުމަކަށް އައުމަށް ނުވަތަ ނޭނގޭ ނުރައްކާތަކަކާ ކުރިމަތިލާން ޖެހިދާނެ ކަމަށް އާދީއްތަ ދުވަހު ވިދާޅުވެއްޖެ އެވެ.
ޓްރަމްޕް އިންޒާރު ދެއްވި ގޮތުގައި، ވެނެޒުއޭލާ އިން ކިއުބާ އަށް ފޮނުވަމުންދާ ތެލާއި ފައިސާގެ އެހީތެރިކަން މިހާރު ވަނީ ހުއްޓުވާފަ އެވެ.
އޭނާގެ "ޓްރުތު ސޯޝަލް" މީޑިއާ ގައި ކުރެއްވި ޕޯސްޓެއްގައި ވިދާޅުވީ، "ކިއުބާ އަށް ދެން އެއްވެސް ތެލެއް ނުވަތަ ފައިސާ އެއް ނުދާނެ - އެއްވެސް މިންވަރެއް ނުދާނެ! ސުމެއް" ކަމަށެވެ. އަދި "ވަގުތު ފާއިތުވުމުގެ ކުރިން، އެއްބަސްވުމަކަށް އައުމަށް އަހަރެން ވަރަށް ބޮޑަށް ބާރުއަޅަން،" ކަމަށް ވެސް ޓްރަމްޕް ވިދާޅުވި އެވެ.
