ހަމަނުޖެހުންތައް ހިނގި މުޒާހަރާތަކަށް ތާއީދު ކުރުމުން ފަރަންސޭސިވިލާތް، ޖަރުމަނުވިލާތް، އިޓަލީ އަދި އިނގިރޭސިވިލާތުގެ ޑިޕްލޮމެޓުން އީރާނުގެ ޚާރިޖީ ވުޒާރާ އަށް ހާޒިރުކޮށްފި
12 ޖެނުއަރީ 2026 | ހޯމަ 18:01ހަމަނުޖެހުން ހިންގާ ފަރާތްތަކުން ދީފައިވާ ގެއްލުންތައް ދައްކުވައިދޭ ވީޑިއޯ އެއް މި ޑިޕްލޮމޭޓުންނަށް ވަނީ ދައްކާފަ.
އީރާނުގެ ފޮރިން މިނިސްޓްރީގެ ތަރުޖަމާނު އިސްމާއީލް ބަޣާއީ ތެހެރާނުގައި ހަފްތާއަކު އެއްފަހަރު ބާއްވާ ނޫސްވެރިންގެ ބައްދަލުވުމެއްގައި - އޮކްޓޯބަރު 28، 2024 | ގެޓީ އިމޭޖަސް
އީރާނުގައި މިހާރު ކުރިއަށްދާ ހަމަ ނުޖެހުންތައް ބޮޑު މުޒާހަރާތަކަށް ހުޅަނގުގެ ބައެއް ގައުމުތަކުން ތާއީދުކުރަމުން ދާތީ، އެކަމާ ދެކޮޅު ހެދުމުގެ ގޮތުން ފަރަންސޭސިވިލާތް، ޖަރުމަނުވިލާތް، އިޓަލީ އަދި އިނގިރޭސިވިލާތުގެ ޑިޕްލޮމެޓުން ތެހެރާންގައި ހުންނަ އީރާނުގެ ޚާރިޖީ ވުޒާރާއަށް ހާޒިރުކޮށްފި ކަމަށް އެ ގައުމުން ހޯމަ ދުވަހު ބުނެފި އެވެ.
އީރާނުގެ ދައުލަތުގެ މީޑިއާ އިން ރިޕޯޓްކޮށްފައިވާ ގޮތުގައި، ހަމަނުޖެހުން ހިންގާ ފަރާތްތަކުން ދީފައިވާ ގެއްލުންތައް ދައްކުވައިދޭ ވީޑިއޯ އެއް މި ޑިޕްލޮމޭޓުންނަށް ވަނީ ދައްކާފަ އެވެ. މީގެ އިތުރުން، މުޒާހަރާގެ ބައިވެރިންނަށް ތާއީދުކޮށް އެ ގައުމުތަކުގެ ސަރުކާރުތަކުން ނެރެފައިވާ ރަސްމީ ބަޔާންތައް އަނބުރާ ގެންދިއުމަށް ވެސް އީރާނުން ވަނީ އެ ފަރާތްތަކަށް އަންގާފަ އެވެ.
ފަރަންސޭސިވިލާތުގެ ޚާރިޖީ ވުޒާރާ އިން ވެސް ވަނީ ޔޫރަޕްގެ ގައުމުތަކުގެ ސަފީރުން އީރާނުގެ ސަރުކާރުން ހާޒިރުކޮށްފައިވާކަން ކަށަވަރުކޮށްދީފަ އެވެ.
