އީރާނުގެ ދާޚިލީ ކަންކަމުގެ ތެރެއަށް ބޭރުގެ ފަރާތްތަކުން ވަނުމާ ދެކޮޅުކަން ޗައިނާ އިން ހާމަކޮށްފި
ޗައިނާގެ ފޮރިން މިނިސްޓްރީގެ ތަރުޖަމާނު މާއޯ ނިންގް ވިދާޅުވީ، އެހެން ގައުމުތަކުގެ ދާޚިލީ ކަންކަމާ ބޭރުގެ ފަރާތްތަކުން ވަނުމަށް ޗައިނާ އިން އަބަދުވެސް ދެކޮޅު ހަދާ ކަމަށް.
ޗައިނާގެ ރައީސް ޝީ ޖިންޕިން (ކ) އާއި އީރާނުގެ ރައީސް މަސޫދު ޕެޒެޝްކިއަން ރަޝިޔާ ގައި އޮތް 16 ވަނަ ބްރިކްސް ސަމިޓް ގެ ތެރޭގައި ސަލާމް ކުރައްވަނީ - އޮކްޓޯބަރު 23, 2024 | ގެޓީ އިމޭޖަސް
އީރާނުގެ ދާޚިލީ ކަންކަމުގެ ތެރެއަށް ބޭރުގެ ފަރާތްތަކުން ވަނުމާ ދެކޮޅުކަން ޗައިނާ އިން ހާމަކޮށްފި އެވެ.
އީރާނުގެ ލީޑަޝިޕަށް ތާއީދުކުރާކަން ހާމަކުރުމުގެ ގޮތުން، އެހެން ގައުމުތަކުގެ ދާޚިލީ ކަންކަމުގެ ތެރެއަށް ބޭރުގެ ފަރާތްތަކުން އަތްބޭނުމާ ދެކޮޅުކަން ހާމަ ކުރީ ޗައިނާގެ ފޮރިން މިނިސްޓްރީން ނެރުނު ބަޔާނެއްގަ އެވެ.
ޗައިނާގެ ފޮރިން މިނިސްޓްރީގެ ތަރުޖަމާނު މާއޯ ނިންގް ވިދާޅުވީ، އެހެން ގައުމުތަކުގެ ދާޚިލީ ކަންކަމާ ބޭރުގެ ފަރާތްތަކުން ވަނުމަށް ޗައިނާ އިން އަބަދުވެސް ދެކޮޅު ހަދާ ކަމަށެވެ. އަދި ބައިނަލްއަގުވާމީ ގާނޫނުތަކުގެ ދަށުން ހުރިހާ ގައުމެއްގެ ސިޔާދަތީ މިނިވަންކަމާއި ސަލާމަތްތެރިކަން ފުރިހަމަ އަށް ރައްކާތެރިކުރަން ޖެހޭނެ ކަމަށް ޗައިނާ އިން އަބަދުވެސް ވަކާލާތު ކުރާ ކަމަށް އޭނާ ވިދާޅުވި އެވެ.
މީގެ އިތުރުން، މެދުއިރުމަތީގެ ސުލްހަ މަސަލަސްކަމާއި ހަމަޖެހުމަށް މަގުފަހިވާނެ ކަންކަން ކުރުމަށް ހުރިހާ ފަރާތްތަކަކަށް ނިންގް ވަނީ ގޮވާލައްވާފަ އެވެ.
