މުޒާހަރާތައް ކޮންޓްރޯލު ކުރަން ބާރުގެ ބޭނުން ކުރާތީ އީރާނަށް އިތުރު ދަތިކުރުމުގެ ފިޔަވަޅު ޔޫރަޕިއަން ޔޫނިއަން އިން އަޅަނީ
12 ޖެނުއަރީ 2026 | ހޯމަ 15:53މުޒާހަރާގެ ބައިވެރިންނާ ދެކޮޅަށް އީރާނު ސަރުކާރުން ހިންގާ އަނިޔާވެރި އަމަލުތަކާ ގުޅިގެން ކަމަށް ބުނެ މިހާރަށްވުރެ ވަރުގަދަ އަދި ހަރުކަށި ފިޔަވަޅުތަކެއް އެޅުމަށް ހުށަހެޅުމަށް އެ އިއްތިހާދުން އޮތީ ތައްޔާރަށް ކަމަށް ބުނޭ.
އީރާނުގެ މިނިސްޓްރީ އޮފް ފޮރިން އެފެއާޒްގެ ޕޮލިޓިކަލް ޑެޕިއުޓީ އައްބާސް އަރަގްޗީ (ކ)، އަދި ޔޫރަޕިއަން ޔޫނިއަންގެ އެކްސްޓަރނަލް އެކްޝަން ސަރވިސް (އީއީއޭއެސް) ގެ ސެކްރެޓަރީ ޖެނެރަލް ހެލްގާ ޝްމިޑް ޖޮއިންޓް ކޮމްޕްރިހެންސިވް ޕްލޭން އޮފް އެކްޝަން ގެ ޖޮއިންޓް ކޮމިޝަންގެ ބައްދަލުވުމެއްގައި ބައިވެރިވެވަޑައިގަންނަވަނީ - މާރޗް 6، 2019 | ގެޓީ އިމޭޖަސް
އީރާނުގައި ކުރިއަށްދާ މުޒާހަރާތައް ހުއްޓުވުމަށް އެ ގައުމުގެ ސަރުކާރުން ބާރުގެ ބޭނުންކުރަމުންދާތީ، އެ ގައުމާ ދެކޮޅަށް އިތުރު ދަތިކުރުމުގެ ފިޔަވަޅުތައް އެޅުމަށް ޔޫރަޕިއަން ޔޫނިއަން (އީޔޫ) އިން ދިރާސާކުރަމުންދާކަން ހޯމަ ދުވަހު ހާމަކޮށްފިއެވެ.
އީޔޫގެ ތަރުޖަމާނު އަންވާރު އަލް އަނޫނީ ވިދާޅުވީ، މުޒާހަރާގެ ބައިވެރިންނާ ދެކޮޅަށް ހިންގާ އަނިޔާވެރި އަމަލުތަކާ ގުޅިގެން، އީރާނާ ދެކޮޅަށް މިހާރަށްވުރެ ވަރުގަދަ އަދި ހަރުކަށި ފިޔަވަޅުތަކެއް އެޅުމަށް ހުށަހެޅުމަށް އެ އިއްތިހާދުން އޮތީ ތައްޔާރަށް ކަމަށެވެ.
މަސްދަރު: އޭއެފްޕީ
