އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ، އިޒްރޭލުގެ ބޮޑުވަޒީރު ބެންޖަމިން ނަތަންޔާހޫއާ ފޯނުން ގުޅުއްވައި މަޝްވަރާ ކުރައްވައިފި

އެމެރިކާގެ ސެކްރެޓަރީ އޮފް ސްޓޭޓް (ޚާރިޖީ ވަޒީރު) މާކޯ ރޫބިއޯ، އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާ ފޯނުން ގުޅުއްވައި ހޮނިހިރު ދުވަހު މަޝްވަރާ ކުރައްވާފައިވާ ކަމަށް އެމެރިކާގެ އޮފިޝަލަކު ވިދާޅުވެއްޖެ އެވެ.

ރޮއިޓާސް އިން ރިޕޯޓު ކޮށްފައިވާ ގޮތުގައި، މި ބައްދަލުވުމާ ގުޅޭ އިތުރު ތަފްސީލެއް އެ އޮފިޝަލް ހާމަކުރައްވާފައެއް ނުވެ އެވެ.

މި ފޯނު ކޯލުގައި ދެކެވުނު ވާހަކަތަކުގެ ތަފްސީލު ރަސްމީ އިދާރާތަކުން ހާމަނުކުރި ނަމަވެސް، "އެކްސިއޮސް" ނޫހުން ރިޕޯޓުކޮށްފައިވާ ގޮތުގައި ދެ ބޭފުޅުން ވަނީ ޣައްޒާ އާއި، ސީރިއާ އަދި އީރާނު ގައި މިހާރު ހިނގަމުންދާ ހަމަނުޖެހުންތަކާ ގުޅޭގޮތުން މަޝްވަރާ ކުރައްވާފަ އެވެ.

ވޭތުވެދިޔަ އަހަރު އިޒްރޭލާ އެކު 12 ދުވަހުގެ ހަނގުރާމައެއް ކޮށްފައިވާ އީރާނުގެ ނިއުކްލިއަރ މަރުކަޒުތަކަށް، މިދިޔަ ޖޫން މަހު އެމެރިކާ އިން ވަނީ ވައިގެ ހަމަލާތަކެއް ދީފަ އެވެ. އެ ގައުމުގައި މިހާރު ކުރިއަށްދަނީ ފަހުގެ ތާރީޚެއްގައި ސަރުކާރާ ދެކޮޅަށް ހިންގާ އެންމެ ބޮޑު އިހުތިޖާޖުތަކެވެ.

އެމެރިކާގެ ރައީސް ޑޮނަލްޑް ޓްރަމްޕް އަދި އެ ގައުމުގެ ޚާރިޖީ ވަޒީރު ރޫބިއޯ ފާޅުގައި ގެންދަވަނީ މުޒާހަރާ ކުރާ މީހުންނަށް ހިތްވަރު ދެއްވަމުންނެވެ.