އީރާނުގައި މުޒާހަރާ ކުރާ މީހުންނަށް އެމެރިކާގެ ޚާރިޖީ ވަޒީރު މާކޯ ރޫބިއޯ ހިތްވަރު ދެއްވައިފި
10 ޖެނުއަރީ 2026 | ހޮނިހިރު 09:03މާކޯ ރޫބިއޯ "އެކްސް" ގައި ކުރެއްވި ޕޯސްޓެއްގައި ވިދާޅުވީ، "އެމެރިކާ އޮތީ އީރާނުގެ ހިތްވަރުގަދަ ރައްޔިތުންނާ އެކު،" ގައި ކަމަށް.
އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ (ވ) އާއި އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ | ގެޓީ އިމޭޖަސް
އީރާނުގެ އެކި ސަރަހައްދުތަކުގައި ސަރުކާރާ ދެކޮޅަށް ކުރަމުންދާ ވަރުގަދަ މުޒާހަރާތައް ކޮންޓްރޯލްކުރުމަށް އެ ގައުމުގެ ކަމާބެހޭ ފަރާތްތަކުން އިންޓަނެޓްގެ ޚިދުމަތް މެދުކަނޑާލުމާ ގުޅިގެން، އެމެރިކާގެ ޚާރިޖީ ވަޒީރު މާކޯ ރޫބިއޯ އީރާނުގެ ރައްޔިތުންނަށް އެމެރިކާގެ އެއްބާރުލުން އޮތްކަން ހޮނިހިރު ދުވަހު ހާމަކުރައްވައިފި އެވެ.
މާކޯ ރޫބިއޯ "އެކްސް" ގައި ކުރެއްވި ޕޯސްޓެއްގައި ވިދާޅުވީ، "އެމެރިކާ އޮތީ އީރާނުގެ ހިތްވަރުގަދަ ރައްޔިތުންނާ އެކު،" ކަމަށެވެ.
މީގެ އިތުރުން، ރައީސް ޑޮނަލްޑް ޓްރަމްޕް ވެސް ވަނީ ހުކުރު ދުވަހު އީރާނުގެ ވެރިންނަށް އައު އިންޒާރެއް ދެއްވާފަ އެވެ. ޓްރަމްޕް ވިދާޅުވީ މުޒާހަރާ ކުރާ މީހުންނަށް "ހަމަލާދޭން ނުފެށުން މާ ބުއްދިވެރިވާނެ" ކަމަށާއި، "އެފަދަ ކަމެއް ކޮށްފިނަމަ، އަހަރެމެންވެސް ރައްދުގައި ހަމަލާދޭން ފަށާނެ،" ކަމަށެވެ.
އީރާނުގެ ވެރިން ތަކުރާރުކޮށް ބުނަމުން އައިސްފައިވަނީ އެ ގައުމުގައި ހިނގަމުންދާ ހަމަނުޖެހުމުގެ ފަހަތުގައި ތިބީ އެމެރިކާ އާއި އިޒްރޭލުން ކަމުގަ އެވެ.
