ޔުކްރެއިންގެ ނޭވީން ބުނީ ރަޝިއާ އިން މިޞްރަށް ސަންފްލަވަރ ތެޔޮ އުފުލަމުން ދިޔަ ވީވާ ނަމަކަށް ކިޔާ ތުރުކީ ބޯޓަކަށް ޑްރޯނަކުން ހަމަލާދީފައިވާ ކަމަށެވެ. އެ ބޯޓުގައި 11 ތުރުކީ ރައްޔިތުން ތިބި ނަމަވެސް އެއްވެސް މީހަކަށް ގެއްލުމެއް ނުވާ ކަމަށާއި ބޯޓު މިޞްރަށް ދަތުރު ކުރަމުން އަންނަ ކަމަށް ބުނެފައިވޭ.
ތުރުކީގެ ބޮސްފޮރަސް ސްޓްރެއިޓް ކައިރީގައި އޮންނަ ކަޅު ކަނޑުގައި ރަޝިޔާގެ ފްލީޓަކަށް ޔުކްރެއިން ދިން ހަމަލާ ގައި ބޯޓެއް ގައި ރޯވެ އަނދަނީ، ނޮވެމްބަރު 28، 2025.
މިޞްރަށް ސަންފްލަވަރ ތެޔޮ އުފުލަމުން ދިޔަ ތުރުކީ ގެ މަދަނީ ބޯޓަކަށް ރަޝިޔާ އިން ގަސްދު ގައި ޑްރޯން ހަމަލާ އެއް ދީފި ކަމަށް ޔުކްރެއިން އިން ބުނެފި އެވެ.
ރަޝިޔާ އިން ހޮނިހިރު ދުވަހު ކަޅު ކަނޑު ގައި މި ހަމަލާ ދިން ކަމަށް ޔުކްރެއިން އިން ބުނި އިރު އޭގެ ކުރީ ދުވަހު ރަޝިޔާ އިން ޔުކްރެއިންގެ ދެ ބަނދަރަކަށް ހަމަލާ ދީފައިވާ ކަމަށް ޔުކްރެއިން އިން ކުރިން ބުނެފައިވެ އެވެ.
ޓެލެގްރާމްގައި ނެރުނު ބަޔާނެއްގައި ޔުކްރެއިން ގެ ކަނޑުގެ ސިފައިން ބުނީ އެ ބޯޓުގެ ނަމަކީ ވީވާ ކަމަށާއި އެ ބޯޓުގައި 11 ތުރުކީ ރައްޔިތުން ތިބި ކަމަށެވެ. އިތުރަށް ބުނީ އެއްވެސް މީހަކަށް ގެއްލުމެއް ނުވާ ކަމަށާއި ބޯޓު މިޞްރަށް ދަތުރު ކުރަމުން އަންނަ ކަމަށެވެ.
"ހަމަލާ ދީފައިވަނީ ޔުކްރެއިންގެ އެކްސްކްލޫސިވް އިކޮނޮމިކް ޒޯންގެ ތެރޭގައި، ޔުކްރެއިން ގެ އެއާ ޑިފެންސް ސިސްޓަމްތަކުގެ ރޭންޖުން ބޭރުގައި،" ކަމަށް ބަޔާނުގައި ބުނެ، ރަޝިއާ އިން ކަނޑުގެ ގާނޫނުތަކާ ހިލާފުވެފައިވާ ކަމަށް ތުހުމަތުކޮށްފައިވެއެވެ.
ނޭވީން ބުނީ އެ ބޯޓުގެ ކެޕްޓަން އާ މުއާސަލާތީ ގުޅުން އޮތް ކަމަށެވެ.
ހުކުރު ދުވަހު ރަޝިއާ އިން ޔުކްރެއިން ގެ ބަނދަރަކަށް ހަމަލާދީ، ތުރުކީގެ ތިން ބޯޓަކަށް ގެއްލުން ދީފައިވާ ކަމަށް ޔުކްރެއިންގެ ނޭވީން ބުނެފައިވެއެވެ. އެ ބޯޓުތަކުގެ ތެރެއިން އެއް ބޯޓެއްގައި ވަރަށް ބޮޑަށް ރޯވި އެވެ.
މި ހަމަލާތައް ދީފައިވަނީ ޔުކްރެއިން ގެ ހަމަލާތަކުން ރަޝިއާ އަށް ތެޔޮ ބަލައި ދަތުރު ކުރަމުން ދިޔަ "ޝެޑޯ ފްލީޓް" ގެ ތިން ޓޭންކަރަކަށް ގެއްލުން ދިނުމާ ގުޅިގެން، "ޔުކްރެއިން ގެ ހުރިހާ ކަނޑުގެ ގުޅުންތައް ކަނޑާލާނަން" ކަމަށް ބުނެ ރަޝިޔާ އިން ބިރު ދެއްކުމަށް ފަހުގައެވެ.
