މުޅި ރާއްޖޭގެ މޫސުން ގޯސް، ބުދަ ދުވަހު އެންމެ ބޯކޮށް ވާރޭ ވެހުނީ މާލެ އަށް

މުޅި ރާއްޖޭގެ މޫސުން އޮތް 24 ގަޑިއިރު ގޯސްވާނެ ކަމަށް މޫސުމާ ބެހޭ ގައުމީ އިދާރާއިން ބުނެފި އެވެ.

މޫސުމާ ބެހޭ ގައުމީ އިދާރާއިން ބުނީ ބުރާސްފަތި ދުވަހުގެ ހެނދުނު 10:00ށް ހުކުރު ދުވަހުގެ ހެނދުނު 10:00ށް އެކިހިސާބަށް ވިއްސާރަ ކުރާނެ ކަމަށާއި، ބައެއް ރަށްތަކަށް ބޯކޮށް ވާރޭވެހި ގުގުރުން އެކަށީގެން ވާ ކަމަށެވެ.

Advertisement

މޫސުމާ ބެހޭ ގައުމީ އިދާރާއިން ބުނީ، ހުޅަނގުދެކުނާއި ހުޅަނގުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި، ވިލާގަނޑުގައި ގަޑިއަކު ގާތްގަނޑަކަށް 35 މޭލަށް ވައި ބާރުވުން އެކަށީގެން ވާ ކަމަށެވެ. އަދި އާދައިގެ ވަރަކަށް ގަދަވެފައި ވިލާގަނޑުގައި ގަދަ ވާނެ ކަމަށާއި، ރާޅުގެ އުސްމިނުގައި 6 ނުވަތަ 3 ފޫޓު ހުންނާނެ ކަމަށް އެ އިދާރާއިން ބުނެ އެވެ.

މުޅި ރާއްޖޭގެ މޫސުން ގޯސްވެފައިވާތީ، ބުރާސްފަތި ދުވަހު ހެނދުނު 9:00ށް މެންދުރު 2:00ށް ވައިޓް އެލަރޓް ކ.އަތޮޅުން ފެށިގެން ގދ. އަތޮޅަށް ނެރިފައިވާއިރު، މެންދުރުފަހު 2:00ށް ރޭގަނޑު 8:00ށް ބ.އަތޮޅުން ލ.އަތޮޅަށް ވަނީ ވައިޓް އެލަރޓް ވަނީ ނެރިފަ އެވެ. އަދި ވިލާގަނޑުގައި 40 މޭލަށް ވައިގަދަވާނެ ކަމަށް ލަފާ ކޮށްފައިވެ އެވެ.

މޫސުމާ ބެހޭ ގައުމީ އިދާރާ އިން ވަނީ ހުރިހައި ފަރާތްތަކުން ޚާއްސަކޮށް ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށް އިލްތިމާސް ކޮށްފަ އެވެ.

މީގެ އިތުރުން މޫސުމާ ބެހޭ ގައުމީ އިދާރާއިން އާއްމުކޮށްފައިވާ ތަފާސްހިސާބުތައް ދައްކާ ގޮތުގައި، ބުދަ ދުވަހު އެންމެ ބޯކޮށް ވާރޭ ވެހުނީ މާލެ އަށެވެ. މާލެއަށް 77.9 މިލިމީޓަރުގެ ވާރޭ ވެހިފައިވާއިރު، ހުޅުމާލެ 29.1 މިލިމީޓަރުގެ ވާރޭ ވެހިފައިވެ އެވެ.

މާލެއަށް ފަހު އެންމެ ބޯކޮށް ވާރޭވެހިފައިވަނީ ކ. ދިއްފުށްޓަށެވެ. އެ ރަށަށް 76.5 މިލިމީޓަރުގެ ވާރޭ ވެހިފައިވެއެވެ. އަދި އދ. މާމިގިއްޔަށް 66 މިލިމީޓަރުގެ ވާރޭ ވެހުނުއިރު، ހުޅުލެ އަށް 57.9 މިލިމީޓަރުގެ ވާރޭ ވެހިފަ އެވެ.

މުޅި ރާއްޖެ އަށް މިހާރު ކުރަމުންދާ ވިއްސާރައިގައި މާލެއަށް ބޯކޮށް ވާރޭވެހި ގެތަކަށް ފެންވަދެ ގެއްލުންތައް ލިބިފައިވާއިރު، އަތޮޅުތެރޭގެ ރަށްތަކަށް ވަނީ އެކިވަރުގެ ގެއްލުން ލިބިފަ އެވެ.