ކަނޑުދަތުރފަތުރު ކުރާ އިރު ސަމާލުވުމަށް އިލްތިމާސްކޮށްފި
މޫސުމާއި ބެހޭ ޤައުމީ އިދާރާއިން ބުނީ ކުރިއަށް އޮތް 24 ގަޑި އިރު ވެސް ރާއްޖޭގެ މޫސުން ގޯސްވާނެ ކަމަށް
މޯސުން ގޯސް އިރު ކަނޑުގައި އުޅަނދެއް ދުއްވާފައި ދަނީ
މޫސުން ގޯސްވެ ކަނޑުދަތުރުފަތުރު ކުރާ އިރު ސަމާލުވުމަށް މޫސުމާއި ބެހޭ ޤައުމީ އިދާރާއިން އިލްތިމާސްކޮށްފިއެވެ.
ރާއްޖެއެމްވީ އަށް މައުލޫމާތުދެމުން މޫސުމާއި ބެހޭ ޤައުމީ އިދާރާއިން ބުނީ ކުރިއަށް އޮތް 24 ގަޑި އިރު ވެސް ރާއްޖޭގެ މޫސުން ގޯސް ކަމަށެވެ. އަދި ރާއްޖޭގެ ބޮޑު ސަރަހައްދަކަށް ވައިގަދަވާނެ ކަމަށާއި، ކަނޑުތައް ވެސް ވަރަށް ގަދަވާނެ ކަމަށް ލަފާކުރެވޭ ކަމަށް އެ އިދާރާ އިން ވަނީ ފާހަގަކޮށްފައެވެ. މީގެ އިތުރުން ހޯމަ ދުވަހު މެޓް އޮފީހުން ވަނީ 3 ފަހަރަށް ވައިޓް އެލަރޓް ނެރެފައެވެ.
މުޅި ރާއްޖެއަށް ކުރިއަށް އޮތް ތިން ދުވަހު ވެސް ވިއްސާރ ވާނެ ކަމަށް މޫސުމާއި ބެހޭ ޤައުމީ އިދާރާ އިން ވަނީ މީގެ ކުރިން ހާމަކޮށްފައެވެ. މޫސުން ރަނގަޅު ވާނެ ކަމަށް ލަފާކުރެވެނީ ބުރާސްފަތި ދުވަހު ކަމަށް އެ އިދާރާ އިން ވަނީ ބުނެފައެވެ.
ރާއްޖެއަށް މިހާރު މި ކުރަނީ ހުޅަނގު މޫސުމުގެ ވިއްސާރަ ކަމަށް ވެސް އެ އިދާރާއިންން ބުނެފައިވެއެވެ.
