އިނގިރޭސިވިލާތުގެ ކުރީގެ ބޮޑުވަޒީރު ޑޭވިޑް ކެމަރަން ޕްރޮސްޓޭޓް ކެންސަރަށް ފަރުވާ ކުރައްވަމުންދާކަން ހާމަކުރައްވައިފިއެވެ.

ޢުމުރުފުޅުން 59 އަހަރުގެ ލޯޑް ކެމަރަން، ދަ ޓައިމްސް ނޫހަށް ވިދާޅުވީ، އޭނާއަށް ޕްރޮސްޓޭޓް ކެންސަރު ޖެހިފައިވާކަން އެނގިވަޑައިގަތީ އެނާގެ އަނބިކަނބަލުން ޗެކް-އަޕަކަށް ދިއުމަށް ބާރު އެޅުވުމުން ހެދި ޓެސްޓުން ކަމަށެވެ.

އެ ގޮތުން ލޯޑް ކެމަރަން މި އަހަރުގެ ކުރީކޮޅު ޕްރޮސްޓޭޓް ސްޕެސިފިކް އެންޓިޖެން (ޕީ.އެސް.އޭ) ޓެސްޓެއް ހެއްދެވިއެވެ. އެއަށްފަހު އެމް.އާރް.އައި. ސްކޭނެއް އާއި ބަޔޮޕްސީއެއް ހެއްދެވިއެވެ. ޕީ.އެސް.އޭ ޓެސްޓަކީ ޕްރޮސްޓޭޓް ކެންސަރާ ގުޅުންހުރި ޕްރޮޓީންތައް ހުރިތޯ ބެލުމަށް ހަދާ ޓެސްޓެކެވެ.

ޕްރޮސްޓޭޓް ކެންސަރަކީ އިނގިރޭސިވިލާތު ގައި ފިރިހެނުންނަށް އެންމެ އާންމުކޮށް ޖެހޭ ކެންސަރެވެ. ކޮންމެ އަހަރަކު ގާތްގަނޑަކަށް 55,000 އާ ކޭސް ފެންނަ ކަމަށް ވެއެވެ.

މި ކެންސަރު އެންމެ އާންމީ ދޮށީ ޢުމުރުގެ މީހުންނަށެވެ – 75 އަހަރުން މަތީގެ ފިރިހެނުންނަށެވެ. 50 އަހަރުން ދަށުގެ މީހުންނަށް ޖެހުން ވަރަށް މަދެވެ.

ލޯޑް ކެމަރަން ވަނީ 2010 އާއި 2016 އާ ދެމެދު ކޮންޒަވޭޓިވް ބޮޑުވަޒީރުކަން ކުރައްވައި، ފަހުން ރިޝީ ސުނާކްގެ ސަރުކާރުގައި ފޮރިން ސެކްރެޓަރީގެ މަޤާމު ފުރުއްވާފަ އެވެ.