އާންމުންނަށް ދޮގު ހެދި ކަމުގެ ތުހުމަތު ރީވްސް އަށް، ބަޖެޓާ ގުޅޭ ގޮތުން ބޮޑު ވަޒީރު ސްޓާމާ ހޯމަ ދުވަހު ވާހަކަ ދައްކަވަނީ

އިނގިރޭސިވިލާތުގެ ޗާންސެލަރު ރޭޗަލް ރީވްސް ހުށަހަޅުއްވާފައިވާ ބަޖެތަށް ތާއީދު ކުރައްވައި، ބޮޑު ވަޒީރު ކިއާ ސްޓާމާ ހޯމަ ދުވަހު ވާހަކަ ދައްކަވާނެ ކަމަށް ރިޕޯޓު ކޮށްފި އެވެ.

ބަޖެޓާ ގުޅޭ ގޮތުން ހޯމަ ދުވަހު ބޮޑު ވަޒީރު ސްޓާމާ ދައްކަވާ ވާހަކަފުޅުގައި ސަރުކާރުން އިޤްތިޞާދީ ކުރިއެރުމަށް ހިންގާ މަސައްކަތައް އިތުރަށް އަވަސް ކުރައްވާނެ ކަމަށް ވިދާޅުވާނެ ކަމަށް ވެސް ވަނީ ރިޕޯޓު ކޮށްފަ އެވެ.

އެގޮތުން ސްޓާމާގެ ވާހަކަފުޅުގައި ވިދާޅުވާނީ ޗާންސެލަރުގެ ބަޔާނުން ދިރިއުޅުމުގެ ޚަރަދު ބޮޑުވުމުގެ ދަތިތައް ކުޑަ ކުރުމަށާއި، އިންފްލޭޝަން ދަށް ކުރުމަށާއި، އިޤްތިޞާދީ ސްޓެބިލިޓީ ކަށަވަރު ކުރުމަށް އެހީތެރި ވާނެ ކަމަށެވެ.

ބޮޑު ވަޒީރު ސްޓާމާ މި ވާހަކަފުޅު ދައްކަވަން ނިންމަވާފައި ވަނީ، ބަޖެޓު ހުށަހެޅުމުގެ ކުރިން ދައުލަތުގެ މާލީ ޙާލަތު ގޮތް ގޮތް ޓްރެޒަރީ އިން ބަޔާން ކުރި ގޮތާ ގުޅިގެން ސުވާލު އެފެދިފައިވާ ދަނޑިވަޅެއްގަ އެވެ.

އިދިކޮޅު ކޮންޒަވޭޓިވް ޕާޓީ އިން ތުހުމަތު ކޮށްފައި ވަނީ، އޮފިޝަލް ޕޯކާސްޓު ތަކުން އިތުރު އުންމީދީ ދަސްވީރެއް ދައްކާފައިވާއިރު، އިޤްތިޞާދީ ކުރިމަގާ ގުޅޭ ގޮތުން ޗާންސެލަރު ރީވްސް ނޭދެވޭ ގޮތެއްގައި ވާހަކަ ދައްކަވާފައިވާ ކަމަށެވެ. އަދި އާންމު ރައްޔިތުންނަށް ދޮގު ހައްދަވައި ރީވްްސްް ވާހަކަ ދައްކަވާފައިވާ ކަމަށް ވެސް އެ ޕާޓީ އިން ވަނީ ތުހުމަތު ކޮށްފަ އެވެ.

ނަމަވެސް ބޮޑު ވަޒީރުގެ ރަސްމީ އޮފީސް، ނަންބަރު 10 ޑައުނިން ސްޓްރީޓް އިން ވަނީ ރީވްސް ދިފާއު ކޮށްފަ އެވެ. އަދި އާންމުންނަށް އޮޅޭ ގޮތަށް އޭނާ ވާހަކަ ދައްކަވާފައި ނުވާ ކަމަށާއި، އޭނާގެ ވާހަކަ ތަކަަށް ތާއީދު ކުރާ ކަމަށް ވެސް، އެ އޮފީހުން ވަނީ ބުނެފަ އެވެ.

އޮފީސް ފޯ ބަޖެޓު ރެސްޕޮންސިބިލިޓީ (އޯބީއާރު) އިން އަންނަ އަހަރުން ފެށިގެން އިޤްތިޞާދީ ކުރިއެރުމުގެ ލަފާ ދަށްކޮށްފައި ވީ ނަމަވެސް، ބޮޑު ވަޒީރު ސްޓާމާ ވިދާޅުވާނީ އިޤްތިޞާދީ ކުރިއެރުން ލަފާ ކޮށްފައިވާ މިންވަރަށް ވުރެ ރަނގަޅު ނަމަވެސް، އެކަން އިތުރަށް ރަނގަޅު ކުރުމަށް ސަރުކާރުން އިތުރު މަސައްކަތް ތަކެއް ކުރަން ޖެހޭ ކަމަށެވެ.

މީގެ އިތުރުން ސްޓާމާގެ ވާހަކަފުޅުގައި އިންވެސްޓްމަންޓާއި ރައްޔިތުންނަށް ދޭ ޚިދުމަތްތައް ރައްކާތެރި ކުރުމަކީ، މާލީ ކުރިއެރުން އިތުރަށް ދަފްތަރު ކުރާނެ ކަމެއް ކަމަށް ވެސް ސްޓާމާ ވިދާޅުވާނެ ކަމަށް ރިޕޯޓު ތަކުގައި ބުނެފައިވެ އެވެ.

ބަޖެޓު ހުށަހެޅިތާ ފަސް ދުވަސް ފަހުން ހޯމަ ދުވަހު ބޮޑު ވަޒީރު ސްޓާމާ ދައްކަވާ ވާހަކަފުޅަކީ، ސަރުކާރުގެ އިޤްތިޞާދީ ޕްލޭންތައް އާންމުން ޤަބޫލު ކުރާ ގޮތާ މެދު ކަންބޮޑުވުމެއް އޮތް ކަމުގެ އިޝާރާތެއް ކަމަށް ބެލެވުނު ނަމަވެސް، ޑައުނިން ސްޓްރީޓް އިން ބުނަނީ މި ބަޔާން ކުރިން ވެސް ރާވާފައިވާ ކަމަށެވެ.