މޮސްކޯ ސަރަހައްދުގައި ހުރި ކަރަންޓު އުފައްދާ ޕްލާންޓަކަށް ޔޫކްރެއިން އިން ހަމަލާ ދީފި
23 ނޮވެމްބަރު 2025 | އާދީއްތަ 07:22ޔޫކްރެއިން އިން ޑްރޯން ބޭނުންކޮށްގެން މޮސްކޯ ސަރަހައްދުގެ ޝަޓޫރާ ކަރަންޓު ޕްލާންޓަށް ހަމަލާދީ އަލިފާނުގެ ހާދިސާއެއް ހިނގާފައި ވާއިރު، މިހާރު އެ އަލިފާންގަނޑު ވަނީ ކޮންޓްރޯލް ކޮށްފައިވެއެވެ. ހަމަލާގައި ބައެއް ޑްރޯންތައް ނައްތާލެވުނު ނަމަވެސް ބައެއް ޑްރޯންތައް ސްޓޭޝަން ސަރަހައްދަށް ވެއްޓުމުން ބެކަޕް ކަރަންޓާއި ހީޓް ދޭން ފަށަން މަޖުބޫރުވި.
ޔޫކްރޭންގެ ސިފައިން ޒަމާނީ އަސްކަރީ އާލާތްތައް ހަރުކޮށްފައިވާ ޓޭންކެއްގައި ފްރަންޓް ލައިން ގައި ހަރަކާތްތެރިވަނީ
މޮސްކޯ ސަރަހައްދުގައި ކުރި ކަރަންޓު އުފައްދާ ޕްލާންޓަކަށް ޔޫކްރެއިން އިން ހަމަލާ ދީފި އެވެ.
މޮސްކޯ ސަރަހައްދުގެ ގަވަރުނަރު ވިދާޅުވި ގޮތުގައި، އާދީއްތަ ދުވަހު ޔުކްރެއިންއިން ޑްރޯން ބޭނުންކޮށްގެން މޮސްކޯ ސަރަހައްދުގައި ހުރި މުހިންމު ކަަރަންޓް އަދި ހީޓް އުފައްދާ ސްޓޭޝަނަކަށް ހަމަލާދިނުމުގެ ސަބަބުން އެތަނުގައި އަލިފާން ރޯވެ، ބެކަޕް ކަރަންޓާއި ހީޓް ދޭން ފަށަން މަޖުބޫރުވި އެވެ.
މޮސްކޯ ސަރަހައްދުގެ ގަވަރުނަރު، އަންދްރޭ ވޮރޮބްޔޯވް ވިދާޅުވި ގޮތުގައި، އާދީއްތަ ދުވަހު ޔުކްރެއިންގެ ޑްރޯންތައް ހަމަލާދިނީ ކްރެމްލިންގެ އިރުމަތިން ގާތްގަނޑަކަށް 120 ކިލޯމީޓަރު (75 މޭލު) ދުރުގައި ހުންނަ ޝަޓޫރާ ޕަވަރ ސްޓޭޝަނަށެވެ.
”އޭގެ ތެރެއިން ބައެއް ޑްރޯންތައް ވައިގެ ދިފާއީ ބާރުތަކުން ވަނީ ނައްތާލާފައި. އަނެއް ބައި ޑްރޯންތައް ވެއްޓުނީ ސްޓޭޝަންގެ ސަރަހައްދަށް. އެ ތަނުގައި އަލިފާނުގެ ހާދިސާއެއް ހިނގައި، މިހާރު އެ އަލިފާންގަނޑު ވަނީ ކޮންޓްރޯލް ކުރެވިފައި،“ ކަމަށް ވޮރޮބްޔޯވް ވިދާޅުވިއެވެ.
މަސްދަރު: އޭއެފްޕީ
