ބ. އަތޮޅުގެ އެންމެ އަގުބޮޑު ފުޓްސަލް މުބާރާތް ޝަރަފުވެރިކޮށްދެއްވުމަށް ރައީސް ޞާލިހު އޭދަފުއްޓަށް ވަޑައިގަންނަވަނީ
ބެޓަރ އިން ބާ ފުޓްސަލް ފިއެސްޓާ މުބާރާތް ބުދަ ދުވަހުގެ ހަވީރު ފެށުމަށް ހަމަޖެހިފައިވާއިރު ކޮންމެ ޗެމްޕިއަން ޓީމަކަށް 150،000 ރުފިޔާގެ އިނާމެއް ދެވޭނެ
ރައީސް ޞާލިހު އޭދަފުއްޓަށް ވަޑައިގެންނެވި ދަތުރުފުޅުގެ ތެރެއިން - ފައިލް
ބ. އަތޮޅުގެ އެންމެ އަގުބޮޑު ފުޓްސަލް މުބާރާތް ކަމުގައިވާ "ބެޓަރ އިން ބާ ފުޓްސަލް ފިއެސްޓާ" ޝަރަފުވެރިކޮށްދެއްވުމަށް ކުރީގެ ރައީސް އިބްރާހިމް މުހައްމަދު ޞާލިހު އޭދަފުއްޓަށް ވަޑައިގަންނަވާގޮތަށް ހަމަޖެހިއްޖެ އެވެ.
މި މުބާރާތަކީ ބ. އަތޮޅު ކައުންސިލުން 2023 ވަނަ އަހަރު ފެށި މުބާރާތެކެވެ. މި އަހަރުގެ މުބާރާތުގެ ޝަރަފުވެރި މެހެމާނެއްގެ ގޮތުގައި ވަޑައިގަތުމަށް ރައީސް ޞާލިހަށް ލިބިވަޑައިގެންނެވި ދައުވަތު ގަބޫލުކުރައްވާ އެމަނިކުފާނު އެރަށަށް ބުދަ ދުވަހުގެ މެންދުރު ވަޑައިގަންނަވާ ގޮތަށް ވަނީ ހަމަޖެހިފަ އެވެ.
މި މުބާރާތް ފެށުމަށް ހަމަޖެހިފައިވަނީ ބުދަ ދުވަހުގެ ހަވީރު އެވެ. އަންހެން އަދި ފިރިހެން ޑިވިޝަންގެ މެޗްތައް ކުޅޭ އިރު މި މުބާރާތަކުގެ ކޮންމެ ޗެމްޕިއަން ޓީމަކަށް 150،000 ރުފިޔާގެ އިނާމެއް އަދި ރަނަރަޕް ޓީމަކަށް 75،000 ރުފިޔާގެ އިމާނެއް ވަނީ ހުށަހަޅާފަ އެވެ.
ރައީސް ޞާލިހުގެ މި ދަތުރުފުޅުގެ ތެރެއިން ބ. އަތޮޅު ކައުންސިލާއި ބައްދަލުކުރެއްވުމަށް ވަނީ ހަމަޖެހިފަ އެވެ. މީގެ އިތުރުން އެމްޑީޕީގެ މެންބަރުންނާއި ވެސް ބައްދަލުކުރައްވާނެ އެވެ.
