މިޔަންމާގައި ހިންގަމުންދާ ލާއިންސާނީ އަނިޔާތަކާއި ގުޅިގެން ރާއްޖޭގެ ހުރިހާ މިސްކިތެއްގައި ޤުނޫތު ނާޒިލާ ކިޔަން ނިންމައިފި
މިކަން ނިންމިކަން އިއުލާން ކުރީ އިސްލާމިކް މިނިސްޓްރީން ނެރުނު ސާކިއުލަރ އެއްގައި
ސިމާހާ ނަސީމް | 5 ސެޕްޓެމްބަރު 2017 | އަންގާރަ 17:46
އިސްލާމީ މަރުކަޒުގެ ފޮޓޯއެއް
މިޔަންމާގައި ހިންގަމުންދާ ލާއިންސާނީ އަނިޔާތަކާއި ގުޅިގެން ރާއްޖޭގެ ހުރިހާ މިސްކިތެއްގައި ޤުނޫތު ނާޒިލާ ކިޔަން ނިންމައިފި އެވެ.
އަންގާރަ ދުވަހު މިނިސްޓްރީ އޮފް އިސްލާމިކް އެފެއާޒުން ނެރުނު ސާކިއުލަރ އެއްގައި ބުނެފައިވަނީ ސެޕްޓެމްބަރ މަހުގެ 05 ވަނަ ދުވަހުގެ މަޢްރިބް ނަމާދުން ފެށިގެން މިނިސްޓްރީން ވަކި ގޮތެއް އަންގަންދެން، ކޮންމެ ޖަހްރިއްޔަ (އަޑުހަރުކޮށް ކިޔަވާ) ނަމާދެއްގެ ފަހު ރަކުޢަތުގެ އިޢުތިދާލުގައި ޤުނޫތު ނާޒިލާ ކިޔެވުމަށް ހުރިހާ މިސްކިތްތަކުގެ އިމާމުންނަށް އަންގާ ކަމަށެވެ.
މިޔަންމާގެ ރޮހިންޖާ މުސްލިމުންނަށް ކުރާ އަނިޔާތަކާއި ދެކޮޅަށް ރާއްޖެ އާއި ދުނިޔޭގެ އެކި ޤައުމުތަކުން ދަނީ އަޑު އުފުލަމުންނެވެ.
