ޑަބްލިއުއެޗްއޯ އިން ރާއްޖޭގައި ބާއްވާ ބައްދަލުވުމުގައި ބައިވެރިވުމަށް، ހަމަޖެހިފައިވާ މިޔަންމާގެ ހެލްތު މިނިސްޓަރު ޑރ. މަޔަންޓް ހުވައިގެ ބަދަލުގައި ރާއްޖެއަށް ފޮނުވި ބޭފުޅާއަށް ދިވެހި ސަރުކާރުން މަރުހަބާ ކިޔާފައި ވާތީ އާއްމުންގެ ފާޑުކިޔުން ސަރުކާރަށް އަމާޒުވެއްޖެއެވެ.
ޑރ. މަޔަންޓްގެ ދަތުރު ކެންސަލްކޮށްފައިވަނީ، މިޔަންމާގެ އަސްކަރިއްޔާއިން އެގައުމުގެ ރޮހިންޔާ މުސްލިމުންނާއި ދެކޮޅަށް ގަތުލު އާންމު ހިންގަމުންދާ މައްސަލައިގައި ރާއްޖޭގެ އިދިކޮޅު ސިޔާސީ ފަރާތްތަކުން އެ ދަތުރު ކެންސަލް ކުރުމަށް ގޮވާލާފައިވަނިކޮށެވެ.
މިޔަންމާގެ ރޮހިންގޖާ މުސްލިމުންނާ ދެކޮޅަށް އެޤައުމުގެ ބުޑިސްޓުންނާއި ސަރުކާރުން ހިންގާ ލާއިންސާނީ އަނިޔާތަކާ ދެކޮޅަށް ރާއްޖޭގެ ގިނަ ބަޔަކު ދަނީ ނުރުހުމުގެ ޝުޢޫރު ފާޅު ކުރަމުންނެވެ. އެޝުއޫރުތައް ފާޅުކުރަމުން ދަނިކޮށް މިޔަންމާގެ ހެލްތު މިނިސްޓަރު ޑރ. މަޔަންޓް ހުވައިގެ ބަދަލުގައި ރާއްޖެ ވަޑައިގެންފައިވަނީ ޑރ. ޖަންގް ޖުން ސެންގްއެވެ. ޑރ. ޖަންގް ރާއްޖެ ވަޑައިގެންނެވީ މިއަދު 11:35 ހާއިރު ކަމަށް މައުލޫމާތު ލިބެއެވެ.
ވެލާނާ އިންޓަނޭޝަނަލް އެއާޕޯޓުގައި ޑރ. ޖަންގް ހުންނަނިކޮށް ނަގާފައިވާ ފޮޓޯތަކެއް ދަނީ ސޯޝަލް މީޑިއާގައި ދައުރުވަމުންނެވެ.
މިފޮޓޯ ހިމަނައިގެން ސޯޝަލް މީޑިއާގައި އާއްމުން ދަނީ ސަރުކާރަށް ފާޑު ކިޔަމުންނެވެ. އެގޮތުން ބައެއް މީހުން ބުނެފައި ވަނީ އޭނާއަށް ސަރުކާރުން މަރުހަބާ ކިއުމަކީ އެޤައުމުގައި ރޮހިންޖާ މުސްލިމުންނާ ދެކޮޅަށް ދެމުންދާ އަނިޔާ ތަކަށް ރައީސް ޔާމީނާއި ސަރުކާރުން ތާއީދު ކުރުން ކަމަށެވެ.
Maldivian regime welcomed Myanmar's substitute Minister which Shows YAG's Support for #RohingyaGenocide #killersOfMuslims pic.twitter.com/baOKdyvXwa
— Waddey (@WaddeyAli) September 5, 2017
މުސްލިމުން މަރާލި ގޮތުގެ އަމަލީ ތަޖްރިބާ ހިއްސާ ކުރަން ރާއްޖެ ގެނައި މީހެއްތޯ ވެސް ބައެއް މީހުން ވަނީ ސުވާލު ކޮށްފައެވެ.
Muslimun maraali gothuge amalee thajuribaa hihsaa kuran raajje genai General eh thoa ? pic.twitter.com/3WqJiatC6y
— ShafiuJameel (@ShafiuJameel) September 5, 2017
މިޔަންމާގެ އަސްކަރިއްޔާއިން އެގައުމުގެ ރޮހިންޔާ މުސްލިމުންނާއި ދެކޮޅަށް ލާއިންސާނީ އަމަލުތައް ދަނީ ހިންގަމުންނެވެ. އެގޮތުން މުސްލިމުންގެ ގަޔަށް ބަޑި ޖަހާ މަރަމުންދާއިރު މުސްލިމުންގެ ގެތަކުގައި ދަނީ ރޯކުރަމުންނެވެ.
