ހުކުރު ދުވަހުގެ ރޭ އެމްޑީޕީ އިން ކުރިއަށް ގެންދިޔަ "ލޫޓުވައިފި ލޫޓުވައިފި" މުޒާހަރާ ކޮންޓްރޯލް ކުރުމަށް ފުލުހުން ސޮނިކް ވެޕަން ބޭނުންކޮށްފައިވާ މައްސަލަ ދުނިޔޭގެ ހުށަހެޅެން ހުރި ދުނިޔޭގެ ހުރިހާ އިދާރާ އަކަށް ހުށަހަޅުއްވާނެ ކަމަށް އެމްޑީޕީގެ ޗެއަރޕަރސަން ފައްޔާޒް އިސްމާއިލް ވިދާޅުވެއްޖެއެވެ.

ފައްޔާޒް އެފަދައިން ވިދާޅުވީ އެމްޑީޕީ އިން ހޮނިހިރު ދުވަހުގެ ރޭ ކުރިއަށް ގެންދިޔަ އެމްޑީޕީގެ ގައުމީ މަޖިލީހުގެ ޖަލްސާގައި ވާހަކަދައްކަވަމުންނެވެ. މިއީ ރާއްޖޭގައި މުޒާހަރާ އެއް ކޮންޓްރޯލް ކުރުމަށް ސޮނިކް ވެޕަން ބޭނުންކުރި ފުރަތަމަ ފަހަރުކަން ފާހަގަކޮށްލެވެއެވެ.

ސޮނިކް ޑިވައިސްގެ ބޭނުން ފުލުހުންކޮށްފައި ވަނީ ޤާނޫނާއި ޚިލާފަށް ކަމަށް ވެސް ފައްޔާޒް ވަނީ ވިދާޅުވެފައެވެ. ކޮންވެންޝަން އެގެއިންސްޓް ޓޯޗަރ ޓްރީޓީގެ ދަށުން އަޅުގަނޑުމެންނަށް

"މި ފުރުސަތުގައި ދަންނަވާލަން ބޭނުން. ވަރަށް ހިނި އައިސްފައި އެ މެޝިން ޖައްސައިގެން އިން ޕޮލިހަށް ބޭނުން ދަންނަވަން އަޅުގަނޑުމެން ދުނިޔޭގެ ކޮންމެތަނަކަށް ވިޔަސް ލެވެން އޮތްތާކަށް ލާނެ ވާހަކަ ދަންނަވަން" ފައްޔާޒް ވިދާޅުވިއެވެ.

ފައްޔާޒް ވިދާޅުވީ ފުލުހުންނަށް ވެސް ފަނޑިޔާރުންނަށް ވެސް ވަޒީފާގެ ބިރު އޮތްކަން ޤަބޫލުކުރައްވާ ކަމަށެވެ. އެހެން ނަމަވެސް އެ ބޭފުޅުންގެ ވަޒީފާގެ ރައްކާތެރިކަމަށްޓަކާ ޤާނޫނު އަސާސީ އިން ރައްޔިތުންނަށް ލިބިދީފައިވާ ބާރުތައް ނިގުޅައިގަތުން ބަލައިނުގަނެވޭ ކަމަށް ފައްޔާޒް ވިދާޅުވިއެވެ.

"ތި ބޭފުޅުންގެ ވަޒީފާ ރައްކާތެރިކުރުމަށްޓަކާ އަނެއް މީހާ އަށް ދޭ އަނިޔާ ބަލައެއް ނުގަނެވޭ. އިލެކްޝަން ކޮމިޝަނަށް ވެސް ހިއުމަން ރައިޓްސް އަށް ވެސް އެހެން މިނިވަން މުއައްސަސާތަކަށް ވެސް ފުލުހުންގެ މިފަދަ އަމަލުތައް ހިންގަވްނ ތިއްބެވި ބޭފުޅުންނަށް ވެސް ދަންނަވަން އޮތީ ޢައިރު ޤާނޫނީ އަމުރުގަ ނުޖެހޭށޭ." ފައްޔާޒް ވިދާޅުވިއެވެ.

ސޮނިކް ވެޕަން އަކީ ލޯންގް ރޭންޖް އެކޮސްޓިކް ޑިވައިސް ނުވަތަ އެލްއާރުއޭޑީ ބޭނުންކޮށްގެން އުފައްދާ ގަދަ އަޑެއް ކަމަށް ވާއިރު މިއީ މުޒާހަރާ ކޮންޓްރޯލް ކުރުމަށް ފުލުހުންނާއި ސިފައިން ބޭނުންކުރާ ނޮން-ލީތަލް ހަތިޔާރެއްކަން ފާހަގަކޮށްލެވެއެވެ.

ސޮނިކް ވެޕަންގެ ސަބަބުން ބޮލަށް އެނބުރުން އެރުން އަދި ކަންފަތް ބައްވުން، ކަންފަތަށް ދާއިމީ ގެއްލުންވުން ފަދަ ކަންކަންވެއެވެ. އެހެންނަމަވެސް މި ވެޕަން ބޭނުންކުރަމުން ދިޔަ އިރު ވެސް އާއްމުން ދިޔައީ މުޒާހަރާގައި ބައިވެރިވެ އަޑު އުފުލަމުންނެވެ.