ޕޯޓް ވޭލް ބަލިކޮށް، އާސެނަލް ގަދަ 16 އަށް
މެޗަށް ފަހު ވާހަކަ ދައްކަމުން އާސެނަލްގެ ކޯޗު މިކޭލް އާޓެޓާ ބުނެފައި ވަނީ، މެޗު ފަށައިގެން ވެސް އާސެނަލް އިން ދިޔައީ ރަނގަޅަށް ކުޅެމުންނެވެ. އެގޮތުން އާސެނަލް އިން މެޗު ޑޮމިނޭޓު ކޮށްގެން ކުޅެ، ކުރީ ކޮޅުގައި ލަނޑެއް ޖަހައި ލީޑު ވެސް ނެގި ކަމަށް އޭނާ ބުންޏެވެ.
މެޗުގައި ލަނޑު ޖެހުމަށް ފަހު އާސެނަލްގެ ކުޅުންތެރިން އުފާ ފާޅު ކުރަނީ
ކަރަބޯ ކަޕްގެ ތިން ވަނަ ބުރުގައި ވޯޓް ވޭލްއާ ދެކޮޅަށް ކުޅުނު މެޗުން މޮޅުވެ، އާސެނަލް އިން މުބާރާތުގެ ގަދަ 16 ވަނަ ބުރުން ޖާގަ ހޯދައިފި އެވެ.
ބުދަ ދުވަހުގެ ރޭ ކުޅުނު މެޗު އާސެނަލް އިން ކާމިޔާބު ކުރީ 2-0 އިންނެވެ. މެޗުގެ ފުރަތަމަ ހާފުގައި އާސެނަލް އިން އެއް ލަނޑު ޖެހިއިރު، އަނެއް ލަނޑު އެ ޓީމުން ޖެހީ ދެ ވަނަ ހާފުގަ އެވެ.
މެޗު ފަށައިގެން އަށް ވަނަ މިނެޓުގައި އާސެނަލް އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު އެ ޓީމަށް ޖަހައިދިނީ އެބެރެޗީ އެޒޭ އެވެ. އޭނާ އެ ލަނޑު ޖެހީ މީލްސް ލެވިސް ސްކެލީ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ.
އޭގެ ފަހުން މެޗުގެ ފުރިހަމަ ވަގުތު ހަމަވާން ހަތަރު މިނެޓަށް ވެފައި ވަނިކޮށް އާސެނަލްގެ ދެ ވަނަ ލަނޑު ޖަހައި ލީޑު ފުޅާ ކޮށްދިނީ ލިއާންޑްރޯ ޓްރޮސާޑް އެވެ. އެ ލަނޑު ޖަހަން ޓްރޮސާޑް އަށް ފުރުސަތު ތަނަވަސްކޮށްދިނީ ވިލިއަމް ސަލީބާ އެވެ.
މެޗަށް ފަހު ވާހަކަ ދައްކަމުން އާސެނަލްގެ ކޯޗު މިކޭލް އާޓެޓާ ބުނެފައި ވަނީ، މެޗު ފަށައިގެން ވެސް އާސެނަލް އިން ދިޔައީ ރަނގަޅަށް ކުޅެމުންނެވެ. އެގޮތުން އާސެނަލް އިން މެޗު ޑޮމިނޭޓު ކޮށްގެން ކުޅެ، ކުރީ ކޮޅުގައި ލަނޑެއް ޖަހައި ލީޑު ވެސް ނެގި ކަމަށް އޭނާ ބުންޏެވެ. އޭގެ ފަހުން ދެ ވަނަ ލަނޑެއް ޖެހުމުގެ ކުރިން، ތިނެއް، ނުވަތަ ހަތަރު ފުރުސަތެއް ވެސް އާސެނަލް އަށް ލިބުނު ކަމުގައި އޭނާ ފާހަގަ ކުރި އެވެ.
އާޓެޓާ ބުނީ ޓީމެއްގެ ގޮތުގައި އަދި ވަކި ވަކި ކުޅުންތެރިން ވެސް މެޗުގައި ރަނގަޅު ކުޅުމެއް ދައްކާފައިވާ ކަމަށެވެ. އެކަން ފާހަގަ ކުރަމުން އާޓެޓާ ބުނީ ދެ ވަނަ ހާފުގެ ކުރީ ކޮޅު އާސެނަލް އަށް ކުޑަކޮށް ފަސޭހަ ކޮށްލައިގެން ތިބެވުނު ކަމަށެވެ. އެހެން ނަމަވެސް، އިތުރު ހިތްވަރެއް ކުޅުންތެރިން ކުރި ކަމަށާއި، މަދު ވަގުތު ކޮޅެއްގެ ތެރޭގައި އަނެއްކާ ވެސް އާސެނަލް ރަނގަޅު ފޯމަށް އައިސްފައިވާ ކަމަށް އާޓެޓާ ބުންޏެވެ.
ކަރަބޯ ކަޕްގެ ގަދަ 16 ވަނަ ބުރުގައި އާސެނަލް ނިކުންނާނީ ބްރައިޓަންއާ ދެކޮޅަށެވެ.
