މިހާރު ހުށަހަޅާފައި އޮތް ބިލަކީ ރަނގަޅު ބިލެއް، އަދި އިތުރު އިސްލާހުތަކާއި އެކު މިހާރަށް ވުރެވެސް ފުރިހަމަ ކުރެވޭނެ: އޭޖީ އުޝާމް

މީޑިއާތަކާއި ނޫސްވެރިންނާ ދެކޮޅަށް ހަރުކަށި ފިޔަވަޅުތައް އެޅޭ ގޮތަށް ފަރުމާކޮށްފައިވާ މީޑިއާ އެންޑް ބްރޯޑްކާސްޓިންގ ރެގިއުލޭޓަރީ ކޮމިޝަންގެ ބިލަކީ ރަނގަޅު ބިލެއް ކަމަށާއި އެބިލަށް އިތުރު އިސްލާހުތަކެއް ގެނެސްގެން މިހާރަށް ވުރެވެސް ފުރިހަމަ ކުރެވިދާނޭ ކަމަށް ބަންޑާރަ ނައިބު އަހުމަދު އުޝާމް ވިދާޅުވެއްޖެ އެވެ.

އުޝާމް މިހެން ވިދާޅުވީ، މޯލްޑިވްސް ޖާނަލިސްޓު އެސޯސިއޭޝަން (އެމްޖޭއޭ) އިން ރައީސް މުހައްމަދު މުއިއްޒުއާ ބުރާސްފަތި ދުވަހު ބައްދަލުކުރައްވާ ބިލު އިސްލާހުކުރުމުގެ ބަދަލުގައި އެ ބިލު ބޭރުކޮށްލަން ބޭނުންވާ ކަމަށް ނޫސްވެރިން ކުރި ޑިމާންޑާއި އެކު ބޭއްވި ނޫސްވެރިންގެ ބައްދަލުވުމުގައި ރާއްޖޭ އެމްވީ ގެ ނޫސްވެރިޔާ ކުރެއްވި ސުވާލަށް ދެއްވި ޖަވާބުގަ އެވެ.

ރާއްޖެ ޓީވީގެ ނޫސްވެރިޔާ ވަނީ ދެ ސުވާލެއް އޭޖީ އުޝާމް އަށް އަމާޒު ކުރައްވާފަ އެވެ.

ހުޝާމް ފާހަގަކުރައްވައިފި ބަހުސެއްގެ ތެރެއިން މިކަން ކުރައްވަން ބޭނުންނުވާ ވާހަކަ. ބަހުސެއްގެ ތެރެއިން މި ބިލް ބަލައިގަތީ ވެސް ނޫސްވެރިން ތިއްބާ ދެއްތޯ..؟ ދެން ހުޝާމް ފާހަގަކުރެއްވި ބައެއް ކަންކަމަށް އަޅުގަނޑު ޖެހިލާނަން. ވިދާޅުވެއްޖެ ޓްވިސްޓް ކުރެއްވިޔޭ، މީޓިންގ ގަ ފާހަގަކުރެއްވި، ކުރިން ހަމަ މިފަދަ ބިލެއް، މިހާރު މި ބިލް ހުށަހަޅުއްވައިގެން އުޅޭ މެމްބަރު ހުށަހެޅުއްވި އެ ބިލް ގެންދެވީ މަނިކުފާނުގެ ލަފާގެ މަތިން ކަމަށް. ރަނގަޅުތޯ..؟ މިތާގަ އެބަތިއްބެވި، އެ ބައިވެރި ވުމުގައި ބައިވެރިވި ބޭފުޅުން. ހަމަ އެއަށް ވުރެ ހަރުކަށި ބިލެއް ހުށަހެޅީމަ ތި ވިދާޅުވެލެއްވީ އަންޑަރސްޓޭންޑް އެއް ވެވަޑައިނުގަންނަވައޭ ކީއްވެގެން ކަމެއް ނޫސްވެރިން މި ބިލާއި މެދު ކަންބޮޑުވެވަޑައިގަންނަވަނީ. 2022 ވަނަ އަހަރު އެމްއެމްސީ އިން ހުށަހަޅުއްވާފައި އޮތް ބިލުގެ މުޅި ތަފްސީލުތައް ތި ދެއްވީ، އެ އަހަރު ހުށަހުއްވާފައިވާ ޑްރާފްޓެއްގެ ވާހަކަ ތި ދެއްކެވީ.

ރާއްޖެ އެމްވީ ގެ ނޫސްވެރިޔާ ނަޒާހަތް ގެ ސުވާލު

ނަޒާހަތުގެ މި ސުވާލުތަކަށް އުޝާމް ޖަވާބު ދެއްވަމުން ވިދާޅުވީ އޭރު އޮތް ބިލާއި މެދު ލަފަޔަކަށް އެދުނު ކަމަށާއި އެގޮތުން އެ ބިލު އަނބުރާ ލާން ލަފާ ދެއްވިކަމަށެވެ.

އަދި އޭރު ހުށަހެޅުއްވި ބިލަށް ވުރެ މިހާރު ހުށަހަޅާފައި އޮތް ބިލު ހަރުކަށިވެފައި އެ ބިލު އިތުރަށް ގޯސްކަމަށް ގަބޫލު ނުކުރަށްވާ ކަމަށާއި މިހާރު އޮތް ބިލަކީ ކުރިން ހުށަހެޅި ބިލަށް ވުރެ ގިނަ ކަންކަން ރަނގަޅުކޮށް ހުށަހަޅާފައި އޮތް ބިލެއް ކަމަށް ގަބޫލުކުރައްވާ ކަމަށް އުޝާމް ވިދާޅުވި އެވެ.

އުޝާމް ވިދާޅުވީ މިހާރު ހުށަހަޅާފައި އޮތް މީޑިއާ ބިލަކީ ރަނގަޅު ބިލެއް ކަމަށާއި އަދި އިތުރު އިސްލާހުތަކެއް އެ ބިލަށް ގެނެވިގެން މިހާރަށް ވުރެވެސް އެ ބިލު ފުރިހަމަ ކުރެވިދާނެ ކަމަށް ގަބާލުކުރައްވާ ކަމަށެވެ.

އެކަމާއި ގުޅޭގޮތުން އަޅުގަނޑުގެ ލަފަޔަކަށް އެދުނީމަ އަޅުގަނޑު ދެންނެވީމޭ އަޅުގަނޑަން ފެނޭ އެ ބިލް އަނބުރާ ލާން. އެއީ އަޅުގަނޑު ދެންނެވި ވާހަކަ އަކީ. މިހާރު ވިދާޅުވަމުން ގެންދަވަނީ ކުރިން ހުށަހެޅި ބިލަށް ވުރެ މިހާރު ހުށަހަޅާފައި އޮތް ބިލު ހަރުކަށިވެ، އެ ބިލު އިތުރަށް ގޯހޭ، އަޅުގަނޑު ގަބޫލުކުރަނީ އެގޮތަކަށް ނޫން. އަޅުގަނޑު ގަބޫލުކުރަނީ މިހާރު ހުށަހަޅާފައި އޮތް ބިލަކީ އޭރު ހުށަހަޅާފައި އޮތް ބިލަށްވުރެ ބައެއް ކަންކަން ރަނގަޅު ބިލެކޭ. އަދި މި ބިލަށް އިތުރު އިސްލާހުތަކެއް ގެނެސްގެން މިހާރަށް ވުރެ ވެސް ފުރިހަމަވާނެ ކަމަށް ގަބޫލު ކުރަނީ

އެޓާނީ ޖެނެރަލް އަހުމަދު އުޝާމް

މިހާރު އޮތް ބިލަކީ އެއްވެސް ވަރަކަށް ބަންޑާރަ ނައިބާއި އެކު މަޝްވަރާކުރެވިގެން ފަރުމާކުރެ ވުނު ބިލެއްތޯ ކުރި ސުވާލުގައި ވެސް އުޝާމް މަސައްކަތް ކުރެއްވީ ނޫސްވެރިންނަށް އޮޅުވާލެއްވުމަށެވެ. އެގޮތުން އުޝާމް ވިދާޅުވީ އެ ބިލާއި ގުޅިގެން މީގެ ދެތިން ދުވަސް ކުރިން މޯލްޑިވްސް ޖަރނަލިސްޓް އެސޯސިއޭޝަން (އެމްޖޭއޭ) އާއި އެކު ބޭއްވި ބައްދަލުވުމުގެ ތެރެއިން މަޖިލީހުގެ ބައިނު ރައީސް ނާޒިމް އާއި ވެސް ބައްދަލުކުރެއްވި ކަމަށެވެ.

އަދި އެ ބައްދަލުކުރެއްވުމުގެ ތެރެއިން އެމްޖޭއޭ އަށް މި ބިލާއި މެދު ހުރި ކަންބޮޑުވުންތައް ފާހަގަކޮށް ހުށަހެޅުމަށް އެދުނުކަމަށާއި އެހެން ނަމަވެސް އަދި ވެސް އެމްޖޭއިން އެކަމަށް އިޖާބަ ދީފައި ނުވާކަން އުޝާމް ފާހަގަ ކުރެއްވި އެވެ.

ރައީސް އޮފީހުގައި ބޭއްވި މި ބައްދަލުވުމުގައި، އުޝާމް ވަނީ ބިލު ބޭރުކޮށްލަން ޖެހޭ ސަބަބެއް ނެތް ކަަމަށް ވިދާޅުވުވެފަ އެވެ.