މީޑިއާގެ މިނިވަންކަން ނިގުޅައިގަންނަ ބިލު ބަލައިގަތުމަށް މެންބަރުން ވޯޓު ދިނީ ކިހިނެއް؟
އިދިކޮޅު މެންބަރުން އިހުތިޖާޖު ކުރަމުން ދަނިކޮށް ނެގި ވޯޓުގައި މި ބިލު ބަލައިގަތީ ސަރުކާރު ހިންގާ ޕީއެންސީގެ މެޖޯރިޓީ އާއެކު އެވެ. ބިލާ އެއްކޮޅަށް 49 މެންބަރުން ވޯޓު ދެއްވިއިރު ބިލު ބަލައިނުގަންނަން 12 މެންބަރުން ވޯޓު ދެއްވި އެވެ.
މަޖިލީހުގެ ތަޅުމުގައި ތިބެ ބިލަށް ވޯޓު ނުދިން ޕީއެންސީގެ 5 މެންބަރުން
މިނިވަން މީޑިއާ ނެތިކޮށްލައި ރައީސް ޑރ މުހައްމަދު މުއިއްޒު ބޭނުންވާ ގޮތަށް މީޑިއާތައް ކޮންޓްރޯލް ކުރުމަށް ހުށަހެޅި ބިލް ރައްޔިތުންގެ މަޖިލީހުން ވަނީ ބަލައިގަނެފައެވެ. ނަމަވެސް މި ބިލު މަޖިލީހަށް ބަލައިގަތް އިރު ޕީއެންސީގެ ސުޕަރ މެޖޯރިޓީ އަކުން ބިލަށް ތާއިދުނުކުރާކަން ހާމަވެއެވެ.
މި ބިލަށް ބުދަ ދުވަހު ވޯޓަށް އެހި އިރު ބިލާ ދެކޮޅަށް ވޯޓު ދެއްވީ އެމްޑީޕީގެ މެންބަރުންނެވެ. އަދި ޕީއެންސީގެ މެންބަރުންގެ ތެރެެއިން މަޖިލީހުގައި ތިބެމެ ވޯޓު ނުދޭ މެންބަރުން ތިއްބެވެ. ބިލުގެ އިބްތިދާއީ ބަހުސް ނިންމުމަށްފަހު ވޯޓަށް އެހި އިރު 67 މެންބަރުން ތިއްބެވެ. އެއީ ރިޔާސަތުގައި އިންނެވި ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ ހިމެނިވަޑައިގަންނަވާ ގޮތަށެވެ.
މީގެ ތެރެއިން ބިލު ބަލައިގަތުމަށް ވޯޓު ދިނީ 49 މެންބަރުންނެވެ. ބިލު ބަލައިގަތުމާއި ދެކޮޅަށް ވޯޓު ދެއްވީ 12 މެންބަރުންނެވެ. އަދި މަޖިލީހުގެ ތަޅުގައި ތިބި ނަމަވެސް 5 މެންބަރަކު ވޯޓު ނުދެއްވައެވެ.
މީޑިއާގެ މިނިވަންކަން ނަގާލަން ވޯޓުދިން މެންބަރުން
- ހުޅުމާލެ އުތުރު ދާއިރާގެ މެންބަރު ހުސައިން ޝަރީފް
- ހުޅުމާލެ މެދު ދާއިރާގެ މެންބަރު އަބްދުﷲ ޝަޒީމް
- މެދުހެންވޭރު ދާއިރާގެ މެންބަރު ހުސައިން ނާސިހް
- ހެންވޭރު ހުޅަނގު ދާއިރާގެ މެންބަރު އަލީ އިބްރާހިމް
- މައްޗަންގޮޅި އުތުރު ދާއިރާގެ މެންބަރު އިބްރާހިމް މުހައްމަދު
- މާފަންނަ ދެކުނު ދާއިރާގެ މެންބަރު އަބްދުﷲ ރިފާއު
- މާފަންނު މެދު ދާއިރާގެ މެންބަރު އަސްމާ ރަޝީދު
- ހޯރަފުށީ ދާއިރާގެ މެންބަރު އަލީ މޫސާ
- އިހަވަންދޫ ދާއިރާގެ މެންބަރު އަހުމަދު ނަސީރު
- ދިއްދޫ ދާއިރާގެ މެންބަރު އަބްދުލް ލަތީފް މުހައްމަދު
- ކެލާ ދާއިރާގެ މެންބަރު އަބްދުﷲ ޝަރީފް
- މިލަންދޫ ދާއިރާގެ މެންބަރު ހަސަން މުފީދު އަބްދުލް ގާދިރު
- ކެނދިކުޅުދޫ ދާއިރާގެ މެންބަރު މުހައްމަދު އަފޫ ހާމިދު
- ހޮޅުދޫ ދާއިރާގެ މެންބަރު އަބްދުއްސައްތާރު މުހައްމަދު
- އުނގޫފާރު ދާއިރާގެ މެންބަރު އިބްރާހިމް ޝިފާޒް
- ދުވާފަރު ދާއިރާގެ މެންބަރު މުހައްމަދު އަލީ
- އިނގުރައިދޫ ދާއިރާގެ މެންބަރު އިބްރާހިމް ފަލާހު (ޕީއެންސީގެ ޕީޖީ ލީޑަރު)
- ތުޅާދޫ ދާއިރާގެ މެންބަރު އަބްދުލް ހަންނާން އަބޫބަކުރު (ސަރުކާރުން އެދިގެން ބިލު ހުށަހެޅި މެންބަރު)
- ހިތާދޫ ދާއިރާގެ މެންބަރު މުހައްމަދު ސިރުހާން
- ހިންނަވަރު ދާއިރާގެ މެންބަރު މުހައްމަދު އަބްދުލް ރަހުމާން
- ކުރެންދޫ ދާއިރާގެ މެންބަރު މުހައްމަދު މުހައްމަދު ޝާމިން ހަބީބު
- މާފުށީ ދާއިރާގެ މެންބަރު ހުސައިން ރިޒާ އާދަމް
- ހުރާ ދާއިރާގެ މެންބަރު ޑރ. އަނާރާ ނައީމް
- މަތިވެރި ދާއިރާގެ މެންބަރު ހަސަން ޒަރީރ
- ދަނގެތި ދާއިރާގެ މެންބަރު އަބްދުﷲ ރަޝީދު
- ފެލިދޫ ދާއިރާގެ މެންބަރު އާދަމް ޒާހިރު
- ދިއްގަރު ދާއިރާގެ މެންބަރު އަހުމަދު ނާޒިމް
- ނިލަންދޫ ދާއިރާގެ މެންބަރު ފާތިމަތު ސައުދާ
- ކުޑަހުވަދޫ ދާއިރާގެ މެންބަރު ހުސައިން ހަމީދު
- ތިމަރަފުށީ ދާއިރާގެ މެންބަރު އަހުމަދު ރިޔާޒު
- ކިނބިދޫ ދާއިރާގެ މެންބަރު އަލީ އަޝްރަގު
- އިސްދޫ ދާއިރާގެ މެންބަރު އިސްމާއިލް ޝަފީއު
- ގަމު ދާއިރާގެ މެންބަރު ޔޫސުފް ނަޝީދު
- ވިލިނގިލި ދާއިރާގެ މެންބަރު އާޒިމް އަބްދުލް އަޒީޒު
- ދާންދޫ ދާއިރާގެ މެންބަރު މުހައްމަދު ފަޒީލް
- ގެމަނަފުށި ދާއިރާގެ މެންބަރު އަސަދުއްﷲ ޝިހާބް
- ކޮލަމާފުށި ދާއިރާގެ މެންބަރު އިބްރާހިމް ދީދީ
- ތިނަދޫ އުތުރު ދާއިރާގެ މެންބަރު ސައުދުﷲ ހިލްމީ
- ތިނަދޫ ދެކުނު ދާއިރާގެ މެންބަރު މުހައްމަދު އަލްސަން އަހުމދަު
- މަޑަވެލި ދާއިރާގެ މެންބަރު މުހައްމަދު ޝަމީޒް
- ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު
- ގައްދޫ ދާއިރާގެ މެންބަރު މުހައްމަދު އަލީ
- ފުވައްމުލަކު އުތުރު ދާއިރާގެ މެންބަރު ހަމަދު އަބްދުﷲ
- ފުވައްމުލަކު މެދު ދާއިރާގެ މެންބަރު އަލީ ފަޒާދު
- ފުވައްމުލަކު ދެކުނު ދާއިރާގެ މެންބަރު އިބްރާހިމް ހުސައިން
- ހުޅުދޫ ދާއިރާގެ މެންބަރު މުހައްމަދު ޝާހިދު
- ފޭދޫ އުތުރު ދާއިރާގެ މެންބަރު އިސްމާއިލް ނިޒާރު
- ފޭދޫ ދެކުނު ދާއިރާގެ މެންބަރު އިބްރާހިމް ދީދީ
- ހިތަދޫ އުތުރު ދާއިރާގެ މެންބަރު މުހައްމަދު ސިނާން
ތަޅުމުގައި ތިބެ ވޯޓު ނުދެއްވި މެންބަރުން
- އަލިފުށީ ދާއިރާގެ މެންބަރު އަބްދުލް ލަތީފް އަބްދުލް ރަހުމާން (ޕީއެންސީ)
- މަޑުއްވަރީ ދާއިރާގެ މެންބަރު އަހުމަދު ޒާހިރު (ޕީއެންސީ)
- މުލަކު ދާއިރާގެ މެންބަރު އިބްރާހިމް ނައުފަލް (ޕީއެންސީ)
- ބިލެއްދޫ ދާއިރާގެ މެންބަރު އަހުމަދު އަސްލަމް (ޕީއެންސީ)
- ހިތަދޫ މެދު ދާއިރާގެ މެންބަރު އަހުމަދު އަޒާން މަރުޒޫގް (ޕީއެންސީ)
ބިލު ބަލައިގަތުމަށް ދެކޮޅު ހެއްދެވި މެންބަރުން
- ހުޅުމާލެ ދެކުނު ދާއިރާގެ މެންބަރު ޑރ. އަހުމަދު ޝަމްހީދު (އެމްޑީޕީ)
- ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (އެމްޑީޕީ)
- ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް (އެމްޑީޕީ)
- ވައިކަރަދޫ ދާއިރާގެ މެންބަރު ހުސައިން ޒިޔާދު (އެމްޑީޕީ)
- ކަނޑިތީމު ދާއިރާގެ މެންބަރު އަމީން ފައިސަލް (އެމްޑީޕީ)
- ވެލިދޫ ދާއިރާގެ މެންބަރު މުހައްމަދު އައްބާސް (އެމްޑީއޭ)
- ކެންދޫ ދާއިރާގެ މެންބަރު މައުރޫފް ޒާކިރު (އެމްޑީޕީ)
- ތޮއްޑޫ ދާއިރާގެ މެންބަރު ހުސައިން ސަމީރު (އެމްޑީޕީ)
- ކެޔޮދޫ ދާއިރާގެ މެންބަރު މުހައްމަދު ނިއުޝާދު (އެމްޑީޕީ)
- މާވަށު ދާއިރާގެ މެންބަރު އަހުމަދު ޝާކިރު (އެމްޑީޕީ)
- މަރަދޫ ދާއިރާގެ މެންބަރު އަހުމަދު ދީދީ (އެމްޑީޕީ)
- ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް (އެމްޑީޕީ)
މަޖިލީހުން މި ބިލު ބަލައިގެންފައިވަނީ އެ ބިލާމެދު އެތައް ކަންްބޮޑުވުމެއް ނޫސްވެރިން ފާޅުކުރަމުން ދަނިކޮށެވެ. އިދިކޮޅު މެންބަރުން އިހުތިޖާޖު ކުރަމުން ދަނިކޮށް ނެގި ވޯޓުގައި މި ބިލު ބަލައިގަތީ ސަރުކާރު ހިންގާ ޕީއެންސީގެ މެޖޯރިޓީ އާއެކު އެވެ. ބިލާ އެއްކޮޅަށް 49 މެންބަރުން ވޯޓު ދެއްވިއިރު ބިލު ބަލައިނުގަންނަން 12 މެންބަރުން ވޯޓު ދެއްވި އެވެ.
