ބޯހިޔާވަހިކަމުގެ މަޝްރޫޢުތައް ނުނިމިގެން މިއުޅެނީ މުއިއްޒަށް އިސްކަން ދޭންވީ ތަރުތީބު އޮޅިގެން: އަލީ ހުސައިން

ފުށިދިއްގަރު ފަޅަށް އެޅި ވެލި އުތުރު ތިލަފަޅަށް އެޅިނަމަ ބޯހިޔާވަހިކަމަށް ބޭނުންވާ ބިން އޮންނާނީ ހިއްކާ ނިމިފައި ކަމަށާއި ބޯހިޔާވަހިކަމުގެ މަޝްރޫއުތައް ނުނިމިގެން އުޅެނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް އިސްކަންދޭންވީ ތަރުތީބު އޮޅިގެން ކަމަށް ގާނޫނީ ވަކީލު އަލީ ހުސައިން ވިދާޅުވެއްޖެއެވެ.

ފަހި ޔޫނިއަން އަދި އުތުރުތިލަފަޅު ޔޫނިއަންގެ ފަރާތުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އަލީ ހުސައިން ވިދާޅުވީ، މަޝްރޫއުތައް ނުނިމިގެން މިއުޅެނީ ސަރުކާރުގައި ފައިސާ އާއި ވަސީލަތްތައް ނެތިގެންނެއް ނޫން ކަމަށާއި ހަގީގަތުގައި މުޢިއްޒު އަށް އިސްކަންދޭންޖެހޭ ތަރުތީބު އޮޅިގެން ކަމަށެވެ.

Advertisement

ގިރާވަރު ފަޅައި އުތުރުތިލަފަޅާއި ގިރާވަރު ފަޅާއި އަދި ހުޅުމާލެ ފޭސް ތިނަކާ ގުޅީފަޅާ މިތަންތަނުގަ ވެސް ހިއްކަން ޖެހޭ ހުރިހާ މިންވަރެއް ހަގީގަތުގައި 100 ދުވަހުގެ ތެރޭގައި ހިއްކާނަމޭ ބުނިތާ މިހާރު ދެތިން ސަތޭކަ ދުވަސް ފާއިތުވެގެން ހިނގައްޖެ. އެހެންވީމަ ޖުމްލަކޮށް ދަންނަވަން މިއުޅޭ ވާހަކަ އަކީ ހަގީގަތުގަ ޔޫޓީއެފްއާ އަދި ގިރާވަރު ފަޅާ ދެންވެސް ހިއްކަން ހުރި ތަންތަން ހިއްކާލުމަކީ ހަގީގަތުގައި މިސަރުކާރަކަށް މާބޮޑު ކަމެއް ނޫން، ބޮޑު ކަމެއް ނޫނޭ ދަންނަވަން މިއުޅެނީ މިހާރުވެސް ފުށިދިއްގަރު ފަޅަށް އެޅި ވެލި މިތަންތަނަށް އެޅި ނަމަ އުތުރުތިލަފަޅަށް އެޅި ނަމަ މިހާރު އޮންނާނި ހިކި ނިމިފަ

ޤާނޫނީ ވަކީލު އަލީ ހުސައިން

ފަހި ޔޫނިއަން އިން ރައިސް މުޢިއްޒަށް ގޮވާލީ ފުށިދިއްގަރު ފަޅު ހިއްކުން މަޑުޖައްސާލައިފައި އުތުރު ތިލަފަޅާއި ގިރާވަރު ފަޅުގެ ނުހިއްކާ ހުރި ތަންތަން ހިއްކާ ނިންމައި ދެއްވުމަށެވެ. އަދި އެތަންތަން ހިއްކާ ނިންމައި ވައުދުފުޅާ އެއްގޮތައް ގެޒެޓުގައިވާ ލިސްޓު އިވަލުއޭޓު ކުރުމަށްފަހު ހައްގުވާ ފަރާތްތަކަށް ބިން ދޫކޮށްލުމަށްވެސް ފަހި ޔޫނިއަން އިން ވަނީ ގޮވާލައިފަ އެވެ.

ރައީސް މުޢިއްޒު ވެވަޑައިގެންނެވި ވައުދަކީ ފަޅު ހިއްކާ އެތަނުން ހައްގުވެރިންނަށް ބިން ދުކުރުން ކަމަށާއި އެގޮތައް އަމަލު ކުރުމަށް ވެސް ފަހި ޔޫނިއަން އިން ވަނީ ގޮވާލައިފަ އެވެ.