މިހާރު ވެސް ރިކޯލް ވޯޓަކަށް ގޮސްފި ނަމަ ރައްޔިތުންގެ 80 އިންސައްތަ ވޯޓުން ރައީސް މުއިއްޒު ބޭރުކޮށްލާނެ: އައްބާސް
ރިކޯލް ވޯޓު ނެގުމަށް ގާނޫނު އަސާސީ އިސްލާހު ކުރުމަށް ޕީއެންސީގެ މެންބަރުންނަށް އައްބާސް ގޮވާލެއްވި
ވެލިދޫ ދާއިރާގެ މެމްބަރު މުހައްމަދު އައްބާސް: ޕީ.އެން.ސީ ގެ މެންބަރުން ގެ ގަޓު ހުރިއްޔާ ރިކޯލް ވޯޓަކަށް ދާން ޤާނޫނުއަސާސީ އިސްލާހުކުރުމަށް އައްބާސް ވަނީ ގޮވާލައްވާފަ
ރިކޯލް ވޯޓަކަށް ގޮސްފި ނަމަ ރައްޔިތުންގެ 80 އިންސައްތަ ވޯޓުން މުއިއްޒު ބޭރުވާނޭ ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.
އައްބާސް މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ.
އައްބާސް ޕީއެންސީގެ ސުޕަރ މެޖޯރިޓީ އޮތް މަޖިލީހުގެ މެމްބަރުންނަށް ގޮވާލެއްވީ ގަޓެއް ހުރި ނަމަ ރިކޯލް ވޯޓެއް ނަގަން ގާނޫން އަސާސީ އިސްލާހު ކުރުމަށެވެ. އަދި އެގޮތަށް ކަންކަން ކޮށްފި ނަމަ އެންމެ ފުރަތަމަ ވެސް ރައްޔިތުންގެ 80 އިންސައްތަ ވޯޓުން މިހާރު ވެރިކަމުގައި ހުރި ރައީސް މުއިއްޒު ބޭރުވެގެން ދާނޭ ކަމަށެވެ.
މީގެ އިތުރުން ރިކޯލް ވޯޓެއް ނަގައިފި ނަމަ ރައީސް މުއިއްޒު ބޭރުކުރުމަށް ފަހު ދެން ރައްޔިތުންގެ ވޯޓުން އިންތިހާބުކޮށްފައި ތިއްބެވި ޕީ.އެން.ސީ ގެ މަޖުލީސް ހުރިހާ މެންބަރުން އެދާއިރާގެ ރައްޔިތުން ނިކުމެ ބޭރުކޮށްލާނެ ކަމަށް ވެސް އައްބާސް ވިދާޅުވި އެވެ.
އައްބާސް ވިދާޅުވީ ރައީސުލް ޖުމުހުރިއްޔާ ހިމެނޭގޮތަށް ރިކޯލް ވޯޓު ނަންގަވާ ނަމަ އެންމެފުރަތަމަ އެބިލަށް ވޯޓު ދޭނެމީހަކަށް އޭނާ ހުންނަވާނޭ ކަމަށާއި އެހިސާބުން ދިވެހި ރައްޔިތުންގެ ވިންދާ އިހުސާސް ހުރިގޮތް ރިޝްވަތުގެ ހުތުރު ފައިސާއިން ނަފުސު ކިލަބުވެފައިވާ މެންބަރުންނަށް ސާފުކޮށް އެނގިހާމަވާނެ ކަމަށެވެ.
އަދި އޭގެ ފަހުގައި ފޮނި އުންމީދު ތަކާއެކު ރައްޔިތުން އިންތިހާބު ކުރެއްވި މެންބަރުން ދޮގުވެރި މަކަރުން ފުރިފައިވާ ވެރިއެއްގެ ފޫބުޑުގައި ދޫލަމުން ރިޝްވަތުގެ ހުތުރު ފައިސާގެ ދަހިވެތި ކަމުގައި ބޮލުރޮދި ކެޑި،ބުއްދި ސަލާމަތުން ނެތްބޭފުޅުން ހާމަވެ ބޭޒާރު ވެގެންދާނެ ކަމަށް އައްބާސް ވިދާޅުވި އެވެ.
ރައްޔިތުންގެ މަޖުލީސްގައި ތިއްބެވި ޕީ.އެން.ސީ ގެ މެންބަރުން ގެ ގަޓު ހުރިއްޔާ ރިކޯލް ވޯޓަކަށް ދާން ޤާނޫނުއަސާސީ އިސްލާހުކޮށްލައްވާ.. ދިވެހި ރައްޔިތުންގެ %80 ވޯޓުން އެންމެ ފުރަތަމަވެސް ރައީސް ޑރ.މުއިއްޒު ބޭރުކޮށްލާނެ.. އޭގެ ފަހުގައި ރައްޔިތުންގެ ވޯޓުން އިންތިހާބުކޮށްފައި ތިއްބެވި ޕީ.އެން.ސީ ގެ މަޖުލީސް ހުރިހާ މެންބަރުން އެދާއިރާގެ ރައްޔިތުން ނިކުމެ ބޭރުކޮށްލާނެ.. ގަޓުހުރިއްޔާ ލަސްނުކޮށް މިކަން ކޮށްލައަވާ..ރައީސުލް ޖުމުހުރިއްޔާ ހިމެނޭގޮތަށް ރިކޯލް ވޯޓު ނަންގަވާ ނަމަ އެންމެފުރަތަމަ އެބިލަށް ވޯޓު ދޭނެމީހަކަށް އަޅުގަނޑު ވާނަންވެލިދޫ ދާއިރާގެ މެންބަރު މުހައްމަދު އައްބާސް
އައްބާސް ވިދާޅުވީ ރިޝްވަތުގެ ކިތަންމެ ދަޅައެއް ދެއްކިޔަސް، ބިރު ދެއްކިޔަސް، ރައްޔިތުންގެ ހައްޤުތަކުގެ ވާހަކަ ތައް ދޫކޮށް ނުލައްވާނޭ ކަމަށާއި ރައްޔިތުންގެ ވިންދާ އިހުސާސްތައް ދޫކޮށްލާފައި ރައްޔިތުން އެދޭ ތަރައްޤީ ނުވާ ވާހަކަ ދޫކޮށްލާފައި ފަސްއެބުރި ނުބަލާނެ ކަމަށް ވެސް އޭނާ ވިދާޅުވި އެވެ. އަދި ދައްކާ ބިރަކަށް އެންމެ ފިޔަވަޅެއް ވެސް ފަހަތައް ނުޖެހޭނޭ ކަމަށް ވެސް އަސްބާސް ވިދާޅުވި އެވެ.
އައްބާސް ވިދާޅުވީ މިހުރީ ރައްޔިތުންގެ ފަޅީގައި ރައްޔިތުން ވާހާލެއްގައި ވާން ރައްޔިތުންނާއި އެކުގައި ކަމަށެވެ.
