ރައީސް ޑރ. މުހައްމަދު މުއިއްޒުއަށް މަރުގެ އިންޒާރު ދިން މީހަކު ހައްޔަރުކޮށްފިއެވެ.

މަރުގެ އިންޒާރާއި ގުޅިގެން ހައްޔަރުކުރީ ތ. ތިމަަރަފުށި / މަލަސް މަސީހު މުސާ (25އ) އެވެ.

ފުލުހުން ބުނީ ސޯޝަލް މީޑިއާގައި ރައީސުލްޖުމްހޫރިއްޔާ އަށް ނިސްބަތްކޮށް މަރުގެ އިންޒާރު ދިން މައްސަލައާއި ގުޅިގެން، މަސީހު މޫސާ ކޯޓު އަމުރެއްގެ ދަށުން ބުރާސްފަތި ދުވަހުގެ ރޭ ހައްޔަރުކޮށްފައިވާ ކަމަށެވެ. ފުލުހުން ބުނީ މި މައްސަލައާއި ގުޅިގެން އޭނާގެ ފޯނު ވެސް ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

މަސީހު ހައްޔަރުކުރީ އޭނާ ފޭސްބުކްގައިކުރި ޕޯސްޓަކާއި ގުޅިގެންނެވެ. އޭނާ ކުރި ޕޯސްޓަކީ 'ޑްރަގް ވިޔަފާރި ކުރާ މީހުންނަށް މަރުގެ އަދަބު ދޭން މަޝްވަރާ ކުރަނީ' މި ސުރުހީގެ ދަށުން ލިޔެފައިވާ ހަބަރެއް ޝެއަރ ކޮށް ލިޔެފައިވާ އިބާރާތަކާއި ގުޅިގެންނެވެ. އޭނާ ބުނެފައިވަނީ 'އެންމެ ފުރަތަމަ މި ރު... މަރާލަންޖެހޭ' އެވެ. އޭނާ އެހެން ބުނެފައިވަނީ ރައީސް މުއިއްޒު ފެންނަން އިން ފޮޓޯއެއް ޖަހާފައިވާ ހަބަރު ޝެއަރ ކުރުމަށްފަހުއެވެ.

މަސީހު ހައްޔަރުކޮށްފައިވަނީ އޭނާ ޕޯސްޓު ޖެހިތާ 12 ގަޑި އިރު ނުވަނީސް ކޯޓު އަމުރެއްގެ ދަށުންނެވެ.