މޯދީގެ ދަތުރާއި ގުޅިގެން އިސްލާމީ މަރުކަޒަށް ވަނުންވެސް މަނާ
25 ޖުލައި 2025 | ހުކުރު 14:01ޖުމްހޫރީ މައިދާނާއި އިސްލާމީ މަރުކަޒުން ފެށިގެން، ބޮޑުތަކުރުފާނު މަގު ބީއެމްއެލް އާއި މުލީއާގެއާ ހަމައަށް ވަނުން މަނާ
އަސުރު ނަމާދުވަގުތު މަރުކަޒުގެ އެތެރެ
އިންޑިއާގެ ބޮޑުވަޒީރު މޯދީ މިހާރު ރާއްޖެ އަށް ކުރައްވާ ދަތުރުފުޅާއި ގުޅިގެން މިވަގުތު ވެރި ރަށް މާލޭގައި އުޅުއްވާތީ އިސްލާމީ މަރުކަޒަށް ވަނުންވެސް މަނާކޮށްފިއެވެ.
ބޮޑުވަޒީރު ނަރެންދުރާ މޯދީ ވެރިރަށް މާލޭގައި އުޅުއްވާތީ ބޮޑު ސަރަހައްދެއް ފުލުހުންވަނީ ބަންދުކޮށްފައެވެ. އެގޮތުން ޖުމްހޫރީ މައިދާނާއި އިސްލާމީ މަރުކަޒުން ފެށިގެން، ބޮޑުތަކުރުފާނު މަގު ބީއެމްއެލް އާއި މުލީއާގެއާ ހަމައަށް އެއްގޮތަކަށް ވެސް ވަނުން މަނަ އެވެ. ގަޑިން 6:00 ޖަހަންދެން އެ ސަރަހައްދު މުޅިން ބަންދު ވާނެ ކަމަށް ފުލުހުން ބުނެ އެވެ.
އަސުރަށް ބަންގި ގޮވައިފިން، މިސްކިތުގައި އެންމެ މީހަކު. ދެރަ ދޯ؟އިސްލާމީ މަރުކަޒުގެ އިމާމު
5000 މީހުންގެ ޖާގާއިގެ އިސްލާމީ މަރުކަޒުގައި އަސުރަށް ބަންގި ގޮވިއިރު އިމާމު ފިޔަވާ ހުރީ އެންމެ މީހެކެވެ. އެކަމާއި ކަންބޮޑުވުން ފާޅުކޮށް އެ މިސްކިތުގެ މުދިމު ކުރި ޕޯސްޓް މިހާރުވަނީ ޑިލީޓްކޮށްލައިފައެވެ.
މަގުތައް ބަންދުކުރުމާއި ގުޅިގެން ފުލުހުން އެކްސްގައި ކުރި ޕޯސްޓެއްގައި ބުނީ އިންޑިއާގެ ބޮޑުވަޒީރު ރާއްޖެއަށް ކުރައްވާ ރަސްމީ ދަތުރުފުޅާ ގުޅިގެން ޖޫމްހޫރީ މައިދާން ސަރަހައްދު 2025 ޖުލައި 26 ވަނަ ދުވަހުގެ 11:00 އިން 18:00 އަށް ބަންދުވާނެކަމަށެވެ. އޭގެތެރޭގައި ބައެއް ސަރަހައްދަކީ އެއްކޮށް ބަންދުކުރެވޭ ސަރަހައްދުކަމަށް ފުލުހުން ބުނެއެވެ. އެގޮތުން އެއްކޮށް ބަންދުކުރެވޭ ސަރަހައްދުގެ ތެރޭގައި އިސްލާމީ މަރުކަޒުވެސް ހިމެނެއެވެ.
