މިނިވަން ދުވަހުގެ ޙަރަކާތްތަކުގެ ރިހާސަލް އަށް ދެ ދުވަހަށް ބައެއް ސަރަހައްދުތައް ވަކި ގަޑިއަކަށް ބަންދު ކުރަނީ
22 ޖުލައި 2025 | އަންގާރަ 08:18ފުލުހުންގެ ޚިދުމަތުން ބުނެފައި ވަނީ މިނިވަން ދުވަހުގެ ޙަރަކާތްތަކުގެ ރިހާސަލްތަކާ ގުޅިގެން ޖުލައި 22 ވަނަ ދުވަހުން، ޖުލައި 24 ވަނަ ދުވަހަށް ބައެއް ސަރަހައްދުތައް ބަންދު ކުރުމަށް ނިންމާފައިވާ ކަމަށް
ރަސްމީ ފާލަން ސަރަހައްދު
ރާއްޖޭގެ މިނިވަން ދުވަހުގެ ޙަރަކާތްތަކާ ގުޅިގެން ދެ ދުވަސް ވަންދެން ވަކި ގަޑިތަކެއްގައި ބައެއް ސަރަހައްދުތައް ބަންދު ކުރުމަށް ނިންމައިފި އެވެ.
ދިވެހި ފުލުހުންގެ ޚިދުމަތުން ބުނެފައި ވަނީ މިނިވަން ދުވަހުގެ ޙަރަކާތްތަކުގެ ރިހާސަލްތަކާ ގުޅިގެން ޖުލައި 22 ވަނަ ދުވަހުން، ޖުލައި 24 ވަނަ ދުވަހަށް ބައެއް ސަރަހައްދުތައް ބަންދު ކުރުމަށް ނިންމާފައިވާ ކަމަށެވެ.
އެގޮތުން ކަނޑައަޅާފައިވާ ސަރަހައްދުތައް ކޮންމެ ދުވަހެއްގެ ހަވީރު 16:00 އިން އިރުއޮއްސި 18:00 އަށް ބަންދު ކުރުމަށް ނިންމާފައިވެ އެވެ. އަދި ރޭގަނޑު 20:00 އިން، 23:00 އަށް ބައެއް ސަރަހައްދުތަކުގެ ޓްރެފިކް ފްލޯ އަށް ބަދަލު ގެނެވޭނެ ވާހަކަ ވަނީ ބުނެފަ އެވެ.
ފުލުހުން ބުނެފައި ވަނީ އެ ވަގުތުތަކުގައި އިއްޒުއްދީން ފާލަން ހިމެނޭ ސަަރަހައްދަށް ކަނޑު އުޅަނދު ފަހަރު ކައިރި ނުކުރެވޭނެ ކަމަށެވެ. އަދި އެ ކަންކަމާ ގުޅިގެން ދިމާވެދާނެ ދަތިތަކަށް މައާފަށް އެދޭ ކަމަށާއި، އެ ފަދަ ކަންކަމުގައި އާންމުން ދެއްވާ އެއްބާރުލުމަށް ޝުކުރު އަދާ ކުރާ ކަމަށް ވެސް ފުލުހުން ބުނެފަައިވެ އެވެ.
މިނިވަން ދުވަސް ފާހަގަ ކުރުމަށް ސަރުކާރުން ވަނީ ގިނަ ޙަރަކާތްތަކެއް ކަނޑައަޅައިފަ އެވެ.
