ދުވަހުން ދުވަހަށް މަސައްކަތް ނިންމާ، "މޯލްޑިވްސް އިންޓެލެކްޗުއަލް ޕްރޮޕަޓީ އޮފީހުގެ ބިލް" ކޮމިޓީ އަށް
15 ޖުލައި 2025 | އަންގާރަ 09:27ބިލުގައި ރަޖިސްޓްރީކުރުމާއި ރަޖިސްޓަރީކުރާ ފިކުރީ މުދަލާބެހޭ ދަފުތަރެއް އެކުލަވާލާ އަޕްޑޭޓްކުރުން ވެސް ވަނީ ހިމަނާފަ
ރައްޔިތުންގެ މަޖިލީހުގެ ޖަލްސާގެ ތެރެއިން
ފިކުރީ މުދާ ރާއްކާތެރިކޮށްދޭނެ އޮފީހެއް ގާއިމްކުރުމަށް "މޯލްޑިވްސް އިންޓެލެކްޗުއަލް ޕްރޮޕަޓީ އޮފީހުގެ ބިލް" މަޖިލީހަށް ބަލައިގަނެ އިގްތިސާދީ ކޮމެޓީއަށް ފޮނުވައިފިއެވެ.
މި ބިލް ބަލައިގަންނަން 67 މެންބަރަކު ވޯޓު ދެއްވާފައިވެއެެވެ. ބިލް ބަލައިނުގުމަށް އެއްވެސް މެންބަރަކު ވޯޓު ދެއްވާފައެއް ނުވެއެވެ.
އެ ބިލް ހޯމަ ދުވަހު މަޖިލީހަށް ހުށަހަޅުއްވާފައިވަނީ ކުޑަހުވަދޫ ދާއިރާގެ ޕީއެންސީ މެންބަރު ހުސައިން ހަމީދެވެ. ބިލްގެ ފުރަތަމަ ކިއުން ވެސް އިއްވާފައި ވަނީ ހޯމަ ދުވަހުއެވެ. ބިލުގެ އިބްތިދާއީ ބަހުސް މަރުހަލާ ވެސް ދުވަހުން ދުވަހަށް ނިންމާލުމާއި އެކު މި ބިލު މިހާ އަވަހަށް ނިންމާ ސަބަބާއި މެދު މެމްބަރުން ވަނީ ސުވާލު އުފައްދަވާފައެވެ.
ބިލުގެ ބޭނުމަކީ ފިކުރީ މުދާ ރައްކާތެރިކަން ހޯދާ ދިނުން ކަމަށް ވާނަމަ މިނިވަން މުއައްސަސާ އެއްގެ ގޮތުގައި އެތަން އޮތުން މާ މުހިންމު ކަމަށް ޒިޔާދު ވަނީ ވިދާޅުވެފައެވެ. އެ ބިލް ހޯމަ ދުވަހު މަޖިލީހަށް ހުށަހަޅުއްވާފައިވަނީ ކުޑަހުވަދޫ ދާއިރާގެ ޕީއެންސީ މެންބަރު ހުސައިން ހަމީދެވެ. ބިލްގެ ފުރަތަމަ ކިއުން އިއްވާފައި ވަނީ ވެސް ހޯމަ ދުވަހުއެވެ.
ބިލުގައި ފާހަގަކޮށްފައިވާ އިތުރު ބައެއް ކަންކަމަށް ބަލާ އިރު އެ ބިލްގައި ވަނީ ރައްކާކުރެވޭ ފިކުރީ މުދަލަކީ ފިކުރީ މުދަލާ ގުޅޭ ކަމާބެހޭ ގާނޫނުތަކުގެ ދަށުން ހިމާޔަތްކޮށްދިނުމަށް ފިކުރީ މުދާތައް ހިމަނާފައެވެ. އޭގެ ތެރޭގައި ޓްރޭޑްމާކާއި، ކޮޕީރައިޓާއި، ޕޭޓަންޓާއި، އިންޑަސްޓްރީއަލް ޑިޒައިން އާއި ޖިއޮގްރަފިކަލް އިންޑިކޭޝަންތައް ހިމެނެއެވެ.
ހަމައެހެންމެ ބިލުގައި ވަނީ ޕްރޮޕަޓީ އޮފީހުގެ ބާރުތައް އެކުލަވާލާފައެވެ. އަދި ބިލުގައި ރަޖިސްޓްރީކުރުމާއި ރަޖިސްޓަރީކުރާ ފިކުރީ މުދަލާބެހޭ ދަފުތަރެއް އެކުލަވާލާ އަޕްޑޭޓްކުރުން ވެސް ވަނީ ހިމަނާފައެވެ.
