ގޯތި ހަވާލުކުރުމަކީ އެތަނުގެ އިން ވަކިކޮށް، ވަށާފާރުވެސް ރާނަން ހުއްދަ ދިނުން: ޝަމްއާން ރަޝީދު
ގޯތި ހަވާލުކުރުމަކީ ލިޔުން ދިނުމަށް ފަހު ގޯތީގެ އިންވަކިކޮށް ވަށާފާރުވެސް ރާނަން ހުއްދަ ދިނުން
ގުޅީފަޅު އެސޯސިއޭޝަނުގެ ރައީސް ޝަމްއާން: ވިދާޅުވީ ގޯތީގެ އިންވަކިކޮށް ވަށާފާރުވެސް ރާނަން ހުއްދަ ދޭން ޖެހޭނޭ ކަމަށް
ގޯތި ހަވާލުކުރުމަކީ ލިޔުން ދިނުމަށް ފަހު ގޯތީގެ އިންވަކިކޮށް ވަށާފާރުވެސް ރާނަން ހުއްދަ ދިނުން ކަމަށް ގުޅީފަޅު ރައްޔިތުންގެ އެސޯސިއޭޝަންގެ ރައީސް ޝަމްއާން ރަޝީދު ވިދާޅުވެއްޖެއެވެ.
ގުޅީފަޅުން ގޯތި ލިބުނު ފަރާތްތަކަށް ހައުސިންގ މިނިސްޓްރީން ބަންޑާރަ ގޯތީގެ ރަޖިސްޓްރީ ދޫކުރަން ހޮނިހިރު ދުވަހު ފަށާފައިރު، އެ ސަރަހައްދުގައި ހުންނަވައިގެން ޝަމްއާން ރާއްޖެ އެމްވީއަށް ވިދާޅުވީ ހައުސިންގ މިނިސްޓްރީން އަނެއްކާ ވެސް މިދަނީ ގޯތީގެ ރެޖިސްޓްރީތަކެއް ދެމުން ކަމަށާއި އެ މިނިސްޓްރީން ލިޔުން ދެމުން ގެންދަނީ އެއްބަސްވުމަށް ބަދަލު ނުގެނެސް، ރަޖިސްޓްރީ ދޭކަމުގެ ލިޔުމެއް ކަމަށެވެ.
އަދި މި ލިޔުމަކީ ހަމަ އެކަނި އައު ރެޖިސްޓްރީ ދިނުމަށް ފަހު އެއާއި މެދުގައި ދީފައި އޮންނަ ލިޔުމެއް ކަމުގައި ވެސް އޭނާ ވިދާޅުވިއެވެ.
ވީހާވެސް ގިނަ ބަޔަކު ހިޔާވަހި ޕޯޓަލް މެދުވެރިކޮށް ލިޔުމުގައި ސޮއިކޮށް އައު ރެޖިސްޓްރީ ނެގުމަށް އިލްތިމާސް ކުރައްވަމުން ޝަމްއާން ވިދާޅުވީ މިހާރު ހައުސިންގ މިނިސްޓްރީން ދޭ ލިޔުމުގައި ކުރިން ސޮއިކުރި އެއްބަސްވުމުގެ ނަމްބަރު އަދި އައު ރެޖިސްޓްރީގެ ޕްލޮޓްގެ ހުރިހާ ތަފްސީލްތަކެއް ވެސް ހިމަނާފައިވާ ކަމުގައެވެ. އެހެން ކަމުން ގޯތި ލިބުނު އެންމެހާ ފަރާތްތަކުން ވެސް އަވަހަށް ލިޔުމުގައި ސޮއިކުރުމަށް ވަޑައިފަތުމަށް އޭނާ ވަނީ އިލްތިމާސްކުރައްވާފައި އެވެ.
ގޯތި ލިބުނު ފަރާތްތަކާ ދެމެދު ވެފައިވާ އެއްބަސްވުމާއި ދިވެހިރާއްޖޭގެ ބިމާބެހޭ ޤާނޫނާ ފުށުއަރާ ކަންކަން ޙައްލުކުރުމަށްޓަކައި ބަންޑަރާނައިބުގެ އޮފީހާ މަޝްވަރާކޮށް އެކަމުގައި ޖުމްލަ ޙައްލެއް ހޯދުމުގެ މަސައްކަތް ހައުސިންގ މިނިސްޓްރީން ކުރަމުންދާނެ ކަމަށް އެންމެ ފަހުން އެ މިނިސްޓްރީން ކުރި އިއުލާނުގައި ބުނެފައިވާއިރު، އެކަން ފާހަގަކުރައްވާ ޝަމްއާން ވިދާޅުވީ ހައުސިން މިނިސްޓްރީން ލިޔުން ދޫކުރަމުން ގެންދާއިރު، އެންމެ ގިނަ ބައެއްގެ ކަންބޮޑުވުމަމަށް ވެފައި އޮތީ އިއުލާނުގައި ބަޔާންކޮސްފައިވާ ގޮތަށް ބަންޑާރަނައިބާއި ކުރާ މަޝްވަރާއަށް ފަހު މިހާރު ހައުސިންގ މިިނިސްޓްރީނެ ދޭ ލިޔުމަށް އެއްވެސް ބަދަލެއް އަދުވެދާނެ ކަމާއި މެދުގައެވެ. އަދި މިއީ ގުޅިފަޅު ރައްޔިތުންގެ އެސޯސިއޭޝަނުގެ ވެސް ވަރަށް ބޮޑު ކަންބޮޑުވުމެއްކަމުގައި ޝައްމާން ވިދާޅުވިއެވެ.
ތިބޭފުޅުންނާއި އެކުގައި ވާހަކަދައްކާލަން ވަގުުތުކޮޅެއް ލިބުނީމަ އަޅުގަނޑު ބުނެލަދޭނަން، މިހާރުވެސް ބުނެފަ މީދީ ބަންޑާރަނައިބާއި އެކުގައި މަޝްވަރާތަކެއް ކުރެވޭ ވާހަކަ، މިހާލަތުގައި އަޅުގަނޑުމެން މި ބުނާ އެއްޗަކީ މިވަގުތު މި ދޭ ރެޖިސްޓްރީތައް ވެސް ބަދަލުވުން އެކަށީގެން ވޭ ހެއްޔޭ؟ މި ސުވާލަކީ ވަރަށް ގިނަ މީހުން އަޅުގަނޑާއު ކުރަމުން ގެންދާ ސުވާލެއް. އެހެންވީމަ އަޅުގަނޑުމެންގެ ޖަމްއިޔާގެ ފަރާތުން މި ކޮންސާން އަދިވެސް ރެއިސްކުރަންގުޅީފަޅު ރައްޔިތުންގެ އެސޯސިއޭޝަންގެ ރައީސް ޝަމްއާން ރަޝީދު
މީގެ އިތުރުން އޭނާ ވިދާޅުވީ ލިސްޓަށް އެއްވެސް ބަދަލެއް އައިސްފައިވާ ކަން އެނގިފައި ނުވާކަމަށާއި އެފަދަ ކޮންމެ ކަމެއް ދިމާވިނަމަވެސް ޖަމްޢިއްޔާގެ ފަރާތުން އެކަމަށް ލަސްނުކޮށް އެޓެންޑް ވާނޭ ކަމަށެވެ.
ޝަމްއާން ވިދާޅުވީ ހައުސިންގ މިނިސްޓްރީން މިހާރު އެ ދޫކުރާ ލިޔުމަށް ފަހު ދެން އޮތީ ވީހާވެސް އަވަހަކަށް ގޯތި ހަވާލުކޮށް ގޯތީގެ އިން ވަކިކުރެވޭނޭ ގޮތެއް ހަދައިދިނުން ކަމަށާއި ޖަމްޢިއްޔާއިން ގަބޫލުކުރަނީ ގޯތި ހަވާލުކުރާއިރުގައި އެތަނުގައި ވަށާފާރުވެސް ރޭނޭނެ ގޮތް ހަމަޖައްސައި ދޭން ޖެހޭނޭ ކަން ކަމުގައެވެ.
ޝަމްއާން ވިދާޅުވީ ގުޅިފަޅު ރައްޔިތުންގެ އެސޯސިއޭޝަނުން ގަބޫލުކުރަނީ ގޯތި ދިނުމަކީ އެތަން ދިނުމަށް ފަހު އެތަނުގެ އިން ވަކިކޮށް އެތަނުގައި ފަށާފާރުވެއް ރާނަން ހުއްދަ ދިނުންކަމަށެވެ. ގޯތީގެ ވަށާފާރު ރާންނަ ހުއްދަ ނުދީ ގޯތި ދިނުމަކީ ބަލައިގަނެވޭނޭ ކަމެއް ނޫންކަމުގައި އޭނާ ވިދާޅުވިއެވެ. އަދި މިއީ ގުޅިފަޅު ރައްޔިތުންގެ ޖަމްޢިއްޔާގެ އިތުރުން ބިންވެރިޔާ ސްކީމުން ގޯތި ލިބުނު މީހުން ވެސް ގަބޫލުކުރާނެ އުސޫލެއް ނޫންކަމުގައި ޝަމްއާން ވިދާޅުވިއެވެ.
