އުރީދޫ ފަން ރަން 2025 - އައްޑޫ ސިޓީ ރަޖިސްޓްރޭޝަންގެ ސުންގަޑި މިއަދު ހަމަވަނީ

އައްޑޫ ސިޓީގައި ބޭއްވުމަށް ހަމަޖެހިފައިވާ އުރީދޫ ފަން ރަން 2025 އަށް ރެޖިސްޓަރ ވުމުގެ ސުން ގަޑިއަކީ އާދިއްތަ (މިއަދު)ގެ 23:59 ކަމަށް އުރީދޫއިން ބުނެފިއެވެ.

އުރީދޫ ފަން ރަން މި އަހަރު ބާއްވަން ހަމަޖެހިފައިވަނީ މި މަހުގެ 27ގައި އައްޑޫ ސިޓީ މަރަދޫގައެވެ.

Advertisement

އުރީދޫއިން ބުނީ، މި ހަރަކާތަކީ ހުރިހާ އުމުރުފުރައެއްގެ ބައިވެރިންނަށް ވެސް ހިތްގައިމު މަޖާ އަދި އާއިލާ އާއ ރައްޓެހިންނާއިއެކު ބައިވެރި ގުޅުން ބަދަހި ކުރެވޭނެ ރަން އެއްކަމަށާއި އައްޑޫސިޓީގެ މަގުތަކަށް ކުލައާއި އުފާވެރިކަމާއި ހަކަތަ ގެނެސްދޭނެ އީދެއް ކަމަށެވެ. އުރީދޫ ފަން ރަން އަކީ ފިޓްނަސް އަދި މަޖަލާ އެކުގައި ބާއްވާ އެންމެ އުފަވެރި 5ކޭ ދުވުމެއް ކަމަށް އުރީދޫއިން ބުނެއެވެ.

މީގެ އިތުރުން ދުވުންތެރިންނަށް މަގުމަތީގައި ކުލަ ޖެހުމާއި މިއުޒިކް އަދި އިންފްލެޓޭބަލް ސްޓޭޝަންތަކަށް ފަރުމާކުރެވި އާއިލާތަކާއި ރައްޓެހިން ގުޅާލައި، އެކުގައި އުޅެވޭނެ ކާނިވަލެއް ފަދަ މާހައުލެއް ގާއިމުކުރެވިގެންދާނެ ކަމަށްވެސް އުރީދޫއިން ވަނީ ފާހަގަކޮށްފައެވެ.

އެހެންކަމުން މި އިވެންޓުގެ ޖާގަ ކަށަވަރު ކުރުމަށް މިރޭ 23:59 ކުރިން ބައިވެރިން ރަޖިސްޓްރީވުމަށް އުރީދޫން ވަނީ ހަނދާން ކޮށްދީފައެވެ.

ރާއްޖޭގައި ބާއްވާ އެންމެ އުފާވެރި ދުވުން، 27 ޖޫން 2025 ގައި އައްޑޫ ސިޓީ މަރަދޫގައި ބޭއްވުމަށް ހަމަ ޖެހިފައިވާއިރު ބައިވެރިންނަށް ދެ ކިޓް އޮޕްޝަނެއް އިޚްތިޔާރު ކުރެވޭނެއެވެ. އެގޮތުން، ފަން ރަން ޓީޝާޓާއި ރިސްޓްބޭންޑެއް ހިމެނޭ ސްޓޭންޑަރޑް ކިޓުގެ އަގަކީ 210 ރުފިޔާއެވެ. އަދި ފަން ރަން ޓީޝާޓަކާއި ރިސްޓްބޭންޑާއި އައިގްލާސް އަދި މަލްޓިޕާރޕަސް ބަނޑާނާ ހިމެނެ ފަން ކިޓުގެ އަގަކީ 110 ރުފިޔާ އެވެ.

އުރީދޫއިން ބުނީ ޖޫންމަހުގެ 16 ވާ ބްރާސްފަތިދުވަހުގެ 23:59 ގެ ކުރިން މޫލީ މެދުވެރިކޮށް ފަން ރަންގައި ރަޖިސްޓްރީ ވުމަށް އެދޭކަމަށެވެ.

އުރީދޫ ފަން ރަން އަކީ ކޮންމެ އަހަރަކު އުރީދޫއިން ބާއްވަމުންދާ ހަރަކާތްތަކުގެ ތެރެއިން އާއްމުންގެ މެދުގައި އެންމެ މަގުބޫލު އެއް ހަރަކާތެވެ. މިދިޔަ އަހަރު ހުޅުމާލޭގައި ކުރިއަށް ގެންދިޔަ މަޖާ މި ހަރަކާތްތަކުގައި 6500 އަށްވުރެ ގިނަ ބައިވެރިން ވަނީ ބައިވެރިވެފައެވެ.