މިއަދުވެސް މަޖިލިސް ޖަލްސާއެއް ނެތް، އަދިވެސް ޗުއްޓީގައި
10 ޖޫން 2025 | އަންގާރަ 07:39ބޮޑު އީދު ބަންދަށްފަހު ހޯމަ ދުވަހު (މިއަދު) ރައްޔިތުން މަޖިލީހުގެ ޖަލްސާ ބާއްވާފައިނުވާއިރު މަޖިލީހުގެ ކޮމެޓި ބައްދަލުވުމެއްވެސް އެޖެންޑާ ކޮށްފައެއްނުވެ
ރައްޔިތުންގެ މަޖިލީހުގެ ޖަލްސާއެއް ކުރިއަށް ދަނީ
ބޮޑު އީދު ބަންދަށް ފަހު ވެސް ރައްޔިތުންގެ މަޖިލީހުގެ ޖަލްސާއެއް މިއަދު ނޯންނާނެކަމަށް އެ މަޖިލީހުން ބުނެފިއެވެ.
މިދިޔަ މެއި މަހު މަޖިލިސް ދެ ހަފްތާގެ ޗުއްޓީއަކަށް ދިއުމަށް ފަހު އަލުން ހުޅުވާ މަޖިލީހުގެ ޖަލްސާއެއް ބޭއްވީ މިދިޔަ ހޯމަ ދުވަހު އެވެ. ނަމަވެސް، އޭގެ ފަހުން އިތުރު ޖަލްސާއެއް ބާއްވާފައެއް ނުވެ އެވެ.
މަޖިލީހުގެ ގަވާއިދު ބުނާ ގޮތުން ހަފުތާއަކު ތިން ދުވަހު މަޖިލީހުގެ ޖަލްސާތައް ބާއްވަން ޖެހެއެވެ. އާންމުކޮށް ޖަލްސާތައް ބާއްވަނީ ހޯމަ، އަންގާރަ އަދި ބުދަ ދުވަހެވެ. އެހެންނަމަވެސް މިދިޔަ ހަފްތާގައިވެސް އަންގާރަ ބުދަ ދުވަހު ޖަލްސާ ބާއްވާފައެއް ނުވެއެވެ.
ބޮޑު އީދު ބަންދަށްފަހު ހޯމަ ދުވަހު (މިއަދު) ރައްޔިތުން މަޖިލީހުގެ ޖަލްސާ ބާއްވާފައިނުވާއިރު މަޖިލީހުގެ ކޮމެޓި ބައްދަލުވުމެއްވެސް އެޖެންޑާ ކޮށްފައެއްނުވެއެވެ.
ދައުރު ނިންމައި ބޮޑު ޗުއްޓީން އެނބުރި އައިސް މިދިޔަ ހޯމަ ދުވަހު ދައުރުގެ ފުރަތަމަ ޖަލްސާ ބާއްވާފައިވާއިރު ޖެހިގެން އައި އަންގާރަ ދުވަހު ވަކި ސަބަބެއް ނާންގާ އެ ދުވަހުގެ ޖަލްސާ ބާއްވާފައެއް ނުވެއެވެ. އަދި ހަމަ އެދުވަހު 11:00 އަށް މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީގެ ބައްދަލުވުމެއް އެޖެންޑާކުރިއެވެ. ނަމަވެސް، އެ ކޮމިޓީ ވެސް ވަނީ ކެންސަލްކޮށްފައެވެ.
މީގެ ކުރިން އިދިކޮޅު އެމްޑީޕީއަށް ނިސްބަތްވެވަޑައިގަންނަވާ މެންބަރުން ވަނީ މަޖިލީހުގެ ޖަލްސާތައް ސަބަބެއް ނާންގާ ކެންސަލްކުރާކަމުގެ ކަންބޮޑުވުން ފާޅުކުރައްވައިފައެވެ.
އެކަމަކު، މަޖިލީހުގެ ރިޔާސަތުން އޭރު ވަނީ ޖަލްސާތައް ކެންސަލްކުރަނީ ތަޅުމުގައި ކުރާނެ މަސައްކަތެއް ނެތުމުން ކަމަށާއި ނަމަވެސް ކޮމިޓީތަކުގެ މަސައްކަތް ކުރިއަށްދާނެ ކަމަށް ވިދާޅުވެފައެވެ. މިދިޔަ ދައުރުގެ ޖަލްސާތަކެއް ކެންސަލްކުރި ނަމަވެސް ކޮމިޓީތަކުގެ މަސައްކަތް ކުރިއަށްދާ ކަމަށް މަޖިލިސް ރައީސް އަބްދުއްރަހީމް އަބްދުﷲ އޭރު ވިދާޅުވިއެވެ.
