ދިވެހިރާއްޖޭގެ މިނިވަންކަމަށް 60 އަހަރު ފާހަގަކުރުމަށް މި އަހަރު އާންމުކޮށް ބޭނުންކުރާ ލޯގޯއެއް ފަރުމާ ކުރުމަށް ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން ހުޅުވާލައިފިއެވެ.

އެ ވުޒާރާއިން ބުނީ މިވަން 60 ގެ އެންމެ މޮޅު ލޯގޯ ފަރުމާކުރާ ފަރާތަކަށް -/30،000 ރުފިޔާގެ ފައިސާގެ އިނާމެއް ދިނުމަށް ހަމަޖެހިފައިވާ ކަމަށެވެ. މި އިނާމަށް ވާދަކުރަން ބޭނުންވާ ފަރާތްތަކުން ލޯގޯ ފަރުމާކުރުމަށްފަހު 2025 ޖޫން 15 ވާ އާދިއްތަ ދުވަހު އޮފީސް ބަންދުކުރުމުގެ ކުރިން ހުށައެޅުމަށް އެ ވުޒާރާއިން ވަނީ އަންގާފައެެވެ.

އެ ލޯގޯއިން ރަމްޒުކޮށްދޭން ޖެހޭ ކަންތައްތަކެއް އެ ވުޒާރާއިން ވަނީ ފާހަގަކޮށްފައެވެ.

އެއީ،

މީގެ އިތުރުން ހުށަހަޅާ ލޯގޯއަށް މާކްސް ދިނުމުގައި ބަލާނެ މިންގަނޑުތަށް އެ ވުޒާރާއިން ވަނީ ހާމަކޮށްފައެވެ. އެގޮތުން، ލޯގޯގެ ކޮލިޓީއާއި ޓެކްނިކަލް ފެންވަރަށް 30 މާކްސް ލިބޭއިރު، އަސްލުވަންތަކަމާއި އުފެއްދުންތެރިކަމުގެ އިތުރުން މަސައްކަތްތެރިކަމަށް ލިބެނީ 20 މާކުހެވެ. އަދި ދިވެހިވަންތަކަމަށް ބަލައި، 20 މާކްސް ދޭއިރު، މިނިވަން 60ގެ ސިފަތައް ރަމްޒުކޮށްދީފައިވާ މިންވަރަށް ދެނީ 30 މާކުހެވެ.

ރާއްޖޭގެ މިނިވަން ކަމަށް 50 އަހަރު ފުރުންވެސް ރާއްޖޭގެ ހުރިހާ ސަރަހައްދެއްގަ ވަރަށް ކުލަގަދަކޮށް ފާހަގަކޮށްފައިވާކަން ފާހަގަކޮށްލެވެއެވެ.