ބަންޑާރާ ކޮށީގައި ސިފައިންގެ މީހަކު ދަންޖެހިފައި ހުއްޓާ ފެނިއްޖެ
އެމްއެންޑިއެފްގެ މީޑިއާ އޮފިސަރަށް ގުޅުމުން ފޯނަށް ޖަވާބެއް ނުދެއްވާ އަދި މެސެޖް ކުރުމުންވެސް ޖަވާބެއް ނުދެއްވާތީ އެމްއެންޑީއެފް ގެ ރަސްމީ ބަހެއް ވަނީ ލިބޭ ގޮތް ނުވެފަ
ރާއްޖެ އެމްވީ ކުއްލި ހަބަރު
ބަންޑާރަ ކޮށީގައި ސިފައިންގެ މީހަކު ދަންޖެހިފައިވާ ކަމަށް ރާއްޖެ އެމްވީ އަށް އިތުބާރު ހުރިފަރާތަކުން މައުލޫމާތު ދީފިއެވެ.
ރާއްޖެ އެމްވީ އަށް މައުލޫމާތު ދިން ފަރާތުން ބުނި ގޮތުގައި ސިފައިންގެ މީހާ ދަންޖެހިފައި ހުއްޓާ ފެނިފައިވަނީ މިރޭގެ ވަގުތެއްގައެވެ.
މިކަމާ ގުޅިގެން އެކަން ކަށަވަރު ކުރުމަށް އެމްއެންޑީއެފްގެ މީޑިއާ އޮފިސަރު ލެފްޓިނެންޓް ކާނަލް އަލިމަނިކް (ދާރީ) އަށް ގުޅުމުން ފޯނަށް ޖަވާބެއް ނުދެއްވައެވެ. އަދި މެސެޖް ކުރުމުންވެސް ޖަވާބެއް ނުދެއްވާތީ އެމްއެންޑީއެފް ގެ ރަސްމީ ބަހެއް ވަނީ ލިބޭ ގޮތް ނުވެފައެވެ.
ބަންޑާރަ ކޮށީގައި މިރޭ މީހަކު ނިޔާވެފައިވާ މައްސަލައެއް ދިވެހި ފުލުހުންގެ ހިދުމަތަށް ހުށަހެޅި، ތަހުގީގު ކުރަމުންދާ ކަމަށް ފުލުހުން ވަނީ ބުނެފައެވެ. ނިޔާވެފައި ވަނީ އުމުރުން 35 އަހަރުގެ ދިވެހި ފިރިހެނެއް ކަމަށް ފުލުހުން ވަނީ ބުނެފައެވެ.
