ގެސްޓުހައުސްތަކަށް ޙާއްސަކޮށްގެން އެވޯޑެއް ދިނުމަށް ނިންމައިފި

މަޓާޓޯ މޯލްޑިވްސް ޓްރެވަލް އެވޯޑްސް 2017ގައި ގެސްޓުހައުސްތަކަށް ޙާއްސަކޮށްގެން އެވޯޑެއް ދިނުމަށް ނިންމައިފި އެވެ.

މަޓާޓޯ މޯލްޑިވްސް ޓްރެވަލް އެވޯޑްސްއިން މިހާރުވަނީ މި އެވޯޑަށް ނަން ހުށަހެޅުމަށް ފުރުޞަތު ހުޅުވާލާފައެވެ.

މީގެ އިތުރުން މި އެވޯޑް ނައިޓުގައި ފަތުރުވެރިކަމުގެ ދާއިރާ ކުރިއެރުވުމަށް މަސައްކަތްކުރާ ފަރާތްތައް ފާހަގަކުރުމަށް ޕީޕަލްސް އެޑިޝަނެއް ވަނީ ތަޢާރަފްކޮށްފައެވެ.

ޖަރުމަންވިލާތުގެ ވެރިރަށް ބަރލިންގައި ކުރިއަށްދާ އައިޓީބީ ފެއަރގައި މަޓާޓޯ މޯލްޑިވްސް ޓްރެވަލް އެވޯޑްސްގައި ގެސްޓުހައުސް އެޑިޝަންގެ އިތުރުން މިއަހަރުގެ މަޓާޓޯ މޯލްޑިވްސް ޓްރެވަލް އެވޯޑްސްގައި ޖުމްލަ 50 އެވޯޑް ދިނުމަށް ހަމަޖެހިފައިވެ އެވެ.

ޓްރެވަލް އެވޯޑްސްގެ ގެސްޓު ހައުސް އެޑިޝަން ބޭއްވުމަށް ހަމަޖެހިފައިވަނީ މޯލްޑިވްސް ގެޓަވޭސްއުން ބާއްވާ ގެސްޓުހައުސް ކޮންފަރެންސް ނިމުމުގެ ހަފްލާގައެވެ. މިއަހަރުގެ މަޓާޓޯ މޯލްޑިވްސް ޓްރެވަލް އެވޯޑްސް އޮންނާނީ މިއަހަރުގެ ނޮވެމްބަރމަހު ގައެވެ.