އެމްއައިބީގެ ފައިސާ ކާޑު ބޭނުންކޮށްގެން ޕައްޕަޑަމްސް އިން ޑިސްކައުންޓް!
ޕައްޕަޑަމްސްގެ ބިލްގެ ޖުމްލަ އަދަދުން 10 ޕަސަންޓް ޑިސްކައުންޓް ލިބިގެންދާނެ
އެމްއައިބީގެ ޕްރޮމޯޝަނަލް ޕޯސްޓަރ
މޯލްޑިވްސް އިސްލާމިކް ބޭންކް (އެމްއައިބީ) ގެ ފައިސާ ކާޑު ބޭނުންކޮށްގެން ޕައްޕަޑަމްސ އިން ޑިސްކައުންޓް ލިބޭ ޕްރޮމޯޝަނެއް އެ ބޭންކުން ފަށައިފިއެވެ.
އެމްއައިބީން ބުދަ ދުވަހު ނެރުނު ނޫސްބަޔާނެއްގައި ބުނެފައި ވަނީ އެ ބޭންކުގެ ފައިސާ ކާޑު ބޭނުންކޮށްގެން، ޕައްޕަޑަމްސްގެ ބިލްގެ ޖުމްލަ އަދަދުން 10 ޕަސަންޓް ޑިސްކައުންޓް ލިބިގެންދާނެ ކަމަށާއި ޕްރޮމޯޝަން ކުރިއަށްދާނީ މެއި 30 ވަނަ ދުވަހުން ޖޫން 30 ވަނަ ދުވަހާ ހަމައަށް ކަމަށެވެ.
ފައިސާ ކާޑު އޮތް ކޮންމެ މީހަކަށް ވެސް މި ޕްރޮމޯޝަންގައި ބައިވެރިވެވޭނެ ކަމަށް އިސްލާމިކް ބޭންކުން ވަނީ ބުނެފައެވެ.
އިސްލާމިކް ބޭންކުން ބުނީ މިކަހަލަ އިތުރު ޕްރޮމޯޝަނެއް މިއަހަރު ލެމަންގްރާސް ރެސްޓޯރެންޓާ އެކު ކުރިއަށް، ގެންގޮސް ކާމިޔާބުކަމާ އެކު ނިންމާލާފައިވާ ކަމަށެވެ.
އިސްލާމިކް ބޭންކުން ވަނީ ރޯދަ ޕްރޮމޯޝަން ފަށައި، މެއި 17 ވަނަ ދުވަހު އެ ޕްރޮމޯޝަން ނިންމާލާފައެވެ.
އެ ޕްރޮމޯޝަންގެ ދަށުން 250،000ރ. އާ ހަމައަށް މުދާ ގަތުމުގެ ފުރުސަތު ހުޅުވާލިއިރު ޕްރޮމޯޝަންގެ ތެރެއިން ފައިސާ އަނބުރާ ދެއްކުމުގެ މުއްދަތު ވަނީ ތިން އަހަރަށް އިތުރުކޮށްފައެވެ.
އެ ޕްރޮމޯޝަންގެ ދަށުން ދޫކުރި ބައެއް މުދަލުގެ ތެރޭގައި ފަރުނީޗަރު، މޯބައިލް ފޯނު، ކޮމްޕިއުޓަރ، ޓީވީ، އައިސް އަލަމާރި، ދޮންނަ މެޝިން ފަދަ ސާމާނު ހިމެނެއެވެ.
