އެއްވެސް އިންޒާރެއް ދިނުމަކާއި ނުލާ ބްރޯޑްކޮމްގެ އެސްޖީ ސަސްޕެންޑްކޮށް، އެހެން މުވައްޒަފުންނަށް ބިރު ދައްކަނީ
20 މެއި 2025 | އަންގާރަ 11:33އެ މައްސަލަ، ރައްޔިތުންގެ މަޖިލީހުން ބައްލަވައިދެއްވައި، މިކަންތަކަށް އެކަށީގެންވާ ރަނގަޅު ހައްލުތަކެއް ގެނެސްދެއްވުމަަށް މެމްބަރު އެދިލެއްވި
ބްރޯޑްކޮމްގެ ބައްދަލުވުމެއްގެ ތެރެއިން
އެއްވެސް އިންޒާރެއް ދިނުމަކާއި ނުލާ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) ގެ ސެކްރެޓަރީ ޖެނެރަލް މަރިޔަމް ޒީނިޔާ މިއަދު ސަސްޕެންޑުކޮށްފިއެވެ.
އޭނާ ސަސްޕެންޑްކޮށްފައި ވަނީ މަސައްކަތްތަކަށް ހުރަސް އެޅޭގޮތަށް މަސައްކަތް ކުރާ ކަމަށް ތުހުމަތުކޮށެވެ. ހަމައެހެންމެ ކޮމިޝަންގެ ނިންމުންތަކަށް އެއްބާރުލުން ނުދޭކަމަށް ވަނީ ތުހުމަތުކޮށްފައެވެ. އޭނާ ސަސްޕެންޑްކޮށްފައި ވަނީ 3 ދުވަހުގެ މުއްދަތަށެވެ.
އިތުބާރު ހުރި މަސްދަރަކުން ރާއްޖެއެމްވީ އަށް މައުލޫމާތުދެމުން ބުނީ މިހާރު ކޮމިޝަންގެ ބައެއް މެމްބަރުން އެހެން ބައެއް ސްޓާފުންނަށް ވެސް ބިރު ދައްކަމުންދާ ކަމަށެވެ. މިފަދަ މައްސަލަ އެއް ފެންމަތިވެފައިވާ އިރު މޯލްޑިވްސް ބްރޯޑްކާސްޓިންގ ކޮމިޝަންގެ މުވައްޒަފުންގެ ވަޒީފާގެ މަސްއޫލިއްޔަތުތައް އަދާކުރުމަށް ތަކުރާރުކޮށް ދިމާވަމުންދާ ގޮންޖެހުންތަކާއި ގުޅިގެން ރަައްޔިތުންގެ މަޖިލީހަށް ޕެޓިޝަނެއް ވަނީ ހުށަހަޅާފައެވެ.
އެނގިފައިވާ ގޮތުން އެކަމާއި ގުޅިގެން ވެސް މުވައްޒަފުންނަށް ވަނީ އިތުރު ގޮންޖެހުންތަކާއި ދިމާވެފައެވެ. އެ ޕެޓިޝަން ހުށަހަޅުއްވާފައި ވަނީ އާދީއްތަ ދުވަހު, ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު މުޙައްމަދު އިބްރާހިމް އެވެ.
ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އަށް އެޑްރެސްކޮށް ފޮނުއްވާފައިވާ ޕެޓިޝަންގައި ގިނަ ކަންތައްތަކެއް ފާހަގަކުރައްވާފައިވެއެވެ.
އެ ޕެޓިޝަންގައި ބްރޯޑްކޮމްގެ ސެކްރެޓަރީ ޖެނެރަލް އާއި ޑިރެކްޓަރުންގެ ވާޖިބުތަކާއި މަސްއޫލިއްޔަތު އަދާ ކުރުމަށް ހުރަސް އެޅޭގޮތަށް ކޮމިޝަނުގެ ރައީސްގެ ފަރާތުންނާއި ބައެއް ކޮމިޝަން މެންބަރުންގެ ފަރާތުން އިދާރީ ހިންގުމުގެ އެންމެހާ ކަންކަމާއި ވަކި ޙައްދެއް ޙުދޫދެއް ނެތި، އިދާރީ އޮނިގަނޑަށް އިހްތިރާމް ކުރުމެއް ނެތި، ވާޖިބުތަކާއި މަސްއޫލިއްޔަތު އަދާ ކުރުމަށް ހުރަސް އަޅަމުންގެންދާ ކަމަށް ފާހަގަކޮށްފައިވެއެވެ.
މީގެ އިތުރުން މުވައްޒަފުންނަށް މަސައްކަތް ހަވާލުކޮށް މަސައްކަތް ކުރުމަށް އެކަށީގެންވާ ވަގުތު ނުދީ، ބައެއް ކަންކަން މާލިއްޔަތު ގަވައިދާއި އެއްގޮތްވާގޮތުގެ މަތީން ކުރުމަށް ލަފާދިނުމުންނާއި އަދި މިނިސްޓްރީ އޮފް ފިނޭންސް އެންޑް ޕްލޭނިންގެ ލަފާ ހޯދަންޖެހޭ ކަމާއި އެފަދަކަންކަމަށް މަޑުކުރަން އެދުމުންވެސް އެކަންކަން އެގޮތަށް ނުކޮށް، މާލިއްޔަތު ގަވައިދާއި ފުށުއަރާނެ
