މިނިސްޓަރ އަމީންގެ އިތުބާރު ނެތް ކަމަށް ފާހެއް ނުވި
އަމީންގެ އިތުބާރު ނެތްކަމަށް ފާސްކުރުމަށް 11 މެމްބަރަކު ވޯޓުދެއްވާފައި ވާއިރު އަމީންގެ އިތުބާރު ނެތް ކަމަށް ފާސްކުރުމާ ދެކޮޅަށް 54 މެންބަރުން ވަނީ ވޯޓުދެއްވާފަ
ޓްރާންސްޕޯޓު މިނިސްޓަރު މުހައްމަދު އަމީން މަޖިލީހަށް ހާޒިރު ކުރުން. / 07.05.2025
މާލޭގެ ހެންވޭރުގައި ހުންނަ ގެއެއްގެ ފުރާޅު މައްޗަށް ޒުވާން އަންހެނަކު ވެއްޓުނު މައްސަލައިގެ ތަހުގީގަށް ޓްރާންސްޕޯޓް މިނިސްޓަރު މުހައްމަދު އަމީން ނުފޫޒު ފޯރުވާފައިވާ ކަމަށް ތުހުމަތުކޮށް އަމީންގެ އިތުބާރު ނެތް ކަމަށް ހުށަހެޅި މައްސަލަ ފާހެއް ނުވިއެވެ.
އަމީންގެ އިތުބާރު ނެތް ކަމަށް އެމްޑީޕީ އިން ހުށަހެޅީ މިދިޔަ މަހުގެ 18 ވަނަ ދުވަހު ހ. ފެންޓެނޯއީ ގޭގެ ނުވަވަނަ ފަންގިފިލާއިން ހައްވާ ޔުމްނު ރަޝީދު، 21، ވެއްޓުނު ހާދިސާގެ ތަހުގީގަށް ނުފޫޒު ފޯރުވިކަމަށް ތުހުމަތު ކުރެވޭތީއެވެ. އެމްޑީޕީން ހުށަހެޅި މައްސަލައިގައި ބުނީ ވަޒީރުންގެ މަޖިލިހުގެ އެއްވެސް މެމްބަރަކު، މަގާމުގެ ހައިސިއްޔަތުން އެއިން މީހަކަށް ލިބިފައިވާ މައުލޫމާތެއްގެ ނުވަތަ އެ މީހަކު އަދާކުރާ ވަޒީފާގެ ބޭނުން އަމިއްލައަށް ނާޖާއިޒް މަންފާއެއް ހާސިލުކުރުމަށް ނުވަތަ އެހެން މީހަކަށް އެފަދަ މަންފާއެއް ހޯދައިދިނުމަށް ބޭނުންކޮށްގެން ނުވާނެ ކަމަށް ގާނޫނު އަސާސީގައި ވަޒީރުންގެ މަޖިލިހުގެ މަސްއޫލިއްޔަތުގެ ތެރޭގައި ކަނޑައަޅައި ބަޔާންކޮށްފައިވާ ކަމަށެވެ.
ބުރާސްފަތި ދުވަހު އެކަމާއި ގުޅޭ ގޮތުން ޖަވާބުދާރީކުރުވުމަށް މަޖިލީހަށް ހާޒިރުކުރުމުން އަމީން ވަނީ އޭނާ މަޤާމުން އިސްތިއުފާދެއްވަން ޖެހޭ އެއްވެސް ސަބަބެއް ނެތް ކަމަށް ވަނީ ވިދާޅުވެފައެވެ. މިނިސްޓަރ އަމީން ވިދާޅުވީ މާންދޫގެދެކުނުގެއަކީ އޭނާގެ އިތުރުން އެއްބަނޑުއެއްބަފާ އިތުރު ތިން މީހުންގެ ނަން މަތީގައި ހުރި ގެއެއް ކަމަށެވެ. އެހެން ކަމުން އޭނާގެ ސީދާ ބާރު ހިނގަނީ އޭނާގެ އަމިއްލަ އާއިލާ ދިރިއުޅޭ ބައިތަކަށް އެކަނި ކަމަށް އަމީން ވިދާޅުވި އެވެ.
މިނިސްޓަރ އަމީން ވިދާޅުވީ މާންދޫގެދެކުނުގެއަކީ އޭނާގެ އިތުރުން އެއްބަނޑުއެއްބަފާ އިތުރު ތިން މީހުންގެ ނަން މަތީގައި ހުރި ގެއެއް ކަމަށެވެ. އެހެން ކަމުން އޭނާގެ ސީދާ ބާރު ހިނގަނީ އޭނާގެ އަމިއްލަ އާއިލާ ދިރިއުޅޭ ބައިތަކަށް އެކަނި ކަމަށް އަމީން ވިދާޅުވި އެވެ.
އަމީންގެ އިތުބާރު ނެތްކަމަށް ފާސްކުރުމަށް 11 މެމްބަރަކު ވޯޓުދެއްވާފައި ވާއިރު އަމީންގެ އިތުބާރު ނެތް ކަމަށް ފާސްކުރުމާ ދެކޮޅަށް 54 މެންބަރުން ވަނީ ވޯޓުދެއްވާފައެވެ.
މި މައްސަލަ މަޖިލީހަށް ވައްދާފައި ވަނީ އިދިކޮޅު އެމްޑީޕީގެ 12 މެންބަރުންގެ ސޮޔާއެކު އެވެ. އެ މައްސަލައިގެ ނޯޓިސް އަމީންއަށް ފޮނުވާފައި ވަނީ މި ހިނގާ މޭއި މަހުގެ ފުރަތަމަ ދުވަހުއެވެ.
