އަދުލު އިންސާފަށް ހުރަސްއެޅުމަށް ސަރުކާރުން ކުރަމުންދާ މަސައްކަތާއި ދެކޮޅު ހެދުމަށް އެމްޑީޕީން މަޖިލިސް ދޮށަށް އެއްވަނީ
މަޖިލިސް ކައިރިއަށް އެއްވަނީ ސުޕްރީމް ކޯޓު ފުނޑާލައި އަދުލު އިންސާފަށް ހުރަސް އެޅުމަށް ސަރުކާރުން ކުރަމުންދާ މަސައްކަތްތަކާ ދެކޮޅަށް އަޑު އުފުލުމަށް
އެމްޑީޕީން ރައްޔިތުން މަޖިލިސްކުރާ ގޭކައިރީގެ ކުރި މުޒާހަރާއެއްގެ ތެރެއިން - ފައިލް
އަދުލު އިންސާފަށް ހުރަސްއެޅުމަށް ސަރުކާރުން ކުރަމުންދާ މަސައްކަތާއި ދެކޮޅު ހެދުމަށް އެމްޑީޕީން މަޖިލިސް ދޮށަށް އެއްވާން ނިންމައިއެވެ.
އެކްސްގައި ކުރި ޕޯސްޓެއްގައި އެމްޑީޕީ އިން ބުނީ ސުޕްރީމް ކޯޓު ފުނޑާލައި އަދުލު އިންސާފަށް ހުރަސް އެޅުމަށް ސަރުކާރުން ކުރަމުންދާ މަސައްކަތްތަކާ ދެކޮޅަށް އަޑު އުފުލުމަށް ބުަދަ ދުވަހުގެ ހެނދުނު މަޖިލިސް ދޮށަށް ވަޑައިގަތުމަށެވެ.
އެމްޑީޕީން ބުނީ މަޖިލިސް ކައިރިއަށް އެއްވަނީ ހެނދުނު 10:30 ގައެވެ.
އެމްޑީޕީ އިން މަޖިލިސް ދޮށަށް އެއްވަނީ ސުޕްރީމް ކޯޓު ހުއްޓުމަކަށް ގެނެސް، 3 ފަނޑިޔާރުން ސަސްޕެންޑްކޮށް، 2 ފަނޑިޔާރަކު މަގާމުން ވަކިކުރުމަށް ނިންމާ ބުަދަ ދުވަހުގެ ތަޅުމަށް އެ މައްސަލަ އެޖެންޑާކޮށްފައިވަނިކޮށެވެ. ސުޕްރީމް ކޯޓުގެ ފަނޑިޔާރު އަޒްމިރަލްދާ ޒާހިރު އާއި މަހާޒު އަލީ ޒާހިރު މަގާމުން ވަކިކުރުމުގެ މައްސަލައިގައި ކޮމިޓީ ރިޕޯޓަށް ބަހުސް ކުރުމަށް ވަނީ އެޖެންޑާކޮށްފައެވެ.
އަންގާރަ ދުވަހުގެރޭ ބޭއްވި އާންމު ކޮމިޓީން ވަނީ ބުދަ ދުވަހުގެ ތަޅުމުގައި 2 ރިޕޯޓަށް ބަހުސްކުރުމަށް 2 ގަޑި އިރު ކަނޑައަޅާފައެވެ.
