ސިޔާސީ މުވައްޒަފުންގެ މައުލޫމާތު ހާމަކުރައްވާނެ ކަމަށް ވިދާޅުވެ ރައީސް އިތުރުފުޅު ހައްދަވައިފި
13 މެއި 2025 | އަންގާރަ 07:22ރައީސް އޮފީހުގައި ތިބި ސިޔާސީ މުވައްޒަފުންގެ މައުލޫމާތު ހާމަކުރައްވާނެ ކަމަށް ރައީސް ވިދާޅުވިނަމަވެސް އަދިވެސް އެ މައުލޫމާތު ހާމައެއް ނުކުރައްވާ
ރައީސުލްޖުމްހޫރިއްޔާ ޑރ.މުަހައްމަދު މުއިއްޒު ނޫސްވެރިންނަށް މައުލޫމާތު ދެއްވަނީ: މިއަދަށް ނުވަ ދުވަސްވީއިރުވެސް ސަރުކާރުގައި ތިބި ސިޔާސީ މުވައްޒަފުންގެ އަދަދު ހާމައެއް ނުކުރޭ
ސިޔާސީ މުވައްޒަފުންގެ މައުލޫމާތު ނޫސްވެރިންނަށް ލިޔުމަކުން ދިނުމަށް ފިނޭންސް މިނިސްޓަރު މޫސާ ޒަމީރަށް އަންގަވާނެ ކަމަށް ވިދާޅުވެ އިތުރުފުޅުހެއްދެވިކަން ހާމަވެއްޖެއެވެ.
ސިޔާސީ މުވައްޒަފުންގެ މައުލޫމާތު ނޫސްވެރިންނަށް ލިޔުމަކުން ދިނުމަށް ފިނޭންސް މިނިސްޓަރު މޫސާ ޒަމީރަށް އަންގަވާނެ ކަމަށް ރައީސް މުހައްމަދު މުއިއްޒު ވިދާޅުވީ މިމަހުގެ ތިންވަނަ ދުވަހު ބޭއްވި ދިގު ރޫސްވެރިންގެ ބައްދަލުވުމުގައެވެ.
މި ބައްދަލުވުމުގައި ގިނަ ނޫސްވެރިން އަމާޒުކުރެއްވި އެއް ސުވާލަކީ ސަރުކާރަށް އެމަނިކުފާނު އައްޔަން ކުރައްވާފައިވާ ސިޔާސީ މުވައްޒަފުންގެ އަދަދު ހާމަ ނުކުރަނީ ކީއްވެތޯއެވެ. އަދި އެ އަދަދު ހާމަކުރުމަށް ނޫސްވެރިން އެދިފައިވެއެވެ. އެހެން ނަމަވެސް މި ސުވާލަށް ޖަވާބުދެއްވަމުން ރައީސް ވިދާޅުވެފައި ވަނީ ރައީސް އޮފީހުގައި ތިބި ސިޔާސީ މުވައްޒަފުންގެ މައުލޫމާތު ހަމަ އެ ރޭ ހާމަ ކުރައްވާނެ ކަމަށެވެ.
ފިނޭންސް މިނިސްޓަރަށް ވެސް ދަންނަވާނަން، ފިނޭންސް މިނިސްޓަރު ލިޔުމުން ތިބޭފުޅުންނަށް އެ ޖަވާބު ދެއްވަން،" ރައީސް މުއިއްޒު ވިދާޅުވި އެވެ. "މިރޭ ދެއްވެން އޮތިއްޔާ މިރޭ ވެސް ދެއްވާށޭ ދަންނަވާނަންރައީސް ޑރ. މުހައްމަދު މުއިއްޒު
ސިޔާސީ މުވައްޒަފުންގެ އަދަދާއި ގުޅޭގޮތުން މައުލޫމާތު ލިބުނުހާ އަވަހަކަށް ހިއްސާކޮށްދޭނަންކަމަށް ކަމަށް ރައީސް ވިދާޅުވެފައިވާއިރު، ނުވަ ދުވަސްވެގެން ދިއައިރުގައި ވެސް ސިޔާސީ މުވައްޒަފުންގެ އަދަދު އަދިވެސް ހާމައެއް ނުކުރައްވައެވެ. ސިޔާސީ މުވައްޒަފުންގެ އަދަދު ސިއްރު ކުރަނީ ކީއްވެގެން ކަން މިހާތަނަށް ސަރުކާރުން ހާމައެއް ވެސް ނުކުރެ އެވެ.
އެހެން ނަމަވެސް ބައްދަލުވުމުގައި ރައީސް ވަނީ ސިޔާސީ މުވައްޒަފުންގެ އަދަދު ލަފާކޮށް،ސަރުކާރު މުވައްޒަފުންގެ ޖުމުލަ އަދަދަކީ "ގާތްގަނޑަކަށް" 49،000 މީހުން ކަމަށް ވިދާޅުވެފައެވެ. އަދި އޭގެ ތެރެއިން ސިޔާސީ މީހުންގެ އަދަދަކީ ތިން ޕަސެންޓު ކަމަށް އެމަނިކުފާނު ވިދާޅުވި އެވެ. އެހެން ނަމަވެސް ނޫސްވެރިންގެ އެ ބައްދަލުވުމުގައި ސީދާ އަދަދު ވިދާޅެއް ނުވެއެވެ.
ރައީސް ޑރ، މުހައްމަދު މުއިއްޒު އެދުވަހު ނޫސްވެރިންނާއި ބައްދަލުކޮށް ދެއްކެވި ގިނަ ވާހަތަކަކީ އެއްވެސް ހަގީގަތެއް އެކުލެވުގެން ނުވާ ވާހަތަކެއް ކަމަށާއި އެއީ ކަނޑައެޅިގެން ހެއްދެވި ދޮގުތަކެއް ކަމަށް ގިނަ ބަޔަކު އަންނަނީ ބުނަމުންނެވެ.
ސިޔާސީ މުވައްޒަފުންނަކީ ގާނޫނުއަސާސީގެ 115 ވަނަ މާއްދާގެ ޅ. ގެ ދަށުން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުން އައްޔަން ކުރާ މުވައްޒަފުންނެވެ. ސިޔާސީ މުވައްޒަފުން މަގާމުތަކަށް އައްޔަން ކުރަނީ ސީދާ ރައީސުލްޖުމްހޫރިއްޔާ އެވެ.
