ވަކިވަކިން މުޒާހަރާނުކޮށް އެންމެން އެކުގައި ނުކުމެ މި އަނިޔާވެރިކަން ނިންމުމަށް ފިއްޓޭ އެދިވަޑައިގެންފި
މިހާރު މިގައުމުގެ ކަންކަމާއި މެދު ވިސްނާލައިފި ނަމަ ކަންބޮޑުނުވާ ހަމަ އެކަކުވެސް ނެތް
ވައިކަރަދޫ ދާއިރާގެ މަޖިލިސް މެމްބަރު ހުސެއިން ޒިޔާދު އެމްޑީޕީ ގައުމީ މިޖިލީހުގެ ޖަލްސާގައި ވާހަކަދައްވަނީ
ރައީސް މުއިއްޒުގެ މި ސަރުކާރުގެ އަނިޔާވެރިކަން ނިންމަން ބޭނުން ނަމަ ވަކިވަކިން މުޒާހަރާ ނުކޮށް، އެންމެން އެކުގައި ނުކުމެ މަސައްކަތް ކުރުމަށް ވައިކަރަދޫ ދާއިރާގެ މަޖިލިސް މެމްބަރު ހުސެއިން ޒިޔާދު އެދިވަޑައިގެންފިއެވެ.
ހުކުރު ދުވަހުގެ ރޭ އެމްޑީޕީން ބޭއްވި އެ ޕާޓީގެ ގައުމީ މަޖިލީހުގެ ޖަލްސާގައި ވާހަކަދައްކަވަމުން ޒިޔާދު ވިދާޅުވީ މިހާރު މިގައުމުގެ ކަންކަމާއި މެދު ވިސްނާލައިފި ނަމަ ކަންބޮޑުނުވާ ހަމަ އެކަކުވެސް ނެތް ކަމަށާއި ގައުމުގެ އެންމެހާ ކަންކަން ބޮއްސުންލައިގެން ހިނގައްޖެ ކަމަށެވެ.
ޒިޔާދު ވިދާޅުވީ މިއަދު މަޖިލީހަށް ބަލާލި ނަމަވެސް އެ ތަނުގައި ވެސް މާ ބޮޑުކަމެއް ނެތް ކަމަށާއި ނަމަވެސް މިއަދު ގައުމުގައި ހިނަގަމުން މިދާކަންކަމަށް ބަލާއިރު، މަޖިލީހަކީ ވެސް މެމްބަރުންނަށް ހަމަހަމަކަމާއި އެކު ފުރުސަތު ނުލިބޭ ތަނެއް ކަމަށެވެ.
ޔުމްނުގެ މައްސަލައަށް އިންސާފު ހޯދުމަށް ޒުވާނުން ކުރަމުންގެންދާ މުޒާހަރާއަށް އަލިއަޅުއްވާ ލައްވަމުން ޒިޔާދު ވިދާޅުވީ މިއަދު ގައުމުގެ ހުރިހާތަނެއްގައި ގިނަ މުޒާހަރާތަކެއް ހިނގަމުން އެބަދާކަމަށެވެ. އެހެން ނަމަވެސް އެގޮތަށް ވަކިވަކިން މުޒާހަރާ ކުރުކުގެ ބަދަލުގައި އެންމެ އެކުގައި ގުޅިގެން އެކަތިގަނޑަކަށް ވެގެން މުޒާހަރާއަށް ނުކުތުމުން އެކަމުން ނުކުންނަ ނަތީޖާ ރަނގަޅުވާނޭކަމަށެވެ. އެހެން ކަމުން އެންމެ އެކުގައި ގުޅިގެން ކަން ނިންމުމަށް އައުމަށް މުޒާހަރާކުރާ ފަރާތްތަކަށް ގޮވާލާ ކަމަށް ވެސް އޭނާ ވިދާޅުވި އެވެ.
ޒިޔާދު ވިދާޅުވީ އެއްވެސް ބަޔަކު ވަކިވަކިން މުޒާހަރާ ނުކޮށް އެންމެ އެކުގައި ގުޅިގެން މިހާރުން މިހާރަށް ކަންކަނ ނިންމުމަށް އައުމަށް ގޮވާލާ ކަމަށާއި އެގޮތަށް ނޫނީ މިކަން ނުނިންމޭނޭ ކަމަށެވެ.
ގައުމުގައި ބޯހިޔާވަހިކަން ބޭނުންވާ މީޙުން މުޒާހަރާ ކުރަނީ، ހޮޅުދޫގައި މުޒާހަރާ ކުރަނީ. ޒުވާނުން އިންސާފަށް އެދި މުޒާހަރާ ކުރަނީ، މިހެން ގޮސް އެތައް މުޒާހަރާއެއް ދަނީ ހިނގަމުން. އަޅުގަނޑު މިއަދު މި ގޮވާލަނީ ވަކިވަކިން ތި މުޒާހަރާ ނުކޮށް އަޅުގަނޑުމެންނާއި އެކު ފަހަތުން މިރޭ ނުކުންނަން ހި ނގާށޭ. ލަސްވެއްޖެއްޔާ ވަރަށް ލަސްވާނެ. ވަކިން ކުރެވޭނޭ ކަމެއް ނެތް، އެންމެ އެކުގައި ނުކުމެގެން ނޫނީ މިކަމެއް ނުކުރެވޭނެ.ވައިކަރަދޫ ދާއިރާގެ މަޖިލިސް މެމްބަރު ހުސެއިން ޒިޔާދު
އޭނާ އިތުރަށް ވިދާޅުވީ އެންމެ އެކުގައި ނުކުނަނަނަމަ ނުކުންނަން ޖެހޭނީ ސީދާ ވަގުތުން ވަގުތައް ކަން ނިންމަން ކަމަށާއި އެ ނޫން ގޮތަކަށް ނުކުތުމުގެ ބޭނުމެއް ނެތް ކަމަށެވެ.
