އެމްޑީޕީގެ ގައުމީ މަޖިލީހުގެ ކުއްލި ބައްދަލުވުމެއް މިރޭ!
އެމްޑީޕީގެ ގައުމީ މަޖިލީހުގެ ކުއްލި ބައްދަލުވުން ބޭއްވުމަށް ހަމަޖައްސާފައި ވަނީ ބުރާސްފަތި ދުވަހުގެ ރޭ 09:00 ގަ
އެމްޑީޕީން ކުރިން ބޭއްވި އެ ޕާޓީގެ ޤައުމީ މަޖިލިސް ބައްދަލުވުމެއްތެރެއިން: މިރޭ 9 ޖަހާއިރު ކުއްލި ބައްދަލުވުމެއް ބޭއްވުމަށް އެ ޕާޓީން މިވަނީ ނިންމާފަ
އިދިކޮޅު މައި ޕާޓީ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ގައުމީ މަޖިލީހުގެ ކުއްލި ބައްދަލުވުމެއް ބާއްވަން ނިންމައިފި އެވެ.
އެމްޑީޕީގެ ގައުމީ މަޖިލީހުގެ ކުއްލި ބައްދަލުވުމެއް ބޭއްވުމަށް ނިންމިއިރު، އެ ބައްދަލުވުން އޮންނާނީ ހުކުރު ދުވަހުގެ ރޭ 09:00 ގައި އެމްޑީޕީ ހަރުގޭގަ އެވެ.
އެމްޑީޕީގެ މި ބައްދަލުވުމަކީ އެ ޕާޓީގެ ގައުމީ މަޖިލީހުން ހޮވާފައިވާ ލީޑަރޝިޕް ރެޕިޑް ރެސްޕޮންސް ޓީމް (އެލްއާރްއާރްޓީ) އިން އެދިގެން ބާއްވާ ބައްދަލުވުމެއް ކަމަށް ވަނީ މައުލޫމާތު ލިބިފަ އެވެ.
އެމްޑީޕީގެ ގައުމީ މަޖިލީހުގެ ކުއްލި ބައްދަލުވުމެއް ހުކުރު ދުވަހުގެ ރޭ ބާއްވަން ނިންމާފައި މިވަނީ ބުރާސްފަތި ދުވަހުގެ ރޭގައި ޒުވާނުން ކުރިއަށް ގެންދިޔަ މުޒާހަރާގައި ފުލުހުން ބާރުގެ ބޭނުންކޮށް ދެ މީހަކު ހައްޔަރުކޮށްފައިވާ ދަނޑިވަޅެއްގަ އެވެ. މުޒާހަރާއިން ހައްޔަރުކުރި ދެ މީހުން ވެސް ދޫކޮށްލަން އެމްޑީޕީން ވަނީ ގޮވާލައިފަ އެވެ.
ސިލްސިލާގޮތެއްގައި ޒުވާނުން ކުރިއަށް ގެންދާ މި މުޒާހަރާ އަކީ އޭޕްރީލް 18 ވަނަ ދުވަހު އުސް އިމާރާތަކުން ވެއްޓުނު އުމުުރުން 21 އަހަރުގެ ޔުމްނު ރަޝީދުއަށް އިންސާފު ހޯދުމުގެ ނަމުގައި ކުރިއަށް ގެންދާ މުޒާހަރާއެކެވެ. އެގޮތުން ބުރާސްފަތި ދުވަހުގެ ރޭ ވެސް މި މުޒާހަރާ ވަނީ ކުރިއަށް ގެންގޮސްފައެވެ.
އެހެން ނަމަވެސް ބުރާސްފަތި ދުވަހުގެ ރޭ ޒުވާނުން ކުރިއަށް ގެންދިއަ މި މުޒާހަރާ ފުލުހުން ވަނީ ބާރުގެ ބޭނުންކޮށް ރޫޅާލައި ދެ ޒުވާނަކު ވަރަށް އަނިޔާވެރިކޮށް ހައްޔަރުކޮށްފައެވެ. މިކާއި ގުޅިގެން ގިނަ ބަޔަކު އަންނަނީ ފުލުހުންނަށާއި މި ސަރުކާރަށް ވަރަށް ބޮޑަށް ފާޑުކިޔަމުންނެވެ.
