ކަނޑައެޅިގެން ހަގީގަތް ފެންނަން ހުންނަ ކަންކަން ވެސް އޮޅުވާލަން ދަނީ މަސައްކަތް ކުރަމުން: މީކާއިލް
29 އެޕްރީލު 2025 | އަންގާރަ 13:25މަޖިލީހުގެ ގަވާއިދާއި ޚިލާފަށް ކުރާ ކަންކަން އިތުރުވަމުން އައުމަކީ ހަގީގަތެއް، އަދި އެއީ މީގެ ކުރިން ފެންނަކަންކަމެއް ނޫން
ލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް: އެމްޑީޕީ ޕީޖީ ގްރޫޕުން މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަނީ
ކަނޑައެޅިގެން "ފެކްޓްސް" ނުވަތަ ހަގީގަތް ފެންނަން ހުންނަ ކަންކަން ވެސް އޮޅުވާލަން މަސައްކަތް ކުރުމަކީ ރައްޔިތުންގެ މަޖިލީހުގައި ދުވަހަކުވެސް މީގެ ކުރިން ކުރަމުން އަންނަ ކަންކަމެއް ނޫން ކަމަށާއި ނަމަވެސް މިއަދު އެކަންކަން ވެސް ފެންނަމުން އަންނަ ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ވިދާޅުވެއްޖެ އެވެ.
މީކާއިލް މިފަދައިން ވިދާޅުވީ އިދިކޮޅު މައި ޕާޓީ އެމްޑީޕީގެ ޕީޖީ ގްރޫޕުން އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައެވެ.
އެމްޑީޕީން މަޖިލީހަށް ހުށަހެޅި ގަރާރާއި ގުޅޭގޮތުން ވާހަކަދައްކަވަމުން މީކާއިލް ވިދާޅުވީ މަޖިލީހުގެ ރިޔާސަތުންނާއި ވެރިކަން ކުރާ ޕާޓީ ޕީއެންސީން މަސައްކަތް ކުރަމުން ގެންދަނީ ފެކްޓްސް އެއީ ފެކްޓްސް ނޫން ކަމަށް ދައްކައި އޮޅުވާލަން ކަމަށާއި މަޖިލީހުގެ ޤަވައިދުގައި ލާޒިމް ކުރާ ހަފްތާއަކު ބާއްވަން ޖެހޭ ތިން ޖަލްސާ ވެސް ނުބޭއްވުމަކީ އެއީ އޭގެ އެއް މިސާލުކަމަށެވެ.
އަދި ގަވާއިދު ބުނާގޮތައް މަޖިލިސް ޖަލްސާތައް ނުބާއްވާ ޖެހިޖެހިގެން ދެ ހަފްތާވެގެން ގޮސްފައިވާ ކަމަށާއި އެއީ ފެންނަން އޮތް ހަގީގަތެއް ކަމަށާއި އަދި ބަދަލުކުރެވޭނޭ ކަމެއް ނޫން ކަމަށް ވެސް މީކާއިލް ވިދާޅުވި އެވެ. އަދި މަޖިލީހުގެ ގަވައިދުގައި އޮންނަ ގޮތަށް ކަންކަން ނުކުރުމަކީ މަޖިލީހުގެ ގަވައިދާއި ޚިލާފުވުން ކަމަށް ވެސް އޭނާ ވިދާޅުވި އެވެ.
މީކާއިލް ވިދާޅުވީ ރައްޔިތުންގެ މަޖިލީހުގެ ތަޅުމަށް ވަޒީރުން ހާޒިރު ވުމަށް ވަކިމުއްދަތެއް ދީފައިވާ ކަމަށާއި އެއީ 14 ދުވަހުގެ މުއްދަތެއް ކަމަށެވެ. އަދި އެ 14 ދުވަސް ބަންދުތައް ވެސް ހިމެނޭ ގޮތަށް ގަވައިދުގައި ބަޔާންކޮށްފައި ވަނީ ވަރަށް މުހިންމު މަގުސަދެއްގައި ކަމަށް ވެސް އޭނާ ވިދާޅުވިއެވެ. ނަމަވެސް މިގޮތަށް އަމަލުތައް ނުހިނގާ ކަމަށް ވެސް މީކާއިލް ވިދާޅުވި އެވެ.
މީކާއިލް ވިދާޅުވީ 14 ދުވަހުގެ މުއްތަދުގެ ތެރޭގައި ވަޒީރުން މަޖިލީހުގައި ތިއްބަވަން ނުޖެހޭކަމަށް އަންގާރަ ދުވަހު އޮތް ޖަލްސާގައި ޕީއެންސީގެ ޕީޖީ ލީޑަރު ވިދާޅުވެފައިވާކަމަށާއި އެއީ ވަރަށް ބޮޑަށް ކަންބޮޑުވާކަމެއް ކަމަށެވެ.
އެއީ ރިޔާސަތައްވެސް އަދި އޭރުގައި އާރާއި ބާރު ރައްޔިތުންގެ މަޖިލީހުގެ ތެރޭގައި އޮންނަ ބޭބޭފުޅުންނަށް ވެސް އެކަންކަމަށް ނުފޫޒު ނުފޯރުވޭނޭހެން އެގަވައިދުތައް ބައްޓަން ކުރަންވެގެން އެހެން ކަނޑައަޅާފައި އޮންނަނީ އެހެން ނަމަވެސް މިއަދު ޕީއެންސީގެ ޕީޖީ ލީޑަރު ދެއްކެވި ވާހަކަފުޅުތަކާއި މެދު އަޅުގަނޑު ވަރަށް ކަންބޮޑުވޭ. ވިދާޅުވީ ކޮންމެހެން 14 ވަނަ ދުވަަހު ރައްޔިތުންގެ މަިލީހުގެ ތަޅުމުގައި ވަޒީރުން ތިއްބަވާކަށް ނުޖެހޭ އިންގޭތޯ އާލާސްކަންފުޅާވެސް އުޅުއްވާނޭ، ދަތުރުތަކުގައިވެސް ވަޑައިގަންނަވާނޭގަލޮޅު ދެކުނު ދާއިރާގެ މެމްބަރު މީކާއިލް ނަސީމް
މީކާއިލް ވިދާޅުވީ މިއީ ބަލަން ޖެހޭނޭ ކަންކަން ނޫން ކަމަށާއި ވަޒީރުން މަޖިލީހަށް ހާޒިރުވުމަށް ކަނޑައަޅާފައި އޮންނަ 14 ދުވަހުގެ މުއްދަތުގެ ތެރޭގައި މަޖިލީހުގެ ތަޅުމަށް ވަޒީރުން ހާޒިރުވާން ޖެހޭނޭ ކަމަށެވެ. ނޫނީ ހާޒިރު ނުވެވޭފަދަ އުޒުރެެއް މެދުވެރިވާނަމަ އޮންނަ އުސޫލުގެ މަތިން އެ އުޒުރެއް ލިޔެކިޔުމުން ބަޔާންކޮށް އަންގަން ޖެހޭނޭ ކަމަށް އޭނާ ވިދާޅުވިއެވެ. އެހެން ނަމަވެސް މިއަދާއި ހަމައަށް ވެސް އެގޮތަށް އަމަލު ކޮށްފައި ނުވާކަން މީކާއިލް ފާހަގަކުރި އެވެ.
މީގެ އިތުރުން މީކާއިލް ވިދާޅުވީ މަޖިލީޙުގެ ބަހުސް ކުރިއަށް ދާއިރު، މަޖިލީހުގެ ރިޔާސަތުން ބަހުސްގެ ތެރެއަށް ވަދެވަޑައިގެން ވާހަކަދައްކަވާ މެމްބަރުގެ ވާހަކަ ލިމިޓުކުރައްވަމުން އަންނަ ކަމަށެވެ. އަދި އެއީވެސް އިންތިހާއަށް ކަންބޮޑުވާ ކަމެއް ކަމަށް ވެސް އޭނާ ވިދާޅުވި އެވެ.
