މާލޭ ކެފޭއެއްގައި ތޫނު އެއްޗަކުން ހަމަލަދީ ޒުވާނަކު ޒަޚަމްކޮށްލައިފި
21 އެޕްރީލު 2025 | ހޯމަ 16:52މާލޭގެ ކެފޭއެއްގެ ތެރޭގައި ހިނގި މާރާމާރީއެއްގައި ޒަޚަމްކޮށްލާފައިވަނީ އުމުރުން 22 އަހަރުގެ ޒުވާނެއް
އައިޖީއެމްއެޗް ހޮސްޕިޓަލް: ހޯމަ ދުވަހު މާފަންނުގައި ހުންނަ ކެފޭއެއްގައި ތޫނުއެއްޗަކުން ހަމަލާދީ ޒަޚަމްކޮށްލި ޒުވާނާއަށް ފަރުވާދެމުން އަންނަނީ އައިޖީއެމްއެޗް ހޮސްޕިޓަލުގައި
މާލޭ ކެފޭއެއްގައި ތޫނު އެއްޗެއް ބޭނުންކޮށްގެން ހިންގި މާރާމާރީ އެއްގައި ޒުވާނަކު ޒަޚަމްކޮށްލައިފިއެވެ.
މި މާރާމާރީ ހިންގާފައި ވަނީ މާލޭ މާފަންނުގައި ހުރި ކެފޭ އެއްގައެވެ.
ފުލުހުންގެ ޚިދުމަތުން ބުނީ މާފަންނުގައި ހުރި ކެފޭ އެއްގައި ތޫނު އެއްޗެއް ބޭނުންކޮށްގެން ހިންގި މާރާމާރީއެއްގެ މައްސަލަ ހޯމަ ދުވަހު މެންދުރު ފަހު 15:38 ހާއިރު ރިޕޯޓުކޮށްފައިވާ ކަމަށެވެ.
އަދި މި މާރާމާރީގައި އަނިޔާވެފައި ވަނީ 22 އަހަރުގެ ދިވެހި ފިރިހެނަކަށް ކަމަށާއި އޭނާއަށް އައިޖީއެމްއެޗް ހޮސްޕިޓަލުގައި އަންނަނީ ފަރުވާ ދެމުންް ކަމަށް ފުލުހުންގެ ޚިދުމަތުން ބުނެފައިވެއެވެ.
މިކަމާ ގުޅިގެން އައިޖީއެމްއެޗު ހޮސްޕިޓަލުގެ ބަހެއް ހޯދަން 'ރާއްޖެ އެމްވީ" އިން ގުޅާލުމުން، އެ ހޮސްޕިޓަލުގެ މީޑިއާ އޮފިޝަލް ވިދާޅުވީ ހޯމަ ދުވަހުގެ ހަވީރު ހިނގި އެ މާރާމާރީގައި ޒަޚަމްވި 22 އަހަރުގެ އެ ޒުވާނާ ގެނެސް ވޯޑުގައި އެޑްމިޓްކޮށް ފަރުވާދެމުން އަންނަ ކަމަށެވެ.
މި މައްސަލަ ފުލުހުން އަންނަނީ ތަހުގީގު ކުރަމުންނެވެ.
ފަހަކަށް އައިސް މާރާމާރީތައް ހިނގުން އިތުރުވެފައިވާއިރު، ބިދޭސީންގެ މެދުގައި ވެސް އަންނަނީ އެކިވަރުގެ މާރާމާރީތައް ހިނގަމުންނެވެ.
