"އުންމަތް ފަލަސްތީނާއި އެކު" ނަމުގައި ޚާއްސަ ހިނގާލުމެއް ބާއްވައިފި

"އުންމަތް ފަލަސްތީނާއި އެކު" ނަމުގައި ޚާއްސަ ހިނގާލުމެއް ބާއްވައިފިއެވެ.

މި ހިނގާލުން ބާއްވާފައި ވަނީ ފަލަސްތީނުގެ މުސްލިމުންނާއި ދެކޮޅަށް އިސްރާއީލުން ހިންގާ ލާއިންސާނީ ޖަރީމާތަކާއި ދެކޮޅަށް އަޑު އުފުލާ ދިވެހިން ފަލަސްތީނާއި އެކު ތިބިކަން ހާމަކޮށްދިނުމަށެވެ. ހުކުރު ދުވަހުގެ ރޭގެ 08:00ން ފެށިގެން ކުރިއަށް ގެންދިޔަ ހިނގާލުން ކުރިއަށް ދިޔައީ ސޯޝަލް ސެންޓަރ އިން ފެށިގެން އާޓިފިޝަލް ބީޗާއި ހަމައަށެވެ.

މި ހަރަކާތަކީ ފަލަސްތީނުގައި މުސްލިމުންނަށް ކުރަމުންދާ އަނިޔާ އާއި ގުޅިގެން ދިވެހި ބައެއް ޖަމިއްޔާ ޖަމާއަތްތަކަުން އިސްވެ ކުރިއަށް ގެންދިޔަ ހަރަކާތެކެވެ. މި ހިނގާލުމަށް ބޮޑު ތަރުޚީބެއް ވަނީ ލިބިފައެވެ.

އެ ހިނގާލުމުގެ ބައިވެރިން ވަނީ އެމެރިކާ އަކީ ޓެރަރިސްޓް ޖަމާއަތެއް ކަަމަށާއި އިސްރާއީލަކީ ޓެރަރިސްޓް ޖަމާއަތެއް ކަމަށް ކަނޑައެޅުމަށް ގޮވާލާފައެވެ. އަދި އިސްރާޢީލް ޕާސްޕޯޓް މަނާކުރީ އެންމެ ރަނގަޅަށް ނޫން ކަމަށް އެ ހިނގާލުމުގެ ބައިވެރިން ވަނީ ބުނެފައެވެ. ހަމައެހެންމެ އިސްރާޢީލްގެ ޕްރޮޑަކްޓްތައް މަނާކުުރުމަށް ވެސް ބައިވެރިން ވަނީ ގޮވާލާފައެވެ.

އެ ހިނގާލުމަށް ފަހު އާޓިފިޝަލް ބީޗްގައި ޚާއްސަ ދަރުސްއެއް ވަނީ ބާއްވާފައެވެ. އެ ދަރުސްގައި ފަލަސްތީނުގެ މުގައްދަސް ބިމާއި، ފަލަސްތީނުގައި އިސްރާއިލުން ހިންގާ ޖަރީމާތަކާއި ގުޅޭ މައުލޫމާތު ވަނީ ދީފައެވެ.