ރައީސް މުއިއްޒު ޕްރޮމޯޓްކުރަން 9 ލައްކަ ރުފިޔާ މަހަކު ހަރަދުކުރޭ - ޔާމީން
11 އެޕްރީލު 2025 | ހުކުރު 11:409 ލައްކަ ރުފިޔާ ހަރަދު ކުރަނީ ޑިޕާޓްމަންޓުގެ މުސާރައަށް އެކަނި
ކުރީގެ ރައީސް އަބްދުﷲ ޔާމީން ޕީއެންއެފް ޖަލްސާގައި ވާހަކަ ދައްކަވަނީ
ރައީސް ޑރ. މުހައްމަދު މުއިއްޒު ޕްރޮމޯޓް ކުރުމަށް ރައީސް އޮފީހުގައި ހަދާފައިވާ މީޑިއާ ޑިޕާޓްމަންޓަށް މަހެއްގެ މައްޗަށް 9 ލައްކަ ރުފިޔާ ހަރަދުކުރާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ޕީއެންއެފް ފްރަންޓް އޮފީސް ޖަލްސާގައި ވާހަކަ ދައްކަވަމުން ރައީސް ޔާމީން ވިދާޅުވީ ރައީސް އޮފީހުގައި މީޑިއާ ޑިޕާޓްމަންޓެއް ހަދާފައި އެތަނުގެ މުސާރައަށް އެކަނި މަހެއްގެ މައްޗަށް 9 ލައްކަ ރުފިޔާ ހަރަދުކުރާ ކަމަށެވެ. ޔާމީން ވަނީ މީޑިއާ ސެކްޝަނެއް އުފައްދަވާ 9 ލައްކަ ރުފިޔާ މަހު މުސާރައަށް ހޭދަ ކުރަން ޖެހެނީ މުއިއްޒު ކޮންކަމެއް ކުރައްވާތީ ޕްރޮމޯޓް ކުރައްވަންތޯ ސުވާލު އުފައްދަވާފައެވެ.
ޔާމީން ވިދާޅުވީ މުއިއްޒު ކުރައްވާ ކަމެއް ނޫނިއްޔާ ދިވެހިރާއްޖޭގެ ޤައުމީ ލެޖަރަށް އަރާވަރުގެ ކަމެއް ކުރެއްވިކަން ފާހަގަވެފައި ނުވާ ކަމަށެވެ. އެގޮތުން ބްލަޑް ބޭންކުގެ މައްސަލަ ޖެހިއްޖެއްޔާ އެތަނަށް ދިއުމަކީ އަދި ކުރައްވަންޖެހޭ ކަމެއް ނޫން ކަމަށާއި، ތަނެއްގައި މައްސަލައެއް އޮތިއްޔާ އެތަނަށް ދާން ނުޖެހޭ ކަމަށެވެ.
އެ މައްސަލައެއް އުފެދޭއިރު އޭގެ ކުރީގައި ރަށެއްގައި ވާހަކަ ދައްކަވަމުން ތިމަންނާ ތެލަސީމިއާ ކަންތައް ވަރަށް ގާތުން ބައްލަވާ ވާހަކަ. އެކަމަކު މިކޮޅުގައި އެ މީހުންނަށް ބޭނުންވާ ބޭހާ ފިލްޓަރާ ދެން ހުރިއެއްޗެއް ނުލިބުނީމަ ހަމަ އެއްގޮތަކަސް ތިމަންނައަކަށް ނޭނގޭ އެ ވިދާޅުވަނީ. ހަނދާނެއް ނުހުރޭ. އެއީ އެބޭފުޅާއެއް ނޫން ސްޕީޗް ލިޔަނީކީ އެހެންވެ މި ކަހަލަ ވާހަކަ މިދެއްކެވެނީ ކަމުގައި ރައީސް ޔާމީން ވިދާޅުވި އެވެ.ކުރީގެ ރައީސް އަބްދުﷲ ޔާމީން
ޔާމީން ވިދާޅުވީ ސުޕީޗް ލިޔުމާއި ކަންކަމަށް މީހުން ގެނެސްގެން ކަންކަން ކުރާއިރު. ރައީސް އޮފީހުގެ މީޑިއާ ޑިޕާޓްމަންޓަކަށް މަހަކު ނުވަ ލައްކަ ރުފިޔާ ރައްޔިތުންގެ ފައިސާ ހޭދަކުރައްވާ ކަމަށެވެ. ޔާމީން ވިދާޅުވީ މުއިއްޒު ދައްކާ ވާހަކައެއްގައި އަދި ކުރައްވާ މަސައްކަތުގައި ހަބަރަކަށްވާ ކަމެއް ނެތް ކަމަށެވެ.
އަދި ދިވެހި ރައްޔިތުން އެކަމަކާ ދޭތެރޭ ފަޚުރުވެރިވާ، ޝަރަފުވެރިވާ ކަހަލަ މަސައްކަތެއް މިހާތަނަށް މުއިއްޒު ނުކުރައްވާ ކަމަށާއި، މުޅިންވެސް އެހެން މީހުން ކުރާ ކަންކަމުން ކްރެޑިޓް ނަގާކަމަށް ޔާމީން ވިދާޅުވިއެވެ. އެގޮތުން މާލެ ސިޓީގެ މޭޔަރު އާދަމް އާޒިމް ކެޓް ޝެލްޓަރ ހެދުމުން އެތަން ދަމައިގަނެގެން ގޮއްސި ކަމަށާއި، މުޅިންވެސް ހިނގަނީ މިކަހަލަ ކަންކަމާ މިފަދަ ވާހަކަތައް ކަމަށް ޔާމީން ވިދާޅުވިއެވެ.
